*D Der heiden tet dem getouften wê. des schilt was holz, hiez aspindê; daz vûlet noch enbrinnet. er was von ir geminnet, diu in im gap, des sît gewis. turkoyse, crisoprassis, smarâde, rubîne, vil steine mit sunder schîne wâren verwiert durch kostenlîchen prîs al umbe ûf diu buckelrîs. ûf dem buckelhûse stuont ein stein, des namen tuon ich iu kunt: antrax dort genennet, karfunkel hie bekennet. Durch der minne condwier ecidemôn, daz reine tier, het im ze wâpene gegeben, in der genâden er wolde leben, diu küneginne Secundille; diz wâpen was ir wille. Dâ streit der triwen lûterheit; grôz triwe aldâ mit triwen streit. durch minne heten si gegeben mit kampfe ûf urteil bêde ir leben; ieweders hant was sicherbote. der getoufte wol getriwete gote, sît er von Trevrizende schiet, der im sô herzenlîche riet, er solte helfe an den gern, der in sorge vreude kunde wern.

*m der heiden tet dem getouften wê. des schilt was holz, heizet aspindê; daz vûlet noch enbrinnet. er was von ir geminnet, diu in im gap, des sît gewis. turkoyse und crisoprassis, smaragte und rubîne, vil stein mit sunder schîne wâren verwieret durch kostlîchen prîs al umbe ûf diu buckelrîs. ûf dem buckelhûse stuont ein stein, des namen tuon ich iu kunt: antrax dort genennet, karfunkel hie bekennet. durch der minne condwier ecidemôn, daz reine tier, het im ze wâpen gegeben, an der gnâde er wolte leben, diu künigîn Secundille; diz wâpen was ir wille. dâ streit der triuwen lûterkeit; grôz triuwe aldâ mit triuwen streit. mit minne heten si gegeben durch kampf ûf urteil beide ir leben; ietweders hant was sicherbot. der getoufte wol getriuwet got, sît er von Trevrizende schiet, der im sô herzeclîchen riet, er solte helfe an in gern, der in sorge vröude kunde wern.

*G Der heiden tet dem getouften wê. der schilt was holz, hiez aspindê; daz envûlet nochne brinnet. er was von ir geminnet, diu in im gap, des sît gewis. turkoyse, krisoprasse , smaragde unde rubîne, vil steine mit sunder schîne wâren verwieret durch kostelîchen prîs ze loben ûf diu buckelrîs. ûf dem buckelhûse stuont ein stein, des namen tuon ich iu kunt: antrax dort genennet, karfunkel hie bekennet. durch der minne condwier ecidemôn, daz reine tier, het im ze wâpen gegeben, in der gnâde er wolde leben, diu künigîn Secundille; ditze wâpen was ir wille. dâ streit der triwen lûterheit; grôz triwe aldâ mit triwen streit. durch minne heten si ir leben mit kampfe ûf urteil gegeben; ietweders hant was sicherbot. der getoufte wol getrûwet got, sît er von Trevrizzent schiet, der im sô herzenlîchen riet, er solde helfe an in gern, der in sorgen vröude kunde wern.

*T Der heiden tet dem getouften wê. des schilt was holz von aspindê; daz vûlet noch enbrinnet. er was von ir geminnet, diu im in gap, des sît gewis. turkoyse, crisoprassis, smarâde und rubîne, vil steine mit sunder schîne wâren verwirket durch kostlîchen prîs alle umbe ûf diu kuppelrîs. ûf dem kuppelhûse stuont ein stein, des namen tuon ich iu kuont: antrax dort genennet, karfunkel hie bekennet. durch der minne cundewier ecidemôn, daz reine tier, het im zuo wâpen gegeben, an der genâden er wolte leben, diu küneginne Secundille; diz wâpen was ir wille. dâ streit der triuwen lûterheit; grôziu triuwe aldâ mit triuwen streit. durch minne heten si ir leben mit kampfe ûf urteil gegeben; ietweders hant was sicherbote. der getoufte wol getrûwete gote, sît er von Trefrizente schiet, der im sô herzeclîche riet, er solte helfe an in gern, der in sorgen vreude kunde wern.