*D Beide lief unde spranc Segramors, der ie nâch strîte ranc. swâ der vehten wânde vinden, dâ muose man in binden, oder er wolde dâr mite sîn. ninder ist sô breit der Rin, sæher strîten am andern stade, dâ würde wênec nâch dem bade getastet, ez wære warm oder kalt: er viel sus dran, der degen balt. Snellîche kom der jungelinc ze hove an Artuses rinc. der werde künec vaste slief. Segramors im durch die snüere lief, zer poulûnes tür drang er în. ein declachen zobelîn zucter ab in, diu lâgen unt süezes slâfes pflâgen, sô daz si muosen wachen unt sîner unvuoge lachen. Dô sprach er zuo der niftel sîn: "Gynover, vrouwe künegîn, unser sippe ist des bekant - man weiz wol über mengiu lant -, daz ich genâden wart an dich. nû hilf mir, vrouwe, und sprich gein Artuse, dînem man, daz ich von im müeze hân - ein âventiure ist hie bî -, daz ich zer tjost der êrste sî."

*m beide lief und spranc Segramors, der ie nâch strîte ranc. wâ der vehten wânde vinden, dâ muose man in binden, oder er wolte dâr mite sîn. niender ist sô breit der Rin, sæhe er strîten an dem andern stade, dâ würde wênic nâch dem bade getastet, ez wære warm oder kalt: er viel sus dran, der degen balt. snelleclîch kam der jungelinc ze hove an Artuses rinc. der werde künic vaste slief. Segramors †sîn† durch die snüere lief, zer pavelûne tür dranc er în. ein deckelachen zobelîn zuckete er ab den, die dâ lâgen und süezes slâfens pflâgen, sô daz si muosen wachen und sîner ungevüege lachen. dô sprach er zuo der nifteln sîn: "Ginover, vrouwe künigîn, unser sippe ist alsô bekant - man weiz wol über manigiu lant -, daz ich gnâden warte an dich. nû hilf mir, vrouwe, und sprich gegen Artuse, dînem man, daz ich von ime müeze hân - ein âventiure ist hie bî -, daz ich zer just der êrste sî."

*G beidiu lief unde spranc Segremors, der nâch strîte ie ranc. swâ der vehten wânde vinden, dâ muose man in binden, oder er wolt dâr mite sîn. ninder ist sô breit der Rin, sæher strîten an dem anderen stade, dâ würde wênic nâch dem bade Gerastet, ez wære warm oder kalt: er viele sus dran, der helt balt. sus kom der snelle jungelinc ze hove an Artuses rinc. der werde künec vaste slief. Segremors im durch die snüere lief, zer pavelûnes tür drang er în. ein declachen zobelîn zucter abe in, die dâ lâgen unde süezes slâfes pflâgen, sô daz si muosen wachen unde sîner unvuoge lachen. dô sprach er zuo der niftelen sîn: "Schinover, vrouwe künigîn, unser sippe ist des erkant - man weiz wol über manic lant -, daz ich genâden warte an dich. nû hilf mir, vrouwe, unde sprich gein Artuse, dînem man, daz ich von im müeze hân - ein âventiure, diu ist hie bî -, daz ich zer tjost der êrste sî."

*T beide lief unde spranc Segremors, der ie nâch strîte ranc. swâ der vehten wânde vinden, dâ muose man in binden, oder er wolte dâr mite sîn. niergen ist sô breit der Rin, sæher strîten an dem andern stade, dâ würde wênic nâch dem bade getast, ez wære warm oder kalt: ez viele dran der degen balt. Sus kom der snelle jungelinc ze hove an Artuses rinc. der künec dannoch vaste slief. Segremors durch die snüere lief, zer pavelûn tür dranc er dar în. ein deckelachen zobelîn zuhter abe in, dâ diu zwei lâgen unde süezes slâfes pflâgen, sô daz si muosen wachen unde sîner unvuoge lachen. Dô sprach er zuo der niftelen sîn: "Gynover, vrou künegîn, unser sippe ist des bekant - man weiz wol über manec lant -, daz ich gnâden warte an dich. nû hilf mir, vrouwe, unde sprich gegen Artuse, dînem man, daz ich von im müeze hân - ein âventiure, diu ist hie bî -, daz ich zer tjost der êrste sî."