*D zen venstern unde sâhen dar; si næmen des vil rehte war, sîne knappen unde sîn harnas, wie daz gefeitieret was. dô truoc der helt milte ûf einem hermînem schilte, ine weiz, wie manegen zobelbalc. der küneginne marschalc hetez vür einen anker grôz. ze sehen in wênic dâr verdrôz. dô muosen sîniu ouge jehen, daz er hete gesehen disen ritter oder sînen schîn. daz muose ze Alexandrie sîn, dô der bâruc dâr vor lac; sînen prîs dâ niemen widerwac. Sus vuor der muotes rîche in die stat behagenlîche. zehen soumære hiez er vazzen; die zogeten hin die gazzen. dâ riten zwênzic knappen nâch. sîn bovel man dort vor ersach: garzûne, koche unde ir knaben heten sich hin vür erhaben. stolz was sîn gesinde: zwelf wol geborner kinde dô hinden nâch den knappen riten, an guoter zuht, mit süezen siten; etslîcher was ein Sarrazin. dâr nâch muose ouch getrecket sîn

*m an den vensteren und sâhen dar; si nâmen des vil rehte war, sîne knappen und sîn harnas, wie daz gefeitieret was. dô truoc der helt milte ûf einem hürnînen schilte sô menigen zobelbalc. der küniginne marschalc hette ez vür einen anker grôz. zuo sehen in wênic des verdrôz. dô muosen sîniu ougen jehen, daz er dâ vor hette gesehen disen ritter oder sînen schîn. daz muos zAlexandrie sîn, dô der bâruc dâr vor lac; sînen prîs dâ niemen widerwac. sus vuor der muotes rîche in die stat behagenlîche. zehen soumer hiez er vazzen; die zogeten hin die gazzen. dâ riten zwênzic knappen nâch. sîn povel man dort vor ersach gar schône: koche und ir knaben hetten sich her vür erhaben. stolz was sîn gesinde: zwelf wol geborner kinde dô hinden nâch den knappen riten, von guoter zuht, von süezen siten; etlîcher was ein Sarrazin. dâr nâch muos †gestrecket† sîn

*G in den vensteren und sâhen dar; si nâmen ouch des rehte war, sîne knappen und sîn harnas, wie daz gefeitieret was. dô truoc der helt milte ûf einem hermînem schilte, ichne weiz, wie manigen zobeles balc. der küniginne marschalc het ez vür einen anker grôz. ze sehene in lützel des verdrôz. im muosen sîniu ougen jehen, daz er het ê gesehen disen rîter oder sînen schîn. daz muose ze Alexandrie sîn, dâ der bâruc vor lac; sînen brîs dâ niemen widerwac. sus vuor der muotes rîche in die stat behânlîche. zehen soumære hiez er vazzen; die zogeten hin die gazzen. Den riten zweinzic knappen nâch. sînen bovel man dort vor ersach: garzûne, koche und ir knaben heten sich hin vür erhaben. stolz was sîn gesinde: zwelf wol geborner kinde dâ hinden nâch den knappen riten, an ganzer zuht, mit süezen siten; etelîcher was ein Sarrazin. dâr nâch muose er geprüevet sîn,

*T zen vensteren und sâhen dar; si nâmen sîn vil rehte war, sîne knappen und sîn harnas, wie daz gefeitieret was. ouch vuorte der helt milte ûf einem härmînen schilte, ine weiz, wie manegen zobels balc. Der küneginne marschalc het ez vür einen anker grôz. ze sehene in lützel dâr verdrôz. im muosen sîniu ougen jehen, daz er hete gesehen disen rîter oder sînen schîn. daz muose ze Alexandrie sîn, dô der bâruc dâr vor lac; sînen prîs dâ nieman widerwac. Sus vuor der muotes rîche in die stat behagenlîche. zehen soumer hiez er vazzen; die zogeten die gazzen. dâ riten zwênzic knappen nâch. sînen povel man dort vorne sach: garzûne, koche und der knaben heten sich hin vür erhaben. stolz was sîn gesinde: zwelf wol geborner kinde dâ bî nâch den knappen riten, an guoter zuht, mit süezen siten; etslîcher was ein Sarrazin. dâr nâch muose ouch getrecket sîn