*D Gawan, der reht gemuote, sîn ellen pflac der huote, sô daz diu wâre zageheit an prîse im nie gevrumte leit. sîn herze was ze velde ein burc, gein scharpfen strîten wol sô kurc in strîtes gedrenge man in sach. vriunt unt vîent im des jach, sîn krîe wære gein prîse hel, swie gerne in Kingrimursel mit kampfe hete dâ von genomen. nû was von Artuse komen - des enweiz ich niht wie manegen tac - Gawan, der manheite pflac. sus reit der werde degen balt sîne rehte strâzen ûz einem walt mit sîme gezog durch einen grunt. dâ wart im ûf dem bühel kunt ein dinc, daz angest lêrte unt sîne manheit mêrte: dâ ersach der helt vür unbetrogen nâch maneger baniere zogen mit grôzer vuore, niht ze kranc. er dâhte: "mir ist der wec ze lanc, vlühtic wider gein dem walde." dô hiez er gürten balde einem orse, daz im Orilus gap. daz was genennet sus: mit den rôten ôren Gringuljet. er enpfieng ez ân aller slahte bet.

*m Gawan, der rehte gemuote, sîn ellen pflac der huote, sô daz diu wâre zagheit an prîse ime nie gevrumete leit. sîn herz was ze velde ein burc, gegen scharfen prîsen wol sô kurc in strîtes gedrenge man in sach. vriunt und vîent ime des jach, sîn krîe wære gegen prîse snel, wie gerne in Kingrimursel mit kampfe het dâ von genomen. nû was von Artuse komen - des enweiz ich niht wie manigen tac - Gawan, der manheite pflac. sus reit der werde degen balt sîne rehte strâze ûz einem walt mit sînem gezoge durch einen grunt. dô wart im ûf dem bühele kunt ein dinc, daz angest lêrte und sîne manheit mêrte: dô ersach der helt vür unbetrogen nâch maniger banier zogen vil grôzer vuore, niht ze kranc. er dâhte: "mir ist der wec ze lanc, vlühtic wider gegen dem walde." dô hiez er gürten balde einem ros, daz ime Orilus gap. daz was genennet sus: mit den rôten ôren Gringulete. er enpfienc ez âne aller slahte bete.

*G Gawan, der reht gemuote, sîn ellen pflac der huote, sô daz diu wâre zageheit an prîse im nie gevrumte leit. sîn herze was ze velde ein burc, gein scharfen strîten wol sô kurc in strîtes gedrenge man in sach. vriunt unde vîent im des jach, sîn krîe wære gein prîse snel, swie gerne in Kingrimursel mit kampfe het dâ von genomen. nû was ouch von Artuse komen - desne weiz ich niht wie manigen tac - Gawan, der manheite pflac. sus reit der mære degen balt sîne reht strâze vür einen walt mit sînem gezoge durch einen grunt. dô wart im ûf dem bühele kunt ein dinc, daz angest lêrte Unde sîne manheit mêrte: dâ sach der helt vür unbetrogen nâch maniger baniere zogen vil grôzer vuore, niht ze kranc. dô dâhter: "mir ist der wec ze lanc, vlühtic wider gein dem walde." dô hiez er gürten balde sînem orse, daz im Orillus gap. daz was genennet sus: mit den rôten ôren Gringuliet. er enpfieng ez âne alle bet.

*T Gawan, der rehte gemuot, sîn ellen pflac der êren huot, sô daz diu wâre zageheit an prîse nie gevrumte leit. ze velde was sîn herze ein burc, gegen scharpfen strîten wol sô kurc in strîtes gedrenge man in sach. vriunt unde vîent im des jach, sîn krîe wære gegen prîse hel, swie gerne in Kyngrimursel mit kampfe hete dâ von genomen. nû was er ouch von Artuse komen - des enweiz ich niht wie manegen tac -, Gawan, der manheite pflac. Dô reit der wâre degen balt sîne rehte strâze ûf einen walt mit sînem gezoge in einen grunt. dâ wart im ûf einem bühele kunt ein dinc, daz in angest lêrte unde sîne manheit mêrte: dô sach der helt vür unbetrogen ie nâch maneger banier zogen vil grôze vuore, niht ze kranc. er dâhte: "mir ist der wec ze lanc, vlühtic wider zem walde." dô hiez er gürten balde einem orse, daz im Orilus gap. daz was genennet sus: mit den kurzen ôren Krynguliet. er enpfieng ez âne aller slahte bet.