*D waz prîses bejagte ich danne an dir? stant stille und sage mir, werlîcher helt, wer dû sîs. vür wâr, dû hetes mînen prîs behabt, der lange ist mich gewert, wære dir zerbrosten niht dîn swert. Nû sî von uns bêden vride, unz uns geruowen baz diu lide.« si sâzen nider ûfez gras. manheit bî zuht an beiden was unt ir bêder jâr von solher zît, zalt noch ze junc si bêde ûf strît. Der heiden zem getouften sprach: »nû geloube, helt, daz ich gesach bî mînen zîten noch nie man, der baz den prîs möhte hân, den man in strîte sol bejagen. nû ruoche, helt, mir beidiu sagen, dînen namen unt dînen art; sô ist wol bewendet her mîn vart.« Dô sprach Herzeloyden sun: »sol ich daz durch vorhte tuon, sône darf es niemen an mich gern, sol ichs betwungenlîche wern.« Der heiden von Thasme sprach: »ich wil mich nennen ê, unt lâ daz laster wesen mîn. ich bin Feirefiz Anschevin, sô rîche wol, daz mîner hant mit zinse dienet manec lant.«

*m waz prîses bejagete ich denne an dir? stant stille und sage mir, werlîcher helt, wer dû sîs. vür wâr, dû hettest mînen prîs behabt, der lange ist mich gewert, wær dir zerbrochen niht dîn swert. nû sî von uns beiden vride, unz uns geruowen baz diu glide.« si sâzen nider ûf daz gras. manheit bî zuht in beiden was und ir beider jâr von solicher zît, zuo alt noch zuo junc si beide ûf strît. der heiden zuo dem getouften sprach: »nû gloube, helt, daz ich sach bî mînen zîten noch nieman, der baz den prîs möhte hân, den man in strîte sol bejagen. nû geruoche, helt, mir sagen, dînen namen und dîn art; sô ist wol bewendet her mîn vart.« dô sprach der Herczeloiden sun: »sol ich daz durch vorhte tuon, sô darf es niemen an mich gern, sol ichs betwungenlîchen wern.« dô sprach der von Thasme: »sô wil ich mich nennen ê, und lâ daz laster wesen mîn. ich bin Ferefiz Anschevin, sô rîch wol, daz mîner hant mit zinse dienet manic lant.«

*G Waz prîses bejagte ich danne an dir? stant stille unde sage mir, werlîcher helt, wer dû sîs. vür wâr, dû heist mînen brîs behabet, der lange ist mich gewert, wære dir zerbrochen niht dîn swert. nû sî von uns beiden vride, unze uns geruowen baz diu lide.« si sâzen nider ûf daz gras. manheit bî zuht an beiden was unde ir beider jâr von solher zît, ze junc noch ze alt si bêde ûf strît. der heiden zuo dem getouften sprach: »nû gloube, helt, daz ich gesach bî mîner zît noch nie den man, der baz den brîs möhte hân, den man in strîte sol bejagen. nû ruoche, helt, mir beidiu sagen, dînen namen unde dînen art; sô ist wol bewendet her mîn vart.« dô sprach Herzeloiden sun: »sol ich daz durch vorhte tuon, sône darf es niemen an mich gern, sol ich es betwungenlîchen wern.« der heiden von Tasme sprach: »ich wil mich nennen ê, unde lâ daz laster wesen mîn. ich bin Feirafiz Anschevin, sô rîche wol, daz mîner hant mit zinse dient manic lant.«

*T waz prîses bejagete ich dan an dir? stant stille und sage mir, werlîcher helt, wer dû sîs. vür wâr, dû hetest mînen prîs behabet, der lange ist mich gewert, wære dir zerbrochen niht dîn swert. nû sî von uns beiden vride, unz uns geruowent baz diu lide.« Si sâzen nider ûf daz gras. manheit bî zühten an in beiden was und ir beider jâr von solicher zît, zuo junc noch zuo alt si beide ûf strît. der heiden zuo dem getouften sprach: »nû geloube, helt, daz ich gesach bî mîner zît noch nie den man, der baz den prîs möhte hân, den man in strîte solte bejagen. nû geruoche, helt, mir beidiu sagen, dînen namen und dînen art; sô ist wol bewendet her mîn vart.« dô sprach Herzeloyden sun: »sol ich daz durch vorhte tuon, sône darf nieman an mich gern, sol ich es betwungenlîche gewern.« der heiden von Tasme sprach: »ich wil mich nennen ê, und lâz daz laster wesen mîn. ich bin Ferefis von Anschevin, sô rîche wol, daz mîner hant mit zinse dienet manec lant.«