*D Man unt wîp, die sint al ein als diu sunne, diu hiute schein, unt ouch der name, der heizet tac. der enwederz sich gescheiden mac. si blüent ûz eime kerne gar, des nemt kunsteclîche war." Der gast dem wirte durch râten neic. sîner muoter er gesweic mit rede unt in dem herzen niht, als noch getriwem man geschiht. Der wirt sprach sîn êre: "noch sult ir lernen mêre kunst an rîterlîchen siten. wie kâmet ir zuo mir geriten! ich hân beschouwet manege want, dâ ich den schilt baz hangen vant, denn er iu ze halse tæte. ez ist uns niht ze spæte, wir sulen ze velde gâhen, dâ sult ir künste nâhen. Bringet im sîn ors unt mirz mîn unt ieslîchem ritterz sîn. junchêrren sulen ouch dar komen, der ieslîcher habe genomen einen starken schaft unt bringen dar, der nâch der niwe sî gevar." Sus kom der vürste ûf den plân. dâ wart mit rîten kunst getân. sîme gaste er râten gap, wie erz ors ûzem walap

*m man und wîp, die sint alein als diu sunne, diu hiute schein, und ouch der mân, der heize tac. der enwederz sich gescheiden mac. si blüegent ûz einem kernen gar, des nemt künsteclîchen war." der gast dem wirt durch râten neic. sîner muoter er gesweic mit rede und in dem herzen niht, als noch getriuwen man geschiht. Der wirt sprach durch sîn êre: "noch sullet ir lernen mêre kunst an ritterlîchen siten. wie kômet ir ze mir geriten! ich hân geschouwet manige †yant†, dâ ich den schilt baz hangen vant, danne er iu ze halse tæte. ez ist uns niht ze spæte, wir sullen ze velde gâhen, dâ sullet ir künste nâhen. bringet im sîn ros und mir daz mîn und ieglîchem ritter daz sîn. junchêrren sullen ouch dar komen, der iegelîcher habe genomen sînen starken schaft und bringen dar, der nâch der niuwe sî gevar." sus kam der vürste ûf den plân. dâ wart mit rîten kunst getân. sînem gaste er den rât gap, wie er daz ros ûz dem walap

*G man unde wîp, diu sint al ein alsam diu sunne, diu hiute dâ schein, unt ouch der mân, der heizet tac. der dewederz sich gescheiden mac. si blüent ûz einem kerne gar, des nemet künsticlîchen war." der gast dem wirte durch râten neic. sîner muoter er gesweic mit rede unde in dem herzen niht, Als noch getriwem man geschiht. der wirt sprach sîn êre: "noch sult ir lernen mêre kunst an rîterlîchen siten. wie kômet ir zuo mir geriten! ich hân beschouwet manige want, dâ ich den schilt baz hangen vant, danne er iu ze halse tæte. ez ist uns niht ze spæte, wir sulen ze velde gâhen, dâ sult ir künste nâhen. bringet im sîn ors unde mir daz mîne unde ieslîchem rîter daz sîne. dar sulen ouch junchêrren komen, der ieslîcher habe genomen einen starken schaft unde bringe in dar, der nâch der niwe sî gevar." sus kom der vürste ûf den plân. dâ wart mit rîtene kunst getân. sînem gaster râten gap, wierz ors ûf den walap

*T man unde wîp, die sint al ein alsam der sunne, der hiute schein, unde der name, der heizet tac. der dewederz sich gescheiden mac. die blüent ûz eime kernen gar, des nemet künsteclîche war." Der gast dem wirte durch vrâgen neic. sîner muoter er gar gesweic mit rede unde imme herzen niht, alse noch getriuwen man geschiht. Der wirt sprach sîn êre: "noch sult ir lernen mêre kunst an rîterlîchen siten. wie kâmet ir ze mir geriten! ich hân beschouwet manege want, dâ ich den schilt baz hangen vant, danner iu ze halse tæte. ez ist uns niht ze spæte, wir suln ze velde gâhen, dâ sult ir künste nâhen. Bringet im sîn ors unde mir daz mîn unde iegelîchem rîter daz sîn. dar suln ouch junchêrren komen, unde daz iegelîcher habe genomen einen schaft unde bringin dar, der nâch der niuwe sî gevar." Sus kom der vürste ûf den plân. dâ wart von rîtern kunst getân. sînem gaste er den rât gap, wier daz ors ûz dem walap