*D Des gezeltes winden nam man abe. der künec sprach: »wederz ist der knabe, der künec sol sîn über iwer lant?« al den vürsten tet er dâ bekant: »Waleis unt Norgals, Kanvoleiz unt Kingrivals der selbe sol mit rehte hân, zAnschouwe unt in Bealzenan. kom er immer an mannes kraft, dâr leistet im geselleschaft. Gahmuret mîn vater hiez, der mirz mit rehtem erbe liez. Mit sælde ich geerbet hân den Grâl. nû enpfâhet ir an disem mâl iweriu lêhen von mîme kinde, ob ich an iu triwe vinde.« Mit guotem willen daz geschach. vil vanen man dort vüeren sach. dâ lihen zwô kleine hende wîter lande manec ende. Gekrœnt wart dô Kardeiz. der betwanc ouch sider Kanvoleiz unt vil des Gahmuretes was. bî dem Plimizœl ûf ein gras wart gesidel unt wîter rinc genomen, dâ si zem brôte solden komen. Snellîche dâ enbizzen wart. daz her kêrte an die heimvart, diu gezelt nam man elliu nider, mit dem jungen künege si vuoren wider.

*m des gezeltes winden nam man ab. der künîc sprach: »wederz ist der knab, der künîc sol sîn über iuwer lant?« al den vürsten tet er bekant, daz er Wals und Norgals, Kanvoleiz und Kingrivals, Anschouwe und Bealtzenan von rehte solte hân. kom er iemer an mannes kraft, dâr leisten im geselleschaft. Gahmuret mîn vater hiez, der mirz mit rehtem erbe liez. mit sælde ich geerbet hân den Grâl. nû enpfâhet ir an disem mâl iuwer lêhen von mînem kinde, ob ich an iu triuwe vinde.« mit guotem willen daz geschach. vil vanen man dort vüeren sach. dâ lihen zwô kleine hende wîter lande vil manic ende. gekrœnet wart dô Cardeiz. der betwanc ouch sider Kanvoleiz und vil des Gahmuretes was. bî dem Plimizol ûf daz gras wart gesidel wîter rinc genomen, dâ si zuo dem brôte solten komen. snelleclîch dâ enbizzen wart. daz her kêrte an die hinvart, diu gezelt nam man alliu nider, mit dem jungen künige si vuoren wider.

*G man nam des gezeltes winden abe. Der künic sprach: »wederz ist der knabe, der künic sol sîn über iwer lant?« den vürsten tet er dâ bekant: »Waleis unde Nurgals, Kanvoleiz unde Kinrivals der selbe sol von rehte hân, Anschouwe unde Belzenan. kum er iemer in mannes kraft, dâr leist ich im geselleschaft. Gahmuret mîn vater hiez, der mirz mit rehtem erbe liez. mit sælde ich geerbet hân den Grâl. nû enpfâhet ir an disem mâl iwer lêhen von mînem kinde, obe ich an iu triwe vinde.« mit guotem willen daz geschach. vil vanen man dâr vüeren sach. dâ lihen zwô kleine hende wîter lande manig ende. gekrœnet wart dô Kardeiz. der betwanc ouch sider Kanvoleiz unde vil, daz Gahmuretes was. bî dem Blimzol ûf daz gras wart gesidel unde wîter rinc genomen, dâ si zem brôte solden komen. snellîch dâ enbizzen wart. er kêrt an die heimvart, diu gezelt nam man elliu nider, mit dem jungen künige si kêrten wider.

*T Man nam des gezeltes winden abe. der künec sprach: »wederz ist der knabe, der künec sol sîn über iuwer lant?« den vürsten tet er dâ bekant: »Waleis und Nurgals, Kanvoleiz und Kingrivals der selbe sol von rehte hân, zuo Anschouwe und in Bealzenan. kumt er imer an mannes kraft, dâr leiste ich im geselleschaft. Gahmuret mîn vater hiez, der mir ez mit rehtem erbe liez. mit sælden ich geerbet hân den Grâl. nû enpfâhet ir an disem mâl iuwer lêhen von mîme kinde, ob ich an iu triuwe vinde.« mit guotem willen daz geschach. vil vanen man dâr vüeren sach. dâ lihen zwô kleine hende wîter lande manec ende. gekrœnet wart dô Kardeiz. der betwanc ouch sider Kanvoleiz und vil, daz Gahmuretes was. bî dem Plymizol ûf ein gras wart gesidel und wîter rinc genomen, dâ si zuo dem brôte solten komen. snellîche dâ enbizzen wart. daz volc kêrte an die heimvart, diu gezelt nam man alliu nider, mit dem jungen künege si kêrten wider.