*D Parzival dô mit triwen vuor: er nam daz heilictuom, drûf er swuor. sus stabt er selbe sînen eit. er sprach: "hân ich werdecheit - ich hab si oder enhab ir niht -, swer mich bîme schilde siht, der prüevet mich gein ritterschaft. des namen ordenlîchiu kraft, als uns des schildes ambet sagt, hât dicke hôhen prîs bejagt. Ez ist ouch noch ein hôher name. mîn lîp gein werltlîcher schame immer sî gewenket unt al mîn prîs verkrenket. dirre wort sî mit werken pfant mîn gelücke vor der hœhsten hant. ich hânz dâ vür, die treit got. nû müeze ich vlusteclîchen spot ze bêden lîben immer hân von sîner kraft, ob missetân disiu vrouwe habe, dô diz geschach, daz ich ir vürspan von ir brach. ouch vuort ich mêr goldes dan. ich was ein tôre unt niht ein man, gewahsen niht bî witzen. vil weinens, dâ bî switzen mit jâmer dolte vil ir lîp. si ist benamen ein unschuldic wîp. dâne scheide ich ûz niht mêre; des sî pfant mîn sælde unt êre.

*m Parcifal dô mit triuwen vuor: er nam daz heiltuom, dâr ûf er swuor. sus stabete er selbe sînen eit. er sprach: "hân ich werdecheit - ich habe si oder habe si niht -, wer mich bî dem schilte siht, der brüefet gegen mir rîterschaft. des namen ordenlîchiu kraft, als uns des schiltes ambet saget, hât dicke hôhen prîs bejaget. ez ist ouch noch ein hôher name. mîn lîp gegen werltlîcher schame iemer sî gewenket und alsô mîn prîs verkrenket. dirre wort sî mit werken pfant mîn glücke vor der hœhesten hant. ich hânz dâ vür, die treit got. nû müeze ich vlusteclîchen spot ze beiden lîben iemer hân von sîner kraft, ob missetân disiu vrouwe habe, dô diz geschach, daz ich ir vürspan von ir brach. ouch vuorte ich mêre goldes dan. ich was ein tôre und niht ein man, gewahsen niht bî witzen. vil weinens, dâ bî switzen mit jâmere dolte vil ir lîp. sist ein unschuldic wîp. dâne scheide ich ûz niht mêre; des sî pfant mîn sælde und êre.

*G Parzival mit triuwen vuor: er nam daz heilictuom, dâr ûffer swuor. sus stabter selbe sînen eit. er sprach: "hêrre, hân ich werdicheit - ich habe si oder ichne haber niht -, swer mich bî dem schilte siht, der prüevet mich gein rîterschaft. des namen ordenlîchiu kraft, als uns des schiltes ambet saget, hât dicke hôhen brîs bejaget. ez ist ouch noch ein hôher nam. mîn lîp gein werltlîcher scham immer sî gewenket unde al mîn brîs verkrenket. dirre worte sî mit werken pfant mîn gelücke vor der hœhesten hant. ich hânz dâ vür, die treit got. nû müeze ich vlusticlîchen spot ze beiden leben immer hân von sîner kraft, obe missetân disiu vrouwe habe, dô daz geschach, daz ich ir vürspan von ir brach. ouch vuorte ich ir mê goldes dan. ich was ein tôre unde niht ein man, gescheiden von den witzen. vil weinens, dâ bî switzen mit jâmer vil gedolt ir lîp. si ist benamen ein unschuldic wîp. dâne scheide ich ûz niht mêre; es sî pfant mîn sælde unde êre.

*T Parcifal mit triuwen dô gevuor: er nam daz heiltuom unde swuor. sus stabeter selbe sînen eit. er sprach: "hân ich werdecheit - ich habe si oder ichn habir niht -, swer mich bî dem schilte siht, der prüevet mich gegen rîterschaft. des namen ordenlîchiu kraft, als mir des schiltes ambet saget, hât dicke hôhen prîs bejaget. daz ist ouch noch ein hôher name. mîn lîp gegen werltlîcher schame iemer sî gewenket unde al mîn prîs verkrenket. der worte sî mit werken pfant mîn glücke vor der hœhesten hant. ich hânz dâ vür, die treit got. nû müezich vlühteclîchen spot ze beiden lîben iemer hân vor sîner kraft, ob missetân diu vrouwe habe, dô daz geschach, daz ich ir vürspan von ir brach. ouch vuortich mêre goldes dan. ich was ein tôre, niht ein man, gewahsen niht bî witzen. vil weinens, dâ bî switzen mit jâmer dolte vil ir lîp. sist benamen ein unschuldic wîp. dâne scheidich ûz niht mêre, wan des sî pfant mîn sælde unde êre.