*D Von Lirivoyn den künec Schirniel unt von Avendroyn sînen bruoder Mirabel, den künec Serabil von Rozokarz unt den künec Piblesun von Lorneparz, von Sirnegunz den künec Senilgorz unt von Villegarunz Strangedorz, von Mirnetalle den grâven Rogedal unt von Pleyedunze Laudunal, den künec Onipriz von Itolac unt den künec Zyrolan von Semblidac, von Jeroplis den herzogen Jerneganz unt von Zambron den grâven Plineschanz, von Tuteleunz den grâven Longefiez unt von Privegarz den herzogen Marangliez, von Pictacon den herzogen Strennolas unt von Lampregun den grâven Parfoyas, von Ascalun den künec Vergulaht unt von Pranzile den grâven Bogudaht, Postefar von Laudundrehte unt den herzogen Leidebron von Redunzehte, von Leterbe Colleval unt Jovedast von Arel, ein Provenzal, von Tripparun den grâven Karfodyas. diz ergienc dâ turnieren was, die wîle ich nâch dem Grâle reit. solt ich gar nennen, dâ ich streit, daz wæren unkundiu zil; durch nôt ichs muoz verswîgen vil. swaz ir mir kunt ist getân, die wæne ich hie genennet hân.«

*m von Lirwoin der künic Schirniel, von Avendroin sîn bruoder Mirabel, der künic Serabil von Rozokarz und der künic Piblesun von Lorneparz, von Sirnegunz den künic Selingorz von Villegrane Strangedorz, von Mirnetals der grâve Rogudal, von Pleiedunze Laudunal, der künic Conipries von Itolac und der künic Zironal von Semblidac, von Jeroplis der herzoge Jerneganz, von Zambron der grâve Plineschanz, von Tuteleunz der grâve Longefiez und von Privegarz herzoge Marangliez, von Pictaton der herzoge Strenlas, von Lampregun der grâve Parfoias, von Ascalun der künic Vergulaht, von Prancile der grâve Rohudaht, Postefar von Landrudeht und der herzoge Leidebrom von Redonzeht, von Leterbe Colleval und von Arl Jovedast, der Provenzal, von Tripparun der grâve Carfoias. diz ergienc dâ turnieren was, die wîle ich nâch dem Grâl reit. solt ich iu gar nennen, dâ ich streit, daz wæren unkundiu zil; durch nôt muoz ich verswîgen vil. waz ir mir kunt ist getân, die wæne ich hie genennet hân.«

*G Von Liravoyn Tschernel unde von Avendroyn sîn bruoder Miradel, der grâve Minadas. ditze ergienc dâ turnieren was, die wîle ich nâch dem Grâle reit. solde ich gar nennen, daz ich streit, daz wæren unkundiu zil; durch nôt ich muoz verswîgen vil. swaz mir kunt ist getân, die ich wênic hie genennet hân.«

*T von Lyravoin Tschirniel und von Avendroin sîn bruoder Mirabel, der künec Serabyl von Rozokraz und der künec Pliplesun von Lereparz, von Sirnegunz der künec Senilgroz und von Villegarunz Strangedorz, von Mirntalle der grâve Rogetal und von Pleidusse Laudunal, der künec Onypuez von Itolac und der künec Zirolan von Semblidac, von Jeroplis der herzoge Gerneganz und von Zanbron der grâve Plyneschanz, von Tuteleunz der grâve Longefiez und von Brevegariez der herzoge Marangliez, von Pictacon der herzoge Strennolas und von Lampregun der grâve Parfoias, von Ascalun der künec Vergulaht und von Pranzile der grâve Bogudacht, Postefar von Leudundrehte und der herzoge Leidebrun von Redunzehte, von Leterbe Colleval und Jofedast von Arel, ein Provenzal, von Tripparun der grâve Kardofeydas. diz ergienc dâ tornieren was, die wîle ich nâch dem Grâle reit. solt ich gar nennen, daz ich erstreit, daz wæren unkundiu zil; durch nôt ich muoz verswîgen vil. waz mir kunt ist getân, die ich wênec hie genennet hân.«