*D Welt ir nû hœren, wie ez im gestê? er kom des âbents an einen sê. dâ heten geankert weideman, den was daz wazzer undertân. dô si in rîten sâhen, si wâren dem stade sô nâhen, daz si wol hôrten, swaz er sprach. einen er ime schiffe sach, der hete an im alsolch gewant, ob im dienden elliu lant, daz ez niht bezzer möhte sîn; gefurriert sîn huot was pfâwîn. den selben vischære begunder vrâgen mære, daz er im riete durch got unt durch sîner zühte gebot, wâ er herberge möhte hân. sus antwurte im der trûrige man. Er sprach: "hêrre, mir ist niht bekant, daz weder wazzer oder lant inre drîzec mîlen erbouwen sî, wan ein hûs lît uns hie bî. mit triwen ich iu râte dar. war möht ir tâlanc anderswar? Dort an des velses ende, dâ kêrt zer zeswen hende. sô ir ûf hin komt an den graben, ich wæne, dâ müezet ir stille haben. bittet iu die brücken nider lâzen unt offen iu die strâzen."

*m Wellet ir nû hœren, wie ez ime ergê? er kam des âbendes an einen sê. dâ heten geankert weideman, den was daz wazzer undertân. die wâren dem stade sô nâhen, dô si in dâ rîten gesâhen, daz si wol hôrten, waz er sprach. einen er imme schiffe ersach, der hete an ime al solich gewant, ob ime dienten alliu lant, daz er niht bezzer dörfte sîn; gefurrieret sîn huot pfæwîn. den selben vischære begunde er vrâgen mære, daz er ime riete durch got und ouch durch sîner zühte gebot, wâ er herberge möhte hân. dô antwurte ime der trûrige man. er sprach: "hêrre, mir ist niht erkant, daz weder wazzer noch lant in drîzic mîlen erbûwen sî, wanne ein hûs, daz lît hie bî. mit triuwen ich iu râte dar. war möhtet ir tâlanc anderswar? dort an des velses ende, dâ kêret zer zeswen hende. sô ir ûf hin kumt an den graben, ich wæne, dâ müezet ir stille haben. heizet iu die brücke nider lâzen und offenen iu die strâzen."

*G welt ir nû hœren, wiez im gestê? er kom des âbendes an einen sê. dâ heten geankert weideman, den was daz wazzer undertân. dô si in rîten sâhen, si wâren dem stade sô nâhen, daz si wol hôrten, waz er sprach. einen er in dem schiffe sach, der het an im solch gewant, obe im dienten elliu lant, daz ez niht bezzer möhte sîn; gefurriert sîn huot was pfâwîn. den selben vischære begunder vrâgen mære, daz er im riete durch got unde ouch durch sîner zuht gebot, wâ er die herberge möht hân. des antwurte im der trûrige man. er sprach: "hêrre, mirst unerkant, daz weder wazzer noch lant in drîzic mîlen erbûwen sî, wan ein burc, diu lît hie bî. mit triuwen ich iu râte dar. War möht ir tâlanc anderswar? dort an des veldes ende, dâ kêrt ze der zeswen hende. sôr ûf hin komet an den graben, ich wæne, dâ müezt ir stille haben. bit die brücke iu nider lâzen unde offen iu die strâzen."

*T Welt ir nû hœren, wiez im gestê? er kom des âbendes an einen sê. dâ heten geankert weideman, den was daz wazzer undertân. dô sin rîten sâhen, si wâren dem stade sô nâhen, daz si wol hôrten, swaz er sprach. einen er in dem schiffe sach, der hete an im solch gewant, ob im dienten elliu lant, daz ez niht bezzer möhte sîn; gefurriert sîn huot was pfæwîn. den selben vischære begunder vrâgen mære, daz er im riete durch got unde durch sîner zühte gebot, wâ er die herberge möhte hân. Sus antwurtim der trûrige man: "hêrre, mir ist niht bekant, daz weder wazzer oder lant in drîzic mîlen erbûwen sî, wan ein burc, diu stêt hie bî. mit triuwen ich iu râte dar. war möhtir tâlanc anderswar? dort an des velses wende, dâ kêret zer zesewen hende. sô ir komet hin ûf den graben, ich wæne, dâ müezet ir stille haben. bitet iu die brücke nider lâzen unde iu offenen die strâzen."