*D Ez was von Munsalvæsche komen unt hetz Læhelin genomen ze Brumbane bîme sê. eime rîter tet sîn tjost wê, den er tôt dar hinder stach, des sider Trevrizent verjach. Gawan dâhte: "swer verzagt, sô daz er vliuht, ê man jagt, daz ist sîme prîse gar ze vruo. ich wil in nâher stapfen zuo, swaz mir dâ von nû mac geschehen, ir hât michz mêre teil gesehen. des sol doch guot rât werden." dô erbeizt er ze der erden, reht als er habete einen stal. die rotte wâren âne zal, die dâ mit kumpânîe riten. er sach vil kleider wol gesniten unt manegen schilt wol gevar, daz er niht bekande gar noch deheine baniere under in. "disem her ein gast ich bin", sus sprach der werde Gawan. "sît ich ir deheine künde hân, wellent siz in übel wenden, eine tjost sol ich in senden, deiswâr, mit mîn selbes hant, ê daz ich von in sî gewant." dô was ouch Gringuljeten gegurt, daz in manegen angestlîchen vurt

*m ez was von Muntsalvasche komen und hete Lehelin genomen ze Brunbane bî dem sê. einem ritter tet sîn juste wê, den er tôt her hinder stach, des sider Trevrizent verjach. Gawan dâhte: "wer sô verzaget, daz er vliuhet, ê man in jaget, daz ist sînem prîse gar zuo vruo. ich wil in nâher stapfen zuo, waz mir dâ von nû mac geschehen, ir hât mich daz mêre teil gesehen. des sol doch guot rât werden." dô erbeizeter zuo der erden, rehte als er habete ein stal. die rote wâren âne zal, die dâ nâch mit kompânîe riten. er sach vil kleider wol gesniten und manigen schilt sô gevar, daz er niht bekante gar noch dekeine banier under in. "disem her ein gast ich bin", sus sprach der werde Gawan. "sît ichs enkeine künde hân, wellent siz in übel wenden, eine just sol ich in senden, deiswâr, mit mîn selbes hant, ê daz ich von in sî gewant." dô was ouch Gringulete gegurt, daz in manigen angestlîchen vurt

*G ez was von Muntsalvatsche komen unt hete Lehelin genomen ze Brunbanie bî dem sê. einem rîter tet sîn tjost wê, den er tôt dar hinder stach, des sider Trevrizzent verjach. Gawan dâhte: "swer verzaget, sô daz er vliuhet, ê man jaget, dês sînem brîse gar ze vruo. ich sol hin nâher stapfen zuo, swaz mir dâ von nû mac geschehen, ir hât mich daz mêre teil gesehen. des sol doch guot rât werden." dô erbeizter ûf die erden, reht alser hete einen stal. die rote wâren âne zal, die dâ mit kompânîe riten. er sach vil kleider wol gesniten unde manigen schilt sô gevar, daz er ir niht erkande gar noch dehein baniere under in. "disem her ein gast ich bin", sprach der werde Gawan. "sît ich ir deheine künde hân, wellent siz in übel wenden, eine tjost sol ich in senden, dêswâr, mit mîn selbes hant, ê daz ich von in sî gewant." nû was ouch Gringuliet gegurt, daz in manigen angestlîchen vurt

*T ez was von Munsalvasche komen unde het ez Lehelin genomen. ze Brumbanie bî dem sê einem rîter tet sîn tjost wê, den er tôt dar hinder stach, des sît Trefrizent verjach. Gawan dâhte: "swer verzaget, sô daz er vliuhet, ê man in jaget, daz ist sînem prîse gar ze vruo. ich sol in nâher stapfen zuo, swaz mir nû mac dar von geschehen, ir hât mich daz mêre teil gesehen. ez sol doch guot rât werden." dô erbeizeter ûf die erden, rehte alser hete einen stal. die rotten wâren âne zal, die dâ mit kumpânîe riten. er sach vil kleider wol gesniten unde manegen schilt wol gevar, daz er ir niht erkante gar noch deheine banier under in. "disem her ein gast ich bin", sprach der werde Gawan. "sît ich ir deheine künde hân, wellent siz in übel wenden, eine tjost sol ich in senden, deist wâr, mit mîn selbes hant, ê daz ich von in sî gewant." Nû was ouch Krynguliet gegurt, daz in manegen angestlîchen vurt