*D daz si sîn dienst næme. sîn varwe der minne zæme." der wirt sprach: "nû sule wir sehen, an des wæte ein wunder ist geschehen." Si giengen, dâ si vunden Parzivalen, den wunden von eime sper, daz beleip doch ganz. sîn underwant sich Gurnemanz. sölh was sîn underwinden, daz ein vater sînen kinden, der sich triwe kunde nieten, möhtez in niht baz erbieten. sîne wunden wuosch und bant der wirt mit sîn selbes hant. Dô was ouch ûf geleit daz brôt. des was dem jungen gaste nôt, wand in grôz hunger niht vermeit. al vastende er des morgens reit von dem vischære. sîn wunde unt harnasch swære, die vor Nantes er bejagete, im müede unt hunger sagete unt diu verre tagereise von Artuse dem Berteneise, dâ man in allenthalben vasten liez. der wirt in mit im ezzen hiez. der gast sich dâ gelabte. in den barn er sich sô habte, daz er der spîse swande vil. daz nam der wirt gar zeime spil.

*m daz si sînen dienst næme. sîn varwe der minnen zæme." der wirt sprach: "nû sullen wir sehen, an des wæte ein wunder ist geschehen." sus giengen si, dâ si vunden Parcifalen, den wunden von einem sper, daz beleip ganz. sîn underwant †† Gurnemanz. solich was sîn underwinden, daz ein vater sînen kinden, der sich triuwe kunde nieten, niht baz möhte erbieten. sîne wunden wuosch und bant der wirt mit sîn selbes hant. dô was ouch ûf geleit daz brôt. des was dem jungen gaste nôt, wand in grôz hunger niht vermeit. al vastende er des morgens reit von sînem wirt, dem vischære. sîn wunde und harnasch swære, die er vor Nantes bejagete, ime müede und hunger sagete und diu verre tagereise von Artuse dem Brituneise, dâ man in allenthalben vasten liez. der wirt in mit im ezzen hiez. der gast sich dâ gelabete. in den gebæren er sich sô habete, daz er der spîse swande vil. daz nam der wirt gar ze einem spil.

*G daz si sîn dienst næme. sîn varwe der minne zæme." dô sprach der wirt: "nû sulen wir sehen, an dem solch wunder ist geschehen." si giengen, dâ si vunden Parzivalen, den wunden von einem sper, daz beleip doch ganz. sîn underwant sich Gurnomanz. solch was sîn underwinden, daz ein vater sînen kinden, der sich triwe kunde nieten, möht imz niht baz erbieten. sîne wunden wuosch unde bant der wirt mit sîn selbes hant. nû was ouch ûf geleit daz brôt. des was dem jungen gaste nôt, wan in grôz hunger niht vermeit. al vastende er des morgens reit von dem vischære. sîn wunde unde harnasch swære, die vor Nantis er bejagete, im müede unde hunger sagete Unt diu verre tagereise von Artuse dem Britaneise, dô man in allenthalben vasten liez. der wirt in mit im ezzen hiez. der gast sich dô gelabte. in den barn er sich sô habte, daz er der spîse swande vil. daz nam der wirt gar zeinem spil.

*T daz si sîn dienst næme. sîn varwe der minnen zæme." Dô sprach der wirt: "nû sule wir sehen, an des wæte ein wunder ist geschehen." si giengen, dâ si vunden Parcifal, den wunden von einem sper, daz bleip doch ganz. sich underwant sîn Gurnemanz. Solch was sîn underwinden, daz ein vater sînen kinden, der sich triuwen kunde nieten, niht baz möhte erbieten. Sîne wunden wuosch unde bant der wirt mit sîn selbes hant. nû was ouch ûf geleit daz brôt. des was dem jungen gaste nôt, wandin grôz hunger niht vermeit. alvastender des morgens reit vonme vischære. sîn wunde unde der harnasch swære, dier vor Nantes bejagete, im müede unde hunger sagete, diu verre tagereise von Artuse dem Brituneise, dâ man in allenthalben vasten liez. der wirt in mit im ezzen hiez. Dô er sich dâ gelabete, in den barn er sich dô habete, dâ er der spîse swante vil. daz nam der wirt gar zeime spil.