*D Ûf gerihtiu sper wir müezen sehen. welt ir danne vür ein ander schehen alsô vreche rüden, den meisters hant ab stroufet ir bant, dar zuo trag ich niht willen. ich sol den schal gestillen. ich hilf iu, swâ ez niht rât mac sîn; des wartet an daz ellen mîn." Dise gelübde habt ir wol vernomen. welt ir nû hœren, war sî komen Parzival der Waleis? von snêwe was ein niwe leis des nahtes vast ûf in gesnît. ez enwas iedoch niht snêwes zît, Ist ez, als ichz vernomen hân. Artus, der meienbære man, swaz man ie von dem gesprach, zeinen pfingsten daz geschach oder in des meien bluomen zît. waz man im süezes luftes gît! Diz mære ist hie vaste undersniten, ez parriert sich mit snêwes siten. sîne valkenære von Karidœl riten sâbents zuo dem Plimizœl durch beizen, dâ si schaden kuren: ir besten valken si verluren. der gâhete von in balde unt stuont die naht ze walde. von überkrüpfe daz geschach, daz im was von dem luoder gâch.

*m ûf gerihtiu sper wir müezen sehen. welt ir denne vür ein ander schehen als vreche ruden, den meisters hant abe stroufet diu bant, dar zuo hân ich niht willen. ich sol den schal gestillen. doch wartet an daz ellen mîn, daz ich iu helfe, wâ ez sol sîn." Dise gelübde habt ir wol vernomen. wellet ir nû hœren, war sî komen Parcifal der Waleis? von snêwe was ein niuwe leis des nahtes vaste ûf in gesnît. ez was iedoch niht snêwes zît, ist ez, als ichz vernomen hân. Artus, der meigenbære man, waz man von dem ie gesprach, ze einer pfingsten daz geschach oder in des meigen bluomen zît. waz man ime süezes luftes gît! daz mære ist hie vast undersniten, ez parrieret sich mit snêwes siten. sîne valkenære von Karidol riten sâbents zem Plimizol durch beizen, dâ si schaden kurn: ir besten valken si verlurn. der ergâhete von in balde und stuont die naht zem walde. von überkrüpfe daz geschach, daz ime was von dem luoder gâch.

*G ûf gerihtiu sper wir müezen sehen. welt ir danne vür ein ander schehen als vreche rüden in meisters hant, sôn abe gezucket wirt ir bant, dar zuo hân ich niht willen. ich sol den schal gestillen. ich hilfiu, swâs niht rât mac sîn; des wartet an daz ellen mîn." dise gelübede habet ir wol vernomen. welt ir nû hœren, war sî komen Parzival der Waleis? von snêwe was ein niwiu leis des nahtes vaste ûf in gesnît. ez was iedoch niht snêwes zît, ist ez, als ich vernomen hân. Artus, der meigenbære man, swaz man ie von dem gesprach, zeinen pfingesten daz geschach oder in des meigen bluomen zît. waz man im süezes luftes gît! daz mære ist hie vaste undersniten, ez parriert sich mit snêwes siten. sîne valkenære von Karidol riten des âbendes bî dem Blimzol durch beizen, dâ si schaden kuren: ir besten valken si verluren. Der gâhte von in balde unde stuont die naht ze walde. von überkrüpfe daz geschach, daz im was von dem luodere gâch.

*T ûf gerihtiu sper wir müezen sehen. welt ir danne vür ein ander schehen, als vreche rüden ûz meisters hant abe zuckent ir bant, dar zuo habich niht willen. ich sol den schal gestillen. ich hilfiu, swâz niht rât mac sîn; des wartet an daz ellen mîn." Dise gelübede habt ir wol vernomen. welt ir nû hœren, war sî komen Parcifal der Waleis? von snê was ein niuwe leis des nahtes vaste ûf in gesnît. ez was iedoch niht snêwes zît, ist ez, als ichz vernomen hân. Artus, der niuwebære man, swaz man ie von dem gesprach, zeinen pfingesten daz geschach oder in des meien bluomen zît. waz man im süezes luftes gît! diz mære ist vaste hie undersniten, ez parrieret sich mit snêwes siten. Ein valkenære von Karidol reit des âbendes bî dem Plymizol beizen, al dâ si schaden kurn: ir besten valken si verlurn. der gâhte von in balde unde stuont die naht ze walde. von überkrüpfe daz geschach, daz im was vonme luoder gâch.