*D Vrou Minne, wie tuot ir sô, daz ir den trûrigen machet vrô mit kurze werender vröude? ir tuot in schiere töude. wie stêt iu daz, vrou Minne, daz ir manlîche sinne unt herzehaften hôhen muot alsus enschumpfieren tuot? daz smæhe unt daz werde unt swaz ûf der erde gein iu decheines strîtes pfligt, dem habt ir schiere an gesigt. wir müezen iuch bî kreften lân mit rehter wârheit sunder wân. Vrou Minne, ir habt ein êre unt wênec decheine mêre. vrou Liebe iu gît geselleschaft, anders wære vil dürkel iwer kraft. vrou Minne, ir pflegt untriwen mit alten siten niwen. ir zucket manegem wîbe ir prîs unt râtet in sippiu âmîs unt daz manec hêrre an sînem man von iwerer kraft hât missetân unt der vriunt an sîme gesellen - iwer site kan sich hellen - unt der man an sîme hêrren. vrou Minne, iu solte werren, daz ir den lîp der gir verwent, dar umbe sich diu sêle sent.

*m Vrouwe Minne, wie tuot ir sô, daz ir den trûrigen machet vrô mit kurze werender vröude? ir tuot in schiere töude. wie stât iu daz, vrouwe Minne, daz ir manlîch sinne und herzehaften hôhen muot alsus entschumpfieren tuot? daz smæhe und daz werde und waz ûf der erde gegen iu keines strîtes pfliget, dem habt ir schiere an gesiget. wir müezen iuch bî kreften lân mit rehter wârheit sunder wân. vrouwe Minne, ir habt ein êre und wênic keine mêre. vrouwe Liebe iu gît geselleschaft, anders wær vil dürkel iuwer kraft. vrouwe Minne, ir pflegt untriuwen mit alten siten und niuwen. ir zucket manigem wîbe ir prîs und râtet in sippiu âmîs und daz manic hêrre an sînem man von iuwerre kraft hât missetân und der vriunt an sînem gesellen - iuwer site kan sich hellen - und der man an sînem hêrren. vrouwe Minne, iu solte werren, daz ir den lîp †den† gir verwenet, dar umbe sich diu sêle senet.

*G vrou Minne, wie tuot ir sô, daz ir den trûrigen machet vrô mit kurze wernder vröude? ir tuot in schiere töude. wie stêt iu daz, vrou Minne, daz ir manlîche sinne unde herzehaften hôhen muot alsus entschumpfieren tuot? daz smæhe unde daz werde unde swaz ûf der erde gein iu deheines strîtes pfliget, dem habet ir schiere an gesiget. wir müezen iuch bî kreften lân mit rehter wârheit sunder wân. vrou Minne, ir habet ein êre unde wênic deheine mêre. vrou Liebe iu gît geselleschaft, anders wære vil dürkel iuwer kraft. vrou Minne, ir pfleget untriuwen mit alten siten niuwen. ir zuckt manigem wîbe ir prîs unt râtet ir sippiu âmîs unde daz manic hêrre an sînem man von iuwerre kraft hât missetân unt der vriunt an sînem gesellen - iuwer site kan sich hellen - unt der man an sînem hêrren. vrou Minne, iu solt werren, daz ir den lîp der gir verwent, dâ von sich diu sêle sent.

*T Vrou Minne, wie tuot ir sô, daz ir den trûrigen machet vrô mit kurz werenden vröuden? ir tuot in schiere töuden. wie stât iu daz, vrou Minne, daz ir manlîche sinne unde herzehaften hôhen muot alsus entschumpfieren tuot? daz smæhe unde daz werde unde swaz ûf der erde gegen iu deheines strîtes pfliget, dem hât ir schiere an gesiget. wir müezen iuch bî kreften lân mit rehter wârheit sunder wân. Vrou Minne, ir habt ein êre unde wênic deheine mêre. vrou Liebe iu gît geselleschaft, anders wære dürkel iuwer kraft. Vrou Minne, ir pfleget untriuwen mit alten siten niuwen. ir zucket manegem wîbe ir prîs unde râtet in an sippiu âmîs unde daz manec hêrre an sînem man von iuwerre kraft hât missetân unde der vriunt an sînen gesellen - iuwer site kan sich hellen - unde der man an sînem hêrren. vrou Minne, iu solte werren, daz ir den lîp der gir verwent, dâ von sich diu sêle sent.