*D Swem wâriu liebe ie erholte, daz er herzeminne dolte, herzen minne ist des erkant, daz herze ist rehter minne ein pfant, alsô versetzet unt verselt, dechein munt ez nimmer gar volzelt, waz minne wunders vüegen kan. ez sî wîb oder man, die krenket herzen minne vil dicke an hôhem sinne. Obie unt Melyanz, ir zweier minne was sô ganz unt stuont mit solhen triwen, sîn zorn iuch solde riwen, daz er mit zorne von ir reit. des gab in trûren solhez leit, daz ir kiusche wart gein zorne balt. unschuldec Gawan des engalt unt ander, die ez mit ir dâ liten. si kom dicke ûz vrouwelîchen siten. sus vlaht ir kiusche sich in zorn. ez was ir bêder ougen dorn, swâ si den werden man gesach. ir herze Melyanze jach, er müese vor ûz der hôste sîn. si dâhte: "ob er mich lêret pîn, den sol ich gerne durch in hân. den jungen, werden, süezen man vor alder werlde ich minne, dar jagent mich herzen sinne."

*m Wem wâriu minne ie erholte, daz er herzeminne dolte, herzeminne ist des erkant, daz herze ist rehter minne pfant, alsô versetzet und verselt, dekein munt ez niemer volzelt, waz minne wunders vüegen kan. ez sî wîp oder man, die krenket herzeminne vil dicke an hôhem sinne. Obie und Melianz, ir zweier minne was sô ganz und stuont mit solichen triuwen, sîn zorn iuch solte riuwen, daz er mit zorne von ir reit. des gap in trûren solichez leit, daz ir kiusche wart gegen zorn balt. unschuldic Gawan des engalt und ander, die ez dâ mit im liten. si kam dicke ûz vroulîchen siten. sus vlaht ir kiusche sich in zorn. ez was ir beider ougen dorn, wâ si den werden man gesach. ir herze Melianze jach, er müese vor ûz der hœheste sîn. si dâhte: "obe er mich lêre pîn, den sol ich gerne durch in hân. den jungen, süezen, werden man vor aller der werlte ich minne, dar jagent mich herzen sinne."

*G swem rehtiu liebe ie erholte, daz er herzeliebe dolte, herzeminne ist des bekant, daz herze ist rehter minne pfant, alsô versetzet unde verselt, dehein munt ez nimer gar volzelt, waz minne wunders vüegen kan. ez sî wîp oder man, Die krenket herzeminne vil dicke an hôhem sinne. Obie unde Melianz, der zweier minne was sô ganz unde stuont mit solhen triwen, sîn zorn iuch solt riwen, daz er sô zornic von ir reit. des gap ir trûren solhez leit, daz ir kiusche wart gein zorne balt. unschuldic Gawan des engalt unde ander, diez mit ir dâ liten. si kom dicke ûz vroulîchen siten. sus vlaht ir kiusche sich in zorn. ez was ir beider ougen dorn, swâ si den werden man gesach. ir herze Melianz jach, er solt vor ûz der beste sîn. si dâhte: "ober mich lêret pîn, den wil ich gerne von im hân. den werden, jungen, süezen man vor alder werlt ich minne, dar jagent mich herzen sinne."

*T swem rehtiu liebe ie erholte, daz er herzeminne dolte, herzen minne ist des bekant, daz herze ist der minnen pfant, alsô versetzet unde verselt, dehein munt ez niemer volzelt, waz wunders minne vüegen kan. ez sî wîp oder man, die krenket herzen minne vil dicke an hôhem sinne. Obye unde Melyanz, der zweier minne was ganz ê, unde stuont mit sölhen triuwen, sîn zorn iuch solte riuwen, daz er sô trûric von ir reit. des gab im trûren solhez leit, daz ir kiusche wart gegen zorne balt. unschuldic Gawan des engalt unde andere, diez mit ir dâ liten. si komen dicke ûz vriuntlîchen siten. sus vlaht ir kiusche sich in zorn. daz was ir beider ougen dorn, sô si den werden man gesach. ir herze Melyanze jach, er solte vor ûz der hôste sîn. si dâhte: "ob er mich lêret pîn, den wil ich gerne von im hân. den jungen, werden, süezen man, vor alder werlt ich in minne, dar zuo jagent mich mînes herzen sinne."