*D Gestillet was des volkes nôt, als in der jâmer ê gebôt, des si diu glevîn het ermant, die der knappe brâhte in sîner hant. Wil iuch nû niht erlangen, sô wirt hie zuo gevangen, daz ich iuch bringe an die vart, wie dâ mit zuht gedienet wart. zende an dem palas ein stehelîn tür entslozzen was; dâ giengen ûz zwei werdiu kint. nû hœret, wie diu geprüevet sint, daz si wol gæben minnen solt, swerz dâ mit dienste het erholt. daz wâren juncvrouwen clâr. zwei schapel über blôziu hâr, bluomen was ir gebende. iewederiu ûf der hende truoc von golde ein kerzestal. ir hâr was reit, lanc unt val. Si truogen brinnendigiu lieht. hie sule wir vergezzen nieht umbe der juncvrouwen gewant, dâ man si kumende inne vant: Der grævinne von Tenabroc brûn scharlachen was ir roc. des selben truog ouch ir gespil. si wâren gefischieret vil mit zwein gürteln an der krenke, Ob der hüffe ame gelenke.

*m gestillet was des volkes nôt, als in des jâmer ê gebôt, des si diu glevîn het ermant, die brâhte der knappe in sîner hant. Wil iuch nû niht belangen, sô wirt hie zuo gevangen, daz ich iuch bringe an die vart, wie dâ mit zuht gedienet wart. ze ende an dem palas ein stehelîn tür entslozzen was; dâ giengen ûz zwei werdiu kint. nû hœret, wie diu gebrüefet sint, daz si gæben minne solt, †waz† dâ mit dienste hete erholt. daz wâren juncvrouwen clâr. zwei schapel über blôz hâr, blüemîn was ir gebende. ietwederiu ûf einer hende truoc von golde ein kerzestal. ir hâr was rôt, reit und val. si truogen brinnendiu lieht. hie sullen wir vergezzen niht umb der juncvrouwen gewant, dâ man si komende inne vant: diu grævîn von Tenebroc, mit scharlachen was ir roc. des selben truoc ouch ir gespil. si gewâren gefischieret vil mit zwein gürtelen an der krenke, ob der huf ame gelenke.

*G gestillet wart des volkes nôt, als in der jâmer ê gebôt, des si diu glavîn hete ermant, die der knappe truoc in sîner hant. wil iuch nû niht erlangen, sô wirt hie angevangen, daz ich iuch bringe an die vart, wie dâ mit zuht gedienet wart. zende an dem palas ein stehelîn tür entslozzen was; dâ giengen ûz zwei werdiu kint. nû hœrt, wie diu gebrüevet sint, daz si wol gæben minnen solt, swerz dâ mit dienste het erholt. daz wâren juncvrouwen clâr. zwei schapel über blôzez hâr, blüemîn was ir gebende. ietwederiu ûf ir hende truoc von golde ein kerzestal. ir hâr was lanc, reit unde val. si truogen brinnendiu lieht. hie sulen wir vergezzen niht umbe der juncvrouwen gewant, dâ man si komende inne vant: diu grævîn von Tenebroc, brûn scharlach was ir roc. des selben truog ouch ir gespil. si wâren gefischiert vil mit zwein gürtelen an der krenke, obe der huf an dem gelenke.

*T gestillet was des volkes nôt, als in der jâmer ê gebôt, des si diu gleve hete ermant, die der knappe truoc an sîner hant. Wil iuch nû niht erlangen, sô wirt hie zuo gegangen, daz ich iuch bringe an die vart, wie dâ mit zuht gedient wart. Zende an dem palas ein stehelîn tür entslozzen was; dâ giengen ûz zwei werdiu kint. nû hœret, wie die geprüevet sint, daz si wol gæben minnen solt, swerz dâ mit dienste het erholt. ez wâren juncvrouwen clâr. Zwei schapel über blôzez hâr, blüemîn was ir gebende. ietwederiu ûf ir hende truoc von golde ein kerzestal. ir hâr was reit unde val. si truogen brennendiu lieht. ouch sul wir vergezzen nieht umbe der juncvrouwen gewant, dâ man si komende inne vant: Diu grævîn von Tenebroc, brûn scharlachen was ir roc. des selben truoc ouch ir gespil. si wâren gefischieret vil mit zwein gürteln an der krenke, ob der huf an dem gelenke.