*D sô gît aber mir diu muoter mîn. ich wæne doch, diu ist ein künegîn." Artus sprach zem knappen sân: "daz harnasch vüert an im ein man, daz ich dirz niht getörste geben. ich muoz doch sus mit kumber leben ân alle mîne schulde, sît ich darbe sîner hulde. ez ist Ither von Gaheviez, der trûren mir durch vreude stiez." "Ir wæret ein künec milte, ob iuch sölher gâbe bevilte. gebts im dar", sprach Keye sân, "unt lât in zuo zim ûf den plân. sol iemen bringen uns den kopf, hie helt diu geisel, dort der topf. lâtz kint in umbe trîben, sô lobt manz vor den wîben. ez muoz noch dicke bâgen unt sölhe schanze wâgen. Ine sorge umb ir deweders leben. man sol hunde nâch ebers houpte geben." "ungerne wolt ich im versagen, wan daz ich vürhte, er werde erslagen, dem ich helfen sol der rîterschaft", sprach Artus ûz triwen kraft. Der knappe iedoch die gâbe enpfienc, dâ von ein jâmer sît ergienc. dô was im von dem künege gâch. junge unt alte im drungen nâch.

*m sô gît mir aber diu muoter mîn. ich wæne dô, siest doch ein künigîn." Artus sprach zuom knappen sân: "daz harnasch het an im ein man, daz ich dirs niht getörste geben. ich muoz doch mit kumber sus leben âne alle schulde, sît ich darbe sîner hulde. ez ist Ither von Gaheviez, der trûren mir durch vröude stiez." "ir wæret ein künic unmilte, ob iuch solicher gâbe bevilte. gebet sim dar", sprach Keie sân, "und lât in zuo zuom ûf den plân. sol ieman bringen ûf den kopf, hie haltet diu geisel, dort der topf. lât daz kint in umbe trîben, sô lobet manz vor den wîben. ez muoz noch dicke bâgen und soliche schanz wâgen. ine sorge umb deweders leben. man sol hunt umb ebers houbet geben." "ungerne wolt ich ime versagen, wand daz ich vörhte, er werde erslagen, dem ich helfen sol der ritterschaft", sprach Artus ûz triuwen kraft. Der knappe iedoch die gâbe enpfienc, dâ von ein jâmer sît ergienc. dô was ime von dem künige gâch. junge und alte im drungen nâch.

*G sô gît mir aber diu muoter mîn. ich wæne doch, diust ein künigîn." Artus sprach zem knappen sân: "daz harnasch hât an im ein man, daz ich dirs niht getörste geben. Ich muoz doch sus mit kumber leben âne alle mîne schulde, sît ich darbe sîner hulde. ez ist Ither von Kahaviez, der trûren mir durch vröude stiez." "ir wæret ein künic unmilte, obe iuch solher gâbe bevilte. gebtz im dar", sprach Kay sân. "lât in zuo im ûf den plân. sol iemen bringen uns den kopf, hie haltet geisel, dort der topf. lât daz kint in umbe trîben, sô lobet manz vor den wîben. ez muoz doch dicke bâgen unde solhe schanze wâgen. ine sorge umbe ir deweders leben. man sol hunde umbe ebers houbt geben." "ungerne solt ich imz versagen, wan daz ich vürhter werde erslagen, dem ich helfen sol der rîterschaft", sprach Artus ûz triwen kraft. der knappe iedoch die gâbe enpfienc, dâ von ein jâmer sît ergienc. dô was im von dem künige gâch. junge und alte im liefen nâch.

*T sô gît mir aber diu muoter mîn. ich wæne dô, diu ist ein künegîn." Artus sprach zuo dem knappen sân: "den harnasch hât an im ein man, daz ich dir niht getar geben. ich muoz joch sus mit kumber leben âne alle mîne schulde, wie ich darbe sîner hulde. ez ist Ither von Kaheviez, der trûren mir vür vreude stiez." "ir sît ein künec unmilte, daz iuch solicher gâbe bevilte. gebet si im", sprach Key sân. "lât in zuo im ûf den plân. sol ieman bringen uns den kopf, hie haltet diu geisel, dort der topf. lât daz kint in umbe trîben, sô lobet man ez vor den wîben. ez muoz doch dicke bâgen und soliche schanze wâgen. ich ensorge umber deweders leben. man solde hunde umb ebers houbet geben." "ungerne sol ich ez im versagen, wan daz ich vorhte, er werde erslagen, dem ich sol helfen der rîterschaft", sprach Artus ûz triuwen kraft. Der knappe iedoch die gâbe enpfienc, dâ von ein trûren sît ergienc. dô was im von dem künege gâch. junge und alte im drungen nâch.