*D Nû weiz ich wol, swelch sinnec wîp, ob si hât getriwen lîp, diu diz mære geschriben siht, daz si mir mit wârheit giht, ich kunde wîben sprechen baz, denne als ich sanc gein einer maz. Diu küneginne Belakane was missewenden âne unt aller valscheit laz, dô si ein tôter künec besaz. sît gap vroun Herzeloyden troum siufzebæren herzeroum. Welch was vroun Ginovern klage an Ithers endetage! dar zuo was mir ein trûren leit, daz alsô schamlîchen reit des küneges kint von Karnant, vrou Jeschute, von kiusche erkant. wie wart vrou Cunneware gealûnet mit ir hâre! des sint si vaste wider komen: ir bêder scham hât prîs genomen. ze machene nem diz mære ein man, der âventiure prüeven kan unt rîme künne sprechen, beidiu samnen unt zerbrechen. ich tætez iu gerne vürbaz kunt, wolt ez gebieten mir ein munt, den doch ander vüeze tragent, denne die mir ze stegreifen wagent.

*m nû weiz ich wol, welch sinnic wîp, ob si hât getriuwen lîp, diu diz mære geschriben siht, daz si mir mit wârheit giht, ich kunde wîben sprechen baz, dannals ich †sante† gegen einer maz. diu küniginne Belakane was missewenden âne und aller valscheit laz, dô si ein tôter künic besaz. sît gap vrouwen Herczeloiden troum siufzebæren herzen roum. welch was vrouwen Ginovern klage an Ithers endetage! dar zuo was mir ein trûren leit, daz alsô schamlîchen reit des küniges kint von Karnant, vrouwe Jeschute erkant. wie wart vrouwe Cunneware gealûnet mit ir hâre! des sint si vaste wider komen: ir beider scham hât prîs genomen. ze machen neme diz mære ein man, der âventiure prüeven kan und rîme künne sprechen, beidiu samen und brechen. ich tæte ez gerne vürbaz kunt, wolt ez gebieten mir ein munt, den doch ander vüeze tragent, danne die mir ze stegereifen wagent.

*G

*T Nû weiz ich wol, swelch sinnic wîp, ob si hât getriuwen lîp, diu diz mære geschriben siht, daz si mit wârheite giht, ich künne wîben sprechen baz, danne als ich sanc gegen einer maz. Diu künegîn Belacane was missewende âne unde aller valscheite laz, dô si ein tôter künec besaz. Sît gab vroun Herzeloyden tuon vil siufzebæren herzen ruon. welch was vroun Gynovern klage an Ithers endetage! Dar zuo was mir ein trûren leit, daz diu herzogîn sô nacket reit, des küneges kint von Garnant, vrou Jeschute, diu kiusche erkant. Wie wart vrou Cunneware geroufet bî ir hâre! des sint si vaste wider komen: ir beider schame hât prîs genomen. Ze machene nem diz mære ein man, der âventiure erkennen kan unde der schône künne sprechen, beidiu samnen unde brechen. ich tætez iu gerne vürbaz kunt, wolt ez gebieten mir ein munt, den doch ander vüeze tragent, danne die mir ze stegreife wagent.