*D aht ors mit zindâle verdecket al ze mâle. daz niunde sînen satel truoc. ein schilt, des ich ê gewuoc, den vuorte ein knappe vil gemeit dar bî. nâch den selben reit pusûner, der man noch bedarf. ein tambûrer sluog unt warf hôhe sîne tambûr. den hêrren nam vil untûr, dâne riten floitierre bî unt guoter videlære drî; den was allen niht ze gâch. selbe reit er hinden nâch unt sîn marnære, der wîse unt der mære. Swaz dâ was volkes inne, môre unt mœrinne was beidiu wîp unt man. der hêrre schouwen began manegen schilt zerbrochen, mit spern gar durchstochen; der was dâ vil gehangen vür an die wende unt an die tür. si heten jâmer unt guft. in diu venster gein dem luft was gebettet manegem wunden man, swenn er den arzât gewan, daz er doch mohte niht genesen; der was bî vîenden gewesen.

*m aht ros mit zindâle verdecket alliu zuo mâle. daz niunde sînen satel truoc. einen schilt, des ich ê gewuoc, den vuorte ein knappe vil gemeit. dô noch bî dem selben reit pusûner, der man ouch bedarf. ein tambûr sluoc und warf vil hôhe sîne tambûre. den hêrren nam vil untûre, denne riten floitierre bî und guoter videlære drî; den was allen niht zuo gâch. selbe reit er hinden nâch und sîn marnære, der wîse und der hêre. Waz dâ was volkes inne, môre und mœrinne was beidiu wîp und man. der hêrre schouwen began menigen schilt zerbrochen, mit speren gar zerstochen; der was dâ vile gehangen vor an die wende und an diu tor. si heten jâmer und guft. in diu venster durch den luft was gebettet menigem wunden man. swinde er den arzet gewan, daz er doch niht moht genesen; er was bî vîenden gewesen.

*G aht ors von zendâle verdecket al ze mâle. daz niunde sînen satel truoc. einen schilt, des ich ê gewuoc, vuorte ein knappe vil gemeit. dâ hinden nâch dem selben reit busûnære, der man ouch bedarf. ein tambûr sluoc und warf vil hôhe sînen tambûr. den hêrren nam vil untûr, dâ riten floitierære bî unde walscher videlære drî; den was allen niht ze gâch. selbe reit er hinden nâch unde sîn marnære, der wîse und der mære. swaz dâ was volkes inne, môr und mœrinne was beidiu wîb und man. der hêrre schouwen began manigen schilt zerbrochen, Mit spern gar durchstochen; der was dâ vil gehangen vür an die wende und an die tür. si heten jâmer und guft. in diu venster gein dem luft was gebettet manigem wunden man, swenner den arzât gewan, daz er doch mohte niht genesen; der was bî vînden gewesen.

*T ahte ors mit zindâle verdecket al ze mâle. daz niunde sînen satel truoc. einen schilt, des ich ê gewuoc, den vuorte ein knappe vil gemeit dâ bî. nâch dem selben reit pusînære, der man ouch bedarf. ein tambûrer sluoc und warf vil hôhe sînen tambûr. den hêrren nam vil untûr, dâ enriten floitære bî und welscher videlære drî; den was allen niht ze gâch. selbe reit er hinden nâch und sîn marnære, der wîse und der mære. Swaz dâ was volkes inne, môre und mœrinne was beidiu wîp und man. der hêrre schouwen began manegen schilt zerbrochen, mit spern gar durchstochen; der was dâ vil gehangen vür an die vensteren und an die tür. Si heten jâmer und guft. in diu venster gegen dem luft was gebettet manegem wunden man, swenner den arzât gewan, daz er doch mohte niht genesen; der was bî vîenden gewesen.