*D Die boten vuoren endehafte dan. Parzival sîne rede alsus huob an. en franzoys er zin allen sprach, als Trevrizent dort vorn jach, daz den Grâl ze keinen zîten niemen möht erstrîten, wan der vor gote ist dâr bekant. diz mære kom über elliu lant: dehein strît möht in erwerben. vil liute liez dô verderben nâch dem Grâle gewerbes list, dâ von er noch verborgen ist. Parzival unt Feirefiz diu wîp lêrten jâmers vlîz. si hetenz ungern vermiten, in diu vier stücke shers si riten; si nâmen urloup zal der diet. ieweder dan mit vreuden schiet, gewâpent wol gein strîtes wer. Ame dritten tage ûzes heidens her wart ze Joflanze brâht, sô grôzer gâbe wart nie gedâht. Swelch künec dâ sîne gâbe enpfant, daz half immer mêr des lant. ieslîchem man nâch mâze sîn wart nie sô tiuriu gâbe schîn, Al den vrouwen rîchiu prêsente von Triande unt von Nouriente. ine weiz, wie daz her sich schiede hie; Cundrie unt dise zwên, hin riten sie.

*m die boten vuoren endehaft dan. Parcifal sîn rede alsus huop an. in franzois er zuo in allen sprach, als Trevrizent dort vornân jach, daz den Grâl zuo keinen zîten nieman möht erstrîten, wan der von got wær dar benant. daz mær kam über alliu lant, daz kein strît in möht erwerben. vil liute lie dô verderben nâch dem Grâl gewerbes list, dâ von er noch verborgen ist. Parcifal und Ferefiz diu wîp lêrten jâmers vlîz. si hetenz ungern vermiten, in diu vier stück des hers si riten; si nâmen urloup zuo aller der diet. ietweder dan mit vröuden schiet, gewâpent wol ûf strîtes wer. an dem dritten tage ûz heidens her wart zuo Joflanze brâht, sô grôzer gâbe wart nie gedâht. welich künic dâ sîner gâbe enpfant, daz half iemer mêr sîn lant. ieglîchem man nâch mâze sîn wart nie sô gâbe tiur schîn, al den vrowen rîch prêsente von Triande und von Noriente. ich enweiz, wie daz her schiede hie; Condrie und dise zwên, hin riten sie.

*G Die boten vuoren mit ende dan. Parzival sîn rede alsus huop an. mit zühten er zin allen sprach, alse Trevrizzent dort vorne jach, daz den Grâl zenheinen zîten niemen möhte erstrîten, wan der von got ist dar benant. daz mære kom über elliu lant: dehein strît möhte in erwerben. vil liute lie dô verderben nâch dem Grâle gewerbes list, dâ von er noch verborgen ist. Parzival unde Feirafiz diu wîp dâ lêrten jâmers vlîz. si heten ungerne vermiten, in diu vier stücke des hers si riten; si nâmen urloup ze alder diet. ietweder dan mit vröuden schiet, gewâpent wol gein strîtes wer. anme vierden tage ûz des heidens her wart ze Tschofflanze brâht, daz nie grœzer gâbe wart erdâht. swelch künic dâ sîner gâbe enpfant, daz half imer mêre daz lant. ieslîchem man nâch mâze sîn wart nie grœzer gâbe schîn, den vrouwen rîche prêsente von Triend unde von Novriente. ichne weiz, wie daz her sich schiede hie; Gundrie unde die zwêne, hin riten sie.

*T die boten endehaft vuoren dan. Parcifal sîn rede alsus huop an. in franzois er zuo in allen sprach, als Trefrizent dort vorn jach, daz den Grâl zuo dekeinen zîten nieman möhte erstrîten, wan der von gote ist dar benant. daz mære kam über alliu lant, daz dekein strît möhte in erwerben. vil liute dô liez verderben nâch dem Grâle gewerbes list, dâ von er noch verborgen ist. Parcifal und Ferefis diu wîp dâ lerten jâmers vlîz. si heten ungerne vermiten, in diu viere stücke des hers si riten; si nâmen urloup zuo al der diet. ietweder dan mit vreuden schiet, gewâpent wol gein strîtes wer. an dem vierten tage ûz des heidens her wart zuo Tschoflanze brâht, daz nie grœzer gâbe wart erdâht. welch künec dâ sîner gâbe enpfant, daz half immer mê daz lant. ieclîchem manne nâch der mâze sîn wart nie grœzer gâbe schîn, den vrouwen rîche prêsente von Triande und von Noriente. ich enweiz, wie daz her schiede hie; Kundrie und die zwêne, hin riten sie.