*D Weder ern sprach dô sus noch sô, wan er schiet von den witzen dô. Segramorses kastelân huop sich gein sînem barn sân. er muose ûf durch ruowen stên, ober inder wolde gên. sich legent genuoge durch ruowen nider, daz habt ir dicke vreischet sider. waz ruowe kôs er in dem snê? mir tæte ein ligen drinne wê. der schadehafte erwarb ie spot, sælden pflihtære, dem half got. Daz her lac wol sô nâhen, daz si Parzivalen sâhen haben, als im was geschehen. der minne, er muose ir siges jehen, diu Salomonen ouch betwanc. dâ nâch was dô niht ze lanc, ê Segramors dort zuo zin gienc. swer in hazzete oder der in wol enpfienc, den was er al gelîche holt. sus teilt er bâgens grôzen solt. Er sprach: "ir habt des vreischet vil, rîterschaft ist topelspil unt daz ein man von tjoste viel. ez sinket halt ein mers kiel. lât mich nimmer niht gestrîten, daz er mîn getörste bîten, ob er bekande mînen schilt. des hât mich gar an im bevilt,

*m weder er ensprach dô sus noch sô, wanne er schiet aber von herzen dô. Segramorses kastelân huop sich gegen sînem barn sân. er muose ûf durch ruowen stên, ob er iemer wolte gên. sich †gent† genuoge durch ruowen nider, daz habet ir dicke gevreischet sider. waz ruowe kôs er in dem snê? mir tæte ein ligen drinne wê. der schadehafte erwarp ie spot, sælden pflihtære, dem half got. daz her lac wol sô nâhen, daz si Parcifalen sâhen haben, als ime was geschehen. der minne er muose siges jehen, diu Salomonen ouch betwanc. dâ nâch was dô niht ze lanc, ê Segramors dort zuo zim gienc. wer in hazzete oder enpfienc, den was er als gelîch holt. sus teilt er bâgens grôzen solt. er sprach: "ir habt des gevreischet vil - ritterschaft ist topelspil -, daz ein man von juste viel. ez sinket joch eines mers kiel. lât in niemer niht gestrîten, daz er mîn getörste bîten, ob er bekante mînen schilt. des hât mich gar an ime bevilt,

*G sîn munt sprach weder sus noch sô, wan er schiet von witzen dô. Segremorses kastelân huop sich gein sînem barne sân. er muose ûf durch ruowe stên, ober inder wolte gên. sich legent genuoge durch ruowe nider, des habt ir vil gevreischet sider. waz ruowe kôs er in dem snê? mir tæte ein ligen drinne wê. der schadehafte warb ie spot, sælden pflihtær, dem half got. daz her lac wol sô nâhen, daz si Parzivalen sâhen halten, als im was geschehen. der minne muoser siges jehen, diu Salmonen ouch betwanc. dar nâch was ouch niht ze lanc, Segremors dar zuo in gienc. der in wol oder übel enpfienc, den was er algelîche holt. sus teilt er bâgens grôzen solt. er sprach: "ir habet gevreischet vil, rîterschaft ist topelspil unt daz ein man von tjoste viel. ez sinket halt ein mers kiel. lât mich nimer niht gestrîten, daz er mîn getörste bîten, ob er erkande mînen schilt. des hât mich gar an im bevilt,

*T sîn munt sprach weder sus noch sô, wand er schiet von witzen dô. Segremorses kastelân huop sich gegen sînem barn sân. er muose ûf durch ruowe stân, ober iender wolte gân. Genuoge legent sich durch ruowe nider, des hât ir vil gevreischet sider. waz ruowe kôs er in dem snê? mir tæte ein ligen drinne wê. Der schadehafte erwarp ie spot, sælden pflihtær half ie got. Diz her lac wol sô nâhen, daz si Parcifaln sâhen halten, alse im was geschehen. der minne muoser siges jehen, diu Salomonem ouch betwanc. dar nâch was dô niht ze lanc, unz Segremors dar zuo zin gienc. der in hazzete oder wol enpfienc, den was er alglîche holt. sus teilter bâgens grôzen solt. er sprach: "ir habt gevreischet vil, rîterschaft ist topelspil unde daz ein man zer tjost viel. ez sinket halt ein mers kiel. lât mich niemer niht gestrîten, daz er mîn getörste bîten, ob er bekande mînen schilt. des hât mich gar an im bevilt,