*D Diu magetuomlîch minne im gap, dô si lebte, unt sluogen zuo daz grap. Condwiramurs begunde klagen ir vetern tohter, hôrt ich sagen, unt wart vil vreuden âne, wande si Schoysiane, der tôten meide muoter, zôch kint wesende - dâr umbe si vreude vlôch -, diu Parzivals muome was. ob der Provenzal die wârheit las, Der herzoge Kyot wesse wênec umbe sîner tohter tôt, des künec Kardeyzes magezoge. ez ist niht krump alsô der boge, diz mære ist wâr unt sleht. si tâten dô der reise ir reht, bî naht gein Munsalvæsche si riten. dâ het ir Feirefiz gebiten mit kurzwîle die stunde. vil kerzen man dô enzunde, reht als ob brünne gar der walt. Ein templeis von Patrigalt gewâpent bî der küneginne reit. der hof was wît und breit; dâr ûffe stuont manec sunderschar. si enpfiengen die küneginne gar unt den wirt unt den sun sîn. dô truoc man Loherangrin gein sînem veter Feirefiz. dô der was swarz unt wîz,

*m diu magetlîche minne im gap, dô si lebte, und sluogen zuo daz grap. Condwieramurs begunde klagen ir veter tohter, hôrt ich sagen, und wart vil vröuden âne, wand si Schoisiane, der tôten megde muoter, zôch kint wesende - dâr umbe si vröude vlôch -, diu Parcifals muome was. ob der Provenzal die wârheit las, der herzoge Kyot weste wênic umb sîner tohter tôt, des künic Cardeizes magezoge. ez ist niht krumb als ein boge, diz mær, ez ist wâr und sleht. si tâten dô der reise reht, bî naht gegen Muntsalvasche si riten. dâ het ir Ferefiz gebiten mit kurzewîle dise stunde. vil kerzen man dô enzunde, reht als ob brünne gar der walt. ein templeis von Patrigalt gewâpent bî der künigîn reit. der hof was wît und breit; dâr ûf stuont manic sunderschar. si enpfiengen die künigîn gar, den wirt und den sun sîn. dô truoc man Lohelangrin gegen sînem vetern Ferefiz. dô der was swarz und wîz,

*G Diu im magetuomlîche minne gap, die wîl si lebet, unde sluoc zuo daz grap. Condwiramurs begunde klagen ir veteren tohter, hôrt ich sagen, daz si was vröuden âne, wande si Schoysiane, der tôten meide muoter, zôch kint wesende - dâr umbe si vröude vlôch -, diu Parzivals muome was. op der Provenzal die wârheit las, der herzoge Kiot wesse wênic umbe sîner tohter tôt, des küniges Kardeizes magezoge. ditze mære ist niht sô der boge, ez ist wâr unde sleht. der reise tâten si dô reht, die naht si gein Muntsalvatsche riten. mit vröuden het ir dâ erbiten Feirafiz die stunde. vil kerzen man enzunde, als obe brünne gar der walt. ein templeis von Patrigalt gewâpent bî der küniginne reit. der hof was wît unde breit; dâ stuont ûf manic sunderschar. die enpfiengen die künigîn gar, den wirt unde den sun sîn. dô truoc man Loherangrin gein sînem veteren Feirafiz. dô der was swarz unde wîz,

*T diu im magetuomlîche minne gap, die wîle si lebete, und sluoc zuo daz grap. Kundewiramurs begunde klagen ir vetern tohter, hôrt ich sagen, daz si wart vreuden âne, wanne si Schosiane, der tôten magede muoter, zôch kint wesende - dâ von si vreude vlôch -, diu Parcifals muome was. ob der Provenzal die wârheit las, der herzoge Kyot wiste wênic umb sîner tohter tôt, des küneges Kardeizes magezoge. diz mære ist niht sô der boge, ez ist wâr und sleht. der reisen tâten si ir reht, die naht si gein Munsalvasche riten. mit vreuden het ir dâ gebiten Ferefis die stunde. vil kerzen man dô enzunde, als ob brünne gar der walt. ein templeis von Patrigalt gewâpent bî der küneginne reit. der hof was wît und breit; dâ stuont ûffe manegiu wîte schar. die enpfiengen die küneginne gar, den wirt und den sun sîn. dô truoc man Lohrangrin gein sîme vetern Ferefis. dô der was swarz und wîz,