*D Sus bin ich ûf der strâzen oder ich muoz den lîp dâ lâzen." daz was Lyppauten ein herzeleit. er sprach: "hêrre, durch iwer werdecheit unt durch iwerre zühte hulde sô vernemt mîn unschulde. Ich hân zwô tohter, die mir sint liep, wan si sint mîniu kint. swaz mir got hât an den gegeben, dâ wil ich bî mit vreuden leben. ôwol mich, daz ich ie gewan kumber, den ich von in hân! den treit iedoch diu eine mit mir al gemeine. ungelîch ist diu gesellecheit. mîn hêrre, ir tuot mit minnen leit unt mir mit unminne, als ich michs versinne, mîn hêrre mir gewalt wil tuon, durch daz ich hân decheinen sun. mir sulen ouch tohter lieber sîn. waz denne, ob ichs nû lîde pîn? den wil ich mir ze sælden zeln. swer sol mit sîner tohter weln, swie ir verboten sî daz swert, ir wer ist anders als wert: si erwirbet im kiuscheclîche einen sun vil ellens rîche. des selben ich gedingen hân." "nû gewers iuch got", sprach Gawan.

*m sus bin ich ûf der strâzen oder ich muoz den lîp dâ lâzen." daz was Lippout ein herzeleit. er sprach: "hêrre, durch iuwer werdicheit und durch iuwer zühte hulde sô vernemet mîne unschulde. ich hân zwô tohter, die mir sint liep, wanne si sint mîniu kint. waz mir got an in hât geben, dâ wil ich mit vröuden leben. ouch wol mich, daz ich ie gewan kumber, den ich von in hân! den treit iedoch diu eine mit mir al gemeine. ungelîch ist diu gesellecheit. ir, hêrre, ir tuot mit minne leit und mir mit unminne, als ichs mich versinne, mîn hêrre mir gewalt wil tuon, durch daz ich hân dekeinen sun. mir sullen ouch tohter lieber sîn. waz danne, ob ich nû lîde pîn? den wil ich mir ze sælden zeln. wer sol mit sînen tohteren weln, wie ir verboten sî daz swert, ir wer ist anders alsô wert: si erwirbet ime kiuscheclîche einen sun vil ellens rîche. des selben ich gedingen hân." "nû gewers iuch got", sprach Gawan.

*G ode ich muoz den lîp dâ lâzen, sus bin ich ûf der strâzen." daz was Libaute ein herzeleit. er sprach: "hêrre, durch iwer werdicheit unt durch iwer zühte hulde vernemet mîn unschulde. Ich hân zwô tohter, die mir sint liep, wan si sint mîniu kint. swaz mir got hât an in gegeben, dâ wil ich bî mit vröuden leben. wol mich, daz ich ie gewan kumber, den ich von in hân! den treit iedoch diu eine mit mir algemeine. ungelîch ist diu gesellicheit. mîn hêrre, ir tuot mit minnen leit unde mir mit unminne, als ich mich versinne, mîn hêrre mir gewalt wil tuon, durch daz ich hân deheinen sun. mir sulen doch tohter lieber sîn. waz dâr umbe, obe ich es nû lîde pîn? den wil ich mir ze sælden zelen. swer sol mit sîner tohter welen, swie ir verboten sî daz swert, ir wer ist anders als wert: si erwirbt im kiuschlîche einen sun vil ellens rîche. des selben ich gedingen hân." "nû wers iuch got", sprach Gawan.

*T oder ich muoz den lîp dâ lâzen, sus bin ich ûf der strâzen." Daz was Lybaut ein herzeleit. er sprach: "hêrre, durch iuwer werdecheit unde durch iuwer zühte hulde sô vernemet mîne unschulde. ich hân zwô tohtere, die mir sint liep, wande si sint mîniu kint. ôwol mich, daz ich ie gewan kumber, den ich von in hân! den treit iedoch diu eine mit mir algemeine. unglîch ist diu gesellecheit. ir herze ir tuot mit minne leit unde mir mit unminne, als ich mich versinne, mîn herze mir gewalt wil tuon, durch daz ich hân deheinen suon. mir suln doch tohtere lieber sîn. waz dâr umbe, ob ichs lîde pîn? den wil ich mir ze sælden zeln. swer sol mit sîner tohter weln, swie ir verboten sî daz swert, ir wer ist anders alse wert: si erwirbet im kiuschlîche einen sun ellens rîche. des selben ich gedinge hân." "Nû gewers iuch got", sprach Gawan.