*D begreif mit sînen handen. nû jehts im niht ze schanden, daz er sich âne schergen hienc. mit den vüezen er gevienc under im des velses herte. in grôzem ungeverte lac daz ors dort niden tôt. der ritter gâhete von der nôt anderhalben ûf die halden hin. wolt er teilen den gewin, den er erwarp an Parzival, sô half im baz dâ heime der Grâl. Parzival her wider steic. der zügel gein der erden seic. dâ hete daz ors durch getreten, als ob ez bîtens wære gebeten, des jener ritter dâ vergaz. dô Parzival dar ûf gesaz, dône was niht wan sîn sper verlorn. diu vlust gein vînden was verkorn. ich wæne, der starke Læhelin noch der stolze Kingrisin noch roy Gramoflanz noch cons Lascoyt fiz Gurnemanz, nie bezzer tjost geriten, denne als diz ors wart erstriten. dô reit er, erne wiste selbe war, sô daz der Munsalvæscher schar in mit strîte gar vermeit. des Grâles vremde was im leit.

*m begreif mit sînen handen. nû jehts ime niht zuo schanden, daz er sich âne scherjen hienc. mit den vüezen er gevienc under ime des velses herte. in grôzem ungeverte lac daz ros dort niden tôt. der ritter gâhete von der nôt anderhalben ûf die halden hin. wolte er teilen den gewin, den er erwarp an Parcifal, sô half ime baz dâ heime der Grâl. Parcifal her wider steic. der zügel gegen der erden seic. dâ hete daz ros durch getreten, als ob ez bîtens wære gebeten, daz jener ritter dâ vergaz. dô Parcifal dar ûf gesaz, dô enwas niht wenne sîn sper verlorn, die wîle vlust gegen vînden was verkorn. ich wæne, der starke Lehelin noch der stolze Kingrisin noch rois Gramolanz noch cuns Lascot fiz Gurnemanz, nie bezzer just geriten, danne als diz ros wart erstriten. dô reit er, er enwuste war, sô daz diu Muntsalvasche schar in mit strîte gar vermeit. des Grâles vremde was im leit.

*G begreif mit sînen handen. nû gebets im niht ze schanden, daz er sich ân scherigen hienc. mit den vüezen er gevienc under †† des velses herte. in grôzem ungeverte lac daz ors dort niden tôt. der rîter gâhte von der nôt anderhalp ûf die halden hin. wolder teilen den gewin, den er erwarp an Parzival, sô half im baz dâ heime der Grâl. Parzival her wider steic. der zügel gein der erden seic. dâ het daz ors durch getreten, als ob ez bîtens wære gebeten, des jener rîter dâ vergaz. dô Parzival drûf gesaz, dône was niht wan sîn sper verlorn. der schade gein vînden was verkorn. ich wæne, der starke Lehelin noch der stolze Kingrisin noch roys Gramoflanz noch cons fiz Lascheit Gurnomanz nie bezzer tjost geriten, danne als wart daz ors erstriten. dô reit er, erne wesse war, sô daz diu Muntsalvatscher schar in mit strîte gar vermeit. des Grâles vrömede was im leit.

*T begreif mit sînen handen. Nû jehets im niht ze schanden, daz er sich âne schergen hienc. mit den vüezen er gevienc under im des velses herte. in grôzem ungeverte lac daz ors dâ nidene tôt. der rîter gâhete von der nôt anderhalp ûf der halden hin. wolter teilen den gewin, den er erwarp an Parcifal, sô half im baz dâ heime der Grâl. Parcifal her wider steic. der zügel gegen der erden seic. dâ hete daz ors in getreten, als ob ez bîtens wære gebeten, des jener rîter dâ vergaz. dô Parcifal dar ûf gesaz, dô was niht wan sîn sper verlorn. diu vlust gegen vîenden was verkorn. ich wæne, der stolze Lehelin noch der stolze Kyngrisin noch cons Lascot fiz Gurnemanz, noch rois Gramoflanz nie bezzer ors geriten, danne alse diz ors wart erstriten. Dô reit er, ern wiste war, sô daz diu Munsalvasche schar in mit strîte gar vermeit. des Grâles vremde was im leit.