*D dâr nâch er güetlîche an mich sach, sît uns ze sitzen hie geschach. Er hât sich zuht gein mir enbart. mîn rede ist al ze vil gespart. hiene sol niht mêr geswigen sîn." zir gaste sprach diu künegîn: "Hêrre, ein wirtîn reden muoz. ein kus erwarp mir iwern gruoz. ouch but ir dienst dâ her în. sus seit ein juncvrouwe mîn. des habent uns geste niht gewent. des hât mîn herze sich gesent. Hêrre, ich vrâge iuch mære, wannen iwer reise wære." "vrouwe, ich reit bî disem tage von einem man, den ich in klage liez mit triwen âne schanz. der vürste heizet Gurnamanz; von Graharz ist er genant. dannen reit ich hiute in ditze lant." Alsus sprach diu werde magt: "hetz anders iemen mir gesagt, der volge würde im niht verjehen, deiz eines tages wære geschehen; wan swelch mîn bote ie baldeste reit, die reise er zwêne tage vermeit. sîn swester was diu muoter mîn, iwers wirtes. sîner tohter schîn sich ouch vor jâmer krenken mac. wir haben manegen sûren tac

*m vil güetlîch er an mich sach, sît uns ze sitzene hie geschach. er hât sich zuht gegen mir enbart. mîn rede ist al ze vil gespart. hie ensol niht mêr geswigen sîn." zuo ir gaste sprach diu künigîn: "hêrre, ein wirtîn reden muoz. ein kus erwarp mir iuweren gruoz. ouch butet ir dienest dâ her în. sus seite ein juncvrouwe mîn. des habent uns geste niht gewenet. des hât mîn herze sich gesenet. hêrre, ich vrâge iuch mære, wannen iuwer reise wære." "Vrouwe, ich reit bî disem tage von einem man, den ich in klage liez mit triuwen âne schranz. der vürste heizet Gurnemanz; von Graharz ist er genant. dannen reit ich in daz lant." dô sprach diu zühte rîche maget: "het ez anders iemen mir gesaget, der volge ime würde niht verjehen, daz ez wære eines tages geschehen; wand welich mîn bote ie baldest reit, die reise er zwêne tage vermeit. sîn swester was diu muoter mîn. iuweres wirtes tohter schîn sich vor jâmer krenken mac. wir haben manigen sûren tac

*G dâr nâch er güetlîch an mich sach, sît uns ze sitzene hie geschach. er hât sich zuht gein mir enbart. mîn rede ist alze vil gespart. hie sol niht mê geswigen sîn." ze ir gaste sprach diu künigîn: "hêrre, ein wirtîn reden muoz. ein kus erwarp mir iweren gruoz. ouch enbut ir dienst dâ her în, als sagte ein juncvrouwe mîn. sône hânt mich geste niht gewent. des hât mîn herze sich versent. hêrre, ich vrâge iuch mære, wannen iwer reise wære." "vrouwe, ich reit bî disem tage Von einem man, der mich mit klage liez mit triwen âne schranz. der vürste heizet Gurnomanz; von Graharz ist er genant. dannen reit ich hiut in diz lant." alsus sprach diu werde maget: "hetz anders iemen mir gesaget, der volge im nimer würde vergehen, daz ez eines tages möht geschehen; wan swelch mîn bot al baldest reit, die reise er zwêne tage meit. mîn muoter was diu swester sîn, iwers wirtes. sîner tohter schîn sich ouch von jâmer krenken mac. wir haben manigen swæren tac

*T dâr nâch er guotlîche an mich sach, sît im ze sitzenne geschach. er hât sich zuht gegen mir enbart. mîn rede ist alze vil gespart. hie sol niht mê geswigen sîn." zir gaste sprach diu künegîn: "hêrre, ein wirtîn reden muoz. ein kus erwarp mir iuwern gruoz. ir enbutet ouch dienst dâ her în. daz sagete ein juncvrouwe mîn. ouch hânts uns geste niht gewent. des hât mîn herze sich gesent. Hêrre, ich vrâgiuch mære, wannen iuwer reise wære." "Vrouwe, ich reit bî disem tage von einem man, der mich in klage liez mit triuwen âne schranz. der vürste hiez Gurnemanz unde ist von Greharz genant. von dem ich reit hiute in diz lant." Dô sprach diu minneclîchiu maget: "hete ieman anders mirz gesaget, der volge würd im niht verjehen, daz eines tages wære geschehen; wan swelch mîn bote ie baldeste reit, die reise er zwêne tage meit. sîn swester was diu muoter mîn. iuwers wirtes tohter schîn sich ouch von jâmere senen mac. wir hân vil manegen sûren tac