*D diu dicke vonme Heitstein über al die marke schein. wol im, derz heinlîche an ir solde prüeven, des geloubet mir, der vant kurzwîle dâ bezzer denne anderswâ. Ich mac des von vrouwen jehen, als mir diu ougen kunnen spehen. swar ich rede kêre ze guote, diu bedarf wol zühte huote. Nû hœre dise âventiure der getriwe unt der gehiure. ich enruoche umbe die ungetriwen. mit dürkelen riwen hânt si alle ir sælekeit verlorn. des muoz ir sêle lîden zorn. Ûf den hof dort vür den palas reit Gawan gein der gesellecheit, als in der künec sande, der sich selben an im schande. ein ritter, der in brâhte dar, in vuorte, dâ saz wol gevar Antikonie, diu künegîn. sol wîplîch êre sîn gewin, des koufes hete si vil gepflegen unt alles valsches sich bewegen. dâ mite ir kiusche prîs erwarp. owê, daz sô vruo erstarp von Veldeke der wîse man! der kunde si baz gelobt hân.

*m diu dicke vonme Hertstein über alle die marke schein. wol im, der ez heinlîche an ir dô brüefet, des geloubet mir, der vindet kurzewîle dâ bezzer danne anderswâ. ich mac wol des von vrouwen jehen, als mir diu ougen kunnen spehen. war ich rede kêre ze guote, diu bedarf wol zühte huote. Nû hœre dise âventiure der getriuwe und der gehiure. ich enruoche umb die ungetriuwen. mit dürkelen triuwen hânt si alle ir sælekeit verlorn. des muoze ir sælde lîden zorn. ûf den hof vür den palas reit Gawan gegen der gesellicheit, als in der künic sante, der sich sît an ime schante. ein ritter, der in brâhte dar, in vuorte, dâ saz wolgevar Anticonie, diu künigîn. sol wîplîch êre sîn gewin, des koufes het si vil gepflegen und alles valsches sich bewegen. dâ mite ir kiusche prîs erwarp. ouwê, daz sô vruo erstarp von Veldecke der wîse man! der kunde si baz gelobet hân.

*G diu dicke vome Heitstein über al die marke liehte schein. Wol im, derz heinlîche an ir sol prüeven, daz geloubet mir, der vindet kurzewîle dâ bezzer danne anderswâ. ich mac des wol von vrouwen jehen, als mir diu ougen kunnen spehen. swar ich rede kêre ze guote, diu bedarf wol zühte huote. nû hœret dise âventiure der getriwe unde der gehiure. ich enruoche umbe die ungetriwen. mit dürkelen riwen hânt si alle ir sælicheit verlorn. des muoz ir sêle lîden zorn. ûf den hof dort vür den palas reit Gawan gein der gesellicheit, als in der künic sande, der sich selben an im schande. ein rîter, der in brâhte dar, in vuorte, dâ saz diu wolgevar Antikonie, diu künigîn. sol wîplîch êre sîn gewin, des koufes het si vil gepflegen unde alles valsches sich bewegen. dâ mit ir kiusche prîs erwarp. owê, daz sô vruo erstarp von Veldeke der wîse man! der kunde si baz gelobet hân.

*T diu dicke von Heitstein über aldie marke erschein. wol im, derz heinlîche an ir sol prüeven, daz geloubet mir, der vindet kurzewîle dâ bezzer danne anderswâ. ich mac des wol von vrouwen jehen, alse mir diu ougen kunnen spehen. swar ich kêre mîn rede ze guote, diu bedarf wol zühte huote. Nû hœret dise âventiure der getriuwe unde der gehiure. in ruoche umbe die ungetriuwen. mit dürkeln riuwen hânt si alle ir sælekeit verlorn. des muoz ir sêle lîden zorn. Ûf den hof vür den palas reit Gawan gegen der gesellecheit, als in der künec dar sante, der sich selben an im geschante. ein rîter, der in brâhte dar, in vuorte, dâ saz wol gevar Antickonie, diu künegîn. sol wîplîch êre sîn gewin, des koufes hete si vil gepflegen unde alles valsches sich bewegen. dâ mite ir kiusche prîs erwarp. Owê, daz sô vruo erstarp von Veldecke der wîse man! der kunde si baz gelobet hân.