*D Er vuorten în. daz was im leit. diu küneginne im widerreit. sînen zoum nam si mit ir hant; si entstricte der vintâlen bant. der wirt in muose lâzen. sîne knappen niht vergâzen, sine kêrten vaste ir hêrren nâch. durch die stat man vüeren sach ir gast die küneginne wîs, der dâ behalden het den prîs. si erbeizte, al dâ sis dûhte zît. "wê, wie getriwe ir knappen sît! ir wænet verliesen disen man. dem wirt ân iuch gemach getân. nemt sîn ors unt vüeret daz hin. sîn geselle ich hie bin." vil vrouwen er dort ûfe vant. entwâpent mit swarzer hant wart er von der künegîn. ein declachen zobelîn unt ein bette wol gehêret, gar an im wart gemêret ein heinlîchiu êre. al dâ was niemen mêre. die juncvrouwen giengen vür unt sluzzen nâch in zuo die tür. dô pflac diu küneginne einer werden, süezer minne unt Gahmuret, ir herzen trût. ungelîch was doch ir zweier hût.

*m er vuorte in dan. daz was im leit. diu künigîn im widerreit. sînen zoum nam si mit der hant; si entstricket ime der vintailen bant. der wirt in muoste lâzen. sîne knappen niht vergâzen, si kêrten vaste ir hêrren nâch. durch die stat man vüeren sach ir gast die künigîn wîs, der dô behalten hette den prîs. si erbeizte, aldâ sis dûhte zît. "wê, wie getriuwe ir knappen sît! ir wænet verliesen disen man. dem wirt gemach âne iuch getân. nemet sîn ros und vüeret ez hin. sîn geselle ich hie bin." vil vrouwen er dort dûfe vant. die entwâpent in mit swarzer hant. dô wart ime und der künigîn ein deckelachen zobelîn und ein bette wol gehêret, gar an ime wart gemêret ein heimlichiu êre. aldâ was niemen mêre. die juncvrouwen giengen vür und sluzzen nâch in die tür. Dô pflac diu küniginne einer werden, süezen minne und Gahmuret, ir herzetrût. ungelîch was doch ir beider hût.

*G er vuort in în. daz was im leit. diu künigîn im widerreit unde nam in selbe mit ir hant; si entstrickt im der vinteilen bant. der wirt in muose lâzen. die knappen niht vergâzen, si kêrten vaste ir hêrren nâch. durch die stat man vüeren sach ir gast die küniginne wîs, der dâ behalten het den brîs. si erbeizt, al dâ sis dûhte zît. "wê, wie getriuw ir knappen sît! ir wænet verliesen disen man. im wirt ân iuch gemach getân. Nemet sîn ors unde vüeret ez hin. sîn geselle ich hie bin." vil vrouwen er dort ûffe vant. entwâpent mit swarzer hant wart er von der künigîn. ein declachen zobelîn unde ein bette wol gehêret, dâr an wart im gemêret ein heinlîchiu êre. dâ was ouch wünne mêre. juncvrouwen giengen von in vür unde sluzzen nâch in zuo die tür. dô pflac diu küniginne einer stolzen, werden minne unde Gahmuret, ir herzen trût. ungelîch was doch ir beider hût.

*T er vuorte in hin. daz was im leit. diu küneginne engein im reit. sînen zoum den vienc si bî der hant; si enstricte der vintelien bant. der wirt in muose lâzen. sîne knappen niht vergâzen, sine kârten vaste ir hêrren nâch. al durch die stat man vüeren sach ir gast die küneginne wîs, der dô behabet hete den prîs. si erbeizte, al dâ si es dûhte zît. "wê, wie getriuwe ir knappen sît! ir wænet verliesen disen man. im wære âne iuwer gemach getân. nemet sîn ors und vüeret ez hin. sîn geselle ich hie bin." vil vrouwen er dort ûffe vant. entwâpent mit swarzer hant wart er von der künegîn. ein deckelachen zobelîn und ein bette wol gehêret, dâr an im wart gemêret eine heimlîchiu êre. al dâ was nieman mêre. juncvrouwen, die giengen dar vür und sluzzen zuo nâch in die tür. dô pflac diu küneginne einer werden, süezen minne und Gahmuret, ir herzetrût. ungelîch was ir beider hût.