*D in eine kemenâten. si begunden im alle râten: "lât den harnasch von iu bringen unt iweren liden ringen." Schiere er muose entwâpent sîn. dô si diu rûhen ribbalîn unt diu tôren kleit gesâhen, dô erschrâken die sîn pflâgen. vil blûwec ez wart ze hove gesagt. der wirt vor schame was nâch verzagt. Ein ritter sprach durch sîne zuht: "deiswâr, sô werdeclîche vruht erkôs nie mîner ougen sehe. an im lît der sælden spehe mit reiner, süezen, hôhen art. wie ist der minnen blic alsus bewart? mich jâmert immer, daz ich vant an der werlde vröude alsölh gewant. wol doch der muoter, diu in truoc, an dem des wunsches lît genuoc. Sîn zimierde ist rîche, daz harnasch stuont ritterlîche, ê ez kœme von dem gehiuren. von einer quaschiuren bluotige amesiere kôs ich an im schiere." Der wirt sprach zem ritter sân: "daz ist durch wîbe gebôt getân." "nein, hêrre, er ist mit sölhen siten, ern kunde nimer wîp gebiten,

*m in eine kemenâten. si begunden alle râten: "lât daz harnasch von iu bringen und iuweren liden ringen." mit der rede entwâpenten si in. nû si diu rûhen ribbalîn und diu tôren kleit ersâhen, si erschrâken, die sîn pflâgen. vil schier ez wart ze hove gesaget. der wirt vor schame was verzaget. Ein ritter sprach durch sîne zuht: "dês wâr, sô werdeclîch vruht erkôs nie mîner †ouge spehen†. an ime lît der sælden spehe mit reiner, hôher, süezer art. wie ist der minnen blic alsus bewart? mich jâmert iemer, daz ich vant an der werden vröude solich gewant. wol doch der muoter, diu in truoc, an dem des wunsches lît genuoc. sîn zimierde ist rîche, daz harnasch stuont ritterlîche, ê ez kœme von dem gehiuren. von einer quaschiuren bluotic amesiere kôs ich an im schiere." der wirt sprach zuom ritter sân: "daz ist durch wîbe gebôt getân." "nein, hêrre, ez ist mit solichen siten, er enkunde niemer wîp gebiten,

*G in eine kemenâten. si begunden im alle râten: "lât daz harnasch von iu bringen unde iweren liden ringen." vil schierer muose entwâpent sîn. dô si diu rûhen ribalîn Unde diu tôren kleit ersâhen, si erschrâken, die sîn pflâgen. vil blûgez wart ze hove gesaget. der wirt vor schame was nâch verzaget. ein rîter sprach durch sîne zuht: "dês wâr, sô werdiclîche vruht erkôs nie mîner ougen sehe. an im lît der sælden spehe von reine, süeze, hôher art. wie ist der minnen blic alsus bewart? mich jâmert imer, daz ich vant an der werlde vröude solch gewant. wol doch der muoter, diu in truoc. an im des wunsches lît genuoc. sîn zimierde ist rîche, daz harnasch stuont rîterlîche; ez kom von dem gehiuren. von einer quatschiuren bluotic amesier kôs ich an im schier." der wirt sprach zem rîter sân: "ez ist lîhte durch wîbe gebôt getân." "nein, hêrre, erst in solhen siten, er kunde nimer wîp gebiten,

*T in eine kemenâten. Si begunden im alle râten: "lât den harnasch von iu bringen unde iuwern liden ringen." vil schiere muoser entwâpent sîn. dô si diu rûhen ribbalîn ersâhen unde diu tôren kleit, si erschrâken, unde was in leit. vil blœde ez wart ze hove gesaget. vor schame was nâch verzaget ein rîter, der sprach durch sîne zuht: "deiswâr, sô werdeclîche vruht erkôs nie mîner ougen sehe. an im lît der sælden spehe mit reiner, süezen, hôhen art. wie ist der minnen blic bewart? mich jâmert iemer, daz ich vant an der werlte vröude sölch gewant. Wol doch der muoter, diu in truoc. an im liget wunsches genuoc. sîn zimier ist rîche, sîn harnasch stuont rîterlîche. Ê ich kæme von dem gehiuren, von einer quaschiuren bluotic amesiere kôs ich an im schiere." Dô sprach zuo zim ein rîter sân: "ez ist lîhte durch wîbes gebôt getân." "Nein, hêrre, er ist mit solhen siten, ern kunde niemer wîp gebiten,