*D mit grôzer rîchen hôchgezît. mich müet iwer beider strît; dâ sult ir bî mir ruowen nâch. sît aber strît von iu geschach, ir erkennet ein ander deste baz. nû kieset vriwentschaft vür den haz.« Gawan des âbents az dest ê, daz sîn neve von Thasme, Feirefiz Anschevin, dennoch vaste, unt der bruoder sîn. Matraze dicke unde lanc, der wart ein wîter umbevanc. kultern maneger künne von balmâte, niht ze dünne, wurden dô der matraze dach. tiwern pfelle man drûf gesteppet sach, beidiu lanc und breit. diu Clinschors rîcheit wart dâ ze schouwen vür getragen. dô sluoc man ûf, sus hôrt ich sagen, von pfelle vier ruclachen mit rîlîchen sachen, gein ein ander viersîte, dâr unde senfte plûmîte mit kultern verdecket, ruclachen drüber gestecket. der rinc begreif sô wît ein velt, dâ wæren gestân sehs gezelt Âne gedrenge der snüere. unbescheidenlîche ich vüere,

*m mit grôzer rîcher hôchzît. mich müejet iuwer beider strît; dâ solt ir bî mir ruowen nâch. sît aber strît von iu beschach, ir erkennet ein ander deste baz. nû kieset vriuntschaft vür den haz.« Gawan des âbendes az deste ê, daz sîn neve von Thasme, Ferefiz Anschevin, dannoch vast, und der bruoder sîn. matraz dic und lanc, der wart ein wîter umbevanc. kulter maniger künne von palmât, niht zuo dünne, wâren dô der matraz dach. tiur pfelle man dâr ûf gesteppet sach, beidiu lanc und breit. diu Clinsors rîcheit wart dâ ze schouwen vür getragen. dô sluoc man ûf, sus hôrt ich sagen, von pfelle vier ruclachen mit rîchlîchen sachen, gegen ein ander viersîte, dâr under plûmîte mit kultern verdecket, ruclachen dâr über gestecket. der rinc begreif ein wîtez velt, dâ wæren gestanden sehs gezelt âne gedrenge der snüer. unbescheidenlîch ich vüer,

*G Mit grôzer rîcher hôchzît. mich müet iwer bêder strît; dâ sült ir sîn mit triwen nâch. sît aber strît von iu geschach, ir erkennt ein ander deste baz. nû kieset vriuntschaft vür den haz.« Gawan des tages az deste ê, dô sîn neve von Tasme, Feirafiz Anschevin, dannoch vaste, unde der bruoder sîn. von palmât wît unde lanc der wart ein wît umbehanc. kulter maniger künne von palmât, niht ze dünne, wurden dâ der matraz dach. tiwer pfelle man drûf gesteppet sach, beidiu lanc unde breit. diu hêrlîche rîcheit wart dâ ze schouwene vür getragen. dô sluoc man ûf, sus hôrte ich sagen, von pfelle niwe ruclachen mit rîchlîchen sachen, gein ein ander niwe site, dâr under senfte pflûmîte mit kultern verdecket, ruclachen dâr über gestrecket. der rinc begreif sô wît ein velt, dâ wâren gestanden vier gezelt âne gedrenge der snüere. unbescheidenlîche ich vüere,

*T mit grôzer rîcher hôchgezît. mich müet iuwer beider strît; dâ sult ir bî mir ruowen nâch. sît aber strît von iu geschach, ir erkennet ein ander deste baz. nû kieset vriuntschaft vür den haz.« Gawan des âbendes az deste ê, dô sîn neve von Tasme, Ferefis von Anschevin, dannoch vaste, und der bruoder sîn. von palmât dicke und lanc der wart ein wît umbehanc. kultern maneger künne von palmât, niht zuo dünne, wurden dô der matraz dach. tiure pfelle man drûf gesteppet sach, beidiu lanc und beidiu breit. diu Clynsors rîcheit wart dâ zuo schouwene vür getragen. dô sluoc man ûf, sus hôrt ich sagen, von pfelle vier kurze lachen mit rîchlîchen sachen, gein ein ander viersîte, dâr under sanfte plûmîte mit kultern verdecket, rückelachen dâr über gestecket. der rinc begreif sô wît ein velt, dâ wæren gestanden vier gezelt âne gedrenge der snüere. unbescheidenlîche ich vüere,