*D ob er wolde baneken rîten, "unt schouwet, wâ wir strîten, wie unser porten sîn behuot." Gahmuret, der degen guot, sprach, er wolde gerne sehen, wâ rîterschaft dâ wære geschehen. Her ab mit dem helde reit manec rîter vil gemeit, hie der wîse, dort der tumbe. si vuorten in al umbe vür sehzehen porten, si beschieden im mit worten, daz der decheiniu wære bespart, sît würde gerochen Isenhart "an uns mit zorne. naht noch tac unser strît vil nâch gelîche wac. man beslôz ir decheine sît; uns gît vor ähte porten strît des getriwen Isenhartes man. die habent uns schaden vil getân; si ringent mit zorne, die vürsten wol geborne, des küneges man von Azagouc. von ieslîcher porte vlouc ob küener schar ein liehter van, ein durchstochen rîter dran, als Isenhart den lîp verlôs; sîn volc diu wâpen dâ nâch kôs. Dâ gein hân wir einen site, dâ stille wir ir jâmer mite.

*m "hêrre, welt ir baneken rîten, und schouwen, wâ wir strîten, wie unser porten sint behuot." Gahmuret, der degen guot, sprach, er wolte gerne sehen, wâ ritterschaft dâ wære geschehen. Her abe mit dem helde reit manic ritter vil gemeit, hie der wîse, dort der tumbe. si vuorten in alle umbe vür sehzehen porten, si beschieden in mit worten, daz der †næhste nû† wære gespart, sît würt gerochen Ysenhart "an uns mit zorne. naht und tac unser strît vil nâch glîche wac. man beslôz ir dekeine sît; uns gâben vor aht porten strît des getriuwen Ysenhartes man. die habent uns schaden vil getân; si müejent mit zorne, die vürsten wol geborne, des küniges man von Azagouc. vor ieclîcher porten vlouc ob küener schar ein liehter vane, ein durchstochener ritter drane, als Ysenhart den lîp verlôs; sîn volc diu wâpen dâ nâch kôs. dâ gegen hân wir einen site, dâ stillen wir ir jâmer mite.

*G ob er wolte paneken rîten: "schouwet, wâ wir strîten, wie unser borte sîn behuot." Gahmuret, der helt guot, sprach, er wolte gerne sehen, wâ rîterschaft dâ wære geschehen. her abe mit dem helde reit manic rîter gemeit, hie der wîse, dort der tumbe. si vuorten in alumbe vür sehzehen borten unde beschieden im mit worten, daz der deheiniu wære verspart, "sît wart gerochen Ysenhart mit zorne an uns. naht und tac unser strît vil nâch gelîche wac. man verlôs ir deheine sît; uns gît vor ahte porten strît des küenen Ysenhartes man, Die uns den schaden hânt getân, des küniges von Azagouch. obe iegeslîcher porte vlouc obe küener schar ein liehter van, ein durchstochen rîter dran als Ysenhart, der den lîp verlôs; sîn volc diu wâpen dar nâch kôs. dâ engegene haben wir einen site, dâ stillen wir ir jâmer mite.

*T ob er wolte baneken rîten, "und schouwet, wâ wir strîten, wie unser porten sîn behuot." Gahmuret, der helt guot, sprach, er wolte gerne sehen, wâ rîterschaft dâ wære geschehen. Her ûz dô mit dem helde reit manec rîter vil gemeit, hie der wîse, dort der tumbe. si vuorten in alumbe vür sehzehen porten und beschieden im mit worten, daz der deheiniu wære verspart, "sît wart gerochen Isenhart an uns mit vlîze. naht und tac unser strît vil nâch ringe wac. man beslôz ir deheine sît; uns gît vor ahte porten strît des getriuwen Isenhartes man. die hânt uns schaden vil getân; si ringent mit zorne, die vürsten wol geborne, des küneges man von Azagouc. vor ieslîcher porten vlouc ob küener schar ein liehter vane, ein durchstochen rîter drane, als Isenhart den lîp verlôs; sîn volc diu wâpen dar nâch kôs. Dâ engegen hân wir einen site, dâ stillen wir ir jâmer mite.