*D Sus schiet der wol gelobte man von dem Plimizœls plân. dô Kingrimursel wart genant, ohteiz, dô wart er schiere erkant! werden, virrigen prîs het an im der vürste wîs. si jâhen, daz hêr Gawan des kampfes sorge müese hân gein sîner wâren manheit, des vürsten, der dâ von in reit. ouch wante manegen trûrens nôt, daz man im dâ niht êre bôt. dar wâren solhiu mære komen, als ir wol ê hât vernomen, die lîhte erwanden einem gast, daz wirtes gruozes im gebrast. Von Cundrien man ouch innen wart Parzivales namen unt sîner art, daz in gebar ein künegîn unt wie die erwarp der Anschevin. Maneger sprach: "vil wol ichz weiz, daz er si vor Kanvoleiz gediende hurteclîche mit manegem poynder rîche unt daz sîn ellen unverzagt erwarp die sældebæren magt. Ampflise, diu gehêrte, ouch Gahmureten lêrte, dâ von der helt wart kurtoys. nû sol ein ieslîch Bertenoys

*m sus schiet der wolgelobte man von dem Plimizols plân. Dô Kingrimursel wart genant, ohteiz, dô wart er schiere erkant, wand werden, virrigen prîs hete an ime der vürste wîs. si jâhen, daz hêr Gawan des kampfes sorge müese hân gegen sîner wâren manheit, des vürsten, der dâ von in reit. ouch mante manigen trûrens nôt, daz man ime dâ niht êren bôt. dô wâren dar soliche mær komen, als ir ê wol habet vernomen, die lîhte erwanten einen gast, daz wirtes gruozes ime gebrast. Von Condrien man ouch innen wart des Waleises namen und sîner art, daz in gebar ein künigîn und wie die erwarp der Anschevin. maniger sprach: "wie wol ich weiz, daz er si vor Kanvoleiz gediente hurteclîche mit manigem poinder rîche und daz sîn ellen unverzagt erwarp die sældebæren magt. Ampflise, diu gehêrte, ouch Gahmureten lêrte, dâ von der helt wart kurtois. nû sol sich ieglîch Britunois

*G sus schiet der wolgelobte man von dem Blimzoles plân. dô Kingrimursel wart genant, ohteiz, dô wart er schiere erkant! werden, virrigen prîs het an im der vürste wîs. si jâhen, daz hêr Gawan des kampfes sorge müese hân von sîner werden manheit, des vürsten, der dâ von in reit. ouch wante manigen trûrens nôt, daz man im dâ niht êren bôt. dâ wâren solhiu mære komen, als ir ê habet vernomen, die lîhte erwanden einen gast, daz wirtes gruozes im gebrast. an Gundrien man ouch innen wart Parzivales namen unde sîner art, daz in gebar ein künigîn unt wie die erwarp der Anschevin. vil maniger sprach: "wie wol ich weiz, daz er si vor Kanvoleiz gediente hurticlîche mit maniger ponder rîche Unde daz sîn ellen unverzaget erwarp die sældebernden maget. Anphlise, diu gehêrte, ouch Gahmureten lêrte, dâ von der helt wart kurtois. nû sol sich ieslîch Britanois

*T sus schiet der wol gelobete man von dem Plymizols plân. Dô Kyngrimursel wart genant, otheiz, dô wart er schiere erkant! werden, virrigen prîs het an im der vürste wîs. si jâhen, daz hêr Gawan des kampfes müese sorge hân von sîner grôzen manheit, des vürsten, der von in dâ reit. ouch wante manegen trûrens nôt, daz man im dâ niht êre bôt. dar wâren solhe mære komen, als ir ê hât vernomen, die lîhte wanten einen gast, daz wirtes gruoz im gebrast. An Kundrien man ouch innen wart Parcifales namen unde sînen art, daz in gebar ein künegîn unde wie die erwarp ein Anschevin. Vil maneger sprach: "wie wol ich weiz, daz er si vor Kanvoleiz gediende hurteclîche mit manegem poynder rîche unde daz sîn ellen unverzaget erwarp die sældebæren maget. Anflise, diu gehêrte, ouch Gahmureten lêrte, dâ von der helt wart kurteis. nû sol sich ieslîch Brituneis