*D Alsus manec sunder lant diende sîner werden hant, Môre und ander Sarrazine mit ungelîchem schîne. in sînem wît gesamentem her was manec wunderlîchiu wer. Ouch reit nâch âventiure dan von sîme her dirre eine man durch baneken inz fôreht. sît si selbe nâmen in daz reht, die künege ich lâze rîten, al eine nâch prîse strîten. Parzival reit niht eine; dâ was mit im gemeine er selbe unt ouch sîn hôher muot, der sô manlîch wer dâ tuot, daz ez diu wîp solden loben, sine wolten denne durch lôsheit toben. Hie wellent ein ander vâren, die mit kiusche lember wâren unt lewen an der vrecheit. owê, sît diu erde was sô breit, daz si ein ander niht vermiten, die dâ umb unschulde striten. ich sorge des, den ich hân brâht, wan daz ich trôstes hân gedâht, in sule des Grâles kraft ernern. in sol ouch diu minne wern. den was er beiden diensthaft âne wanc mit dienstlîcher kraft.

*m alsus manic sunder lant diende sîner werden hant, Môre und ander Sarrazine mit ungelîchem schîne. in sînem wît gesamten her was manic wunderlîchiu wer. ouch reit nâch âventiur dan von sînem her diser eine man durch banken in daz fôreht. sît si selbe nâmen daz reht, die künige lât sô rîten, alein nâch prîse strîten. Parcifal reit niht eine; dâ was mit ime gemeine er selbe und ouch sîn hôher muot, der sô manlîch wer dâ tuot, daz ez diu wîp nû solten loben, si wolten den durch lôsheit toben. hie wellent ein ander vâren, die mit kiusche lember wâren und lewen in der vrecheit. owê, daz diu erde was sô breit, daz si ein ander niht vermiten, die dâ umb unschult striten. ich sorge des, den ich hân brâht, wan daz ich trôstes hân gedâht, in sol des Grâles kraft ernern. in sol ouch diu minne wern. den beiden was er diensthaft âne wanc mit dienstlîcher kraft.

*G als manic sunder lant diente sîner werden hant, Môre unde Sarrazine mit ungelîchem schîne. Mit sînem wît gesamenten her was manic wunderlîchiu wer. ouch reit nâch âventiure dan von sînem her dirre eine man durch banken in daz fôreht. sît si selbe in nâmenz ze reht, die künige, ich lâze si rîten, al eine nâch prîse strîten. Parzival reit niht eine; dâ was mit im gemeine er selbe unde ouch sîn hôher muot, der sô manlîche wer dâ tuot. daz diu wîp solden loben, sine wolden danne durch lôsheit toben. hie wellent ein ander vâren, die mit kiusche lember wâren unde lewen an der kuonheit. owê, sît diu erde was sô breit, daz si ein ander niht vermiten, die dâ umbe unschulde striten. ich sorge des, den ich hân brâht, wan daz ich trôstes hân gedâht, in sule des Grâles kraft ernern. in sol ouch diu minne wern. den was er beiden diensthaft âne wanc mit dienstes kraft.

*T alsus manec sunder lant dienete sîner werden hant, Môren und Sarrazine mit ungelîchem schîne. sîme wîten gesamenten her was manec wunderlîchiu wer. ouch reit durch âventiure dan von sîme her dirre eine man durch baneken in diu fôreht. sît si selber nâmen in daz reht, die künege ich lâze rîten, aleine nâch prîse strîten. Parcifal reit niht eine; dâ was mit im gemeine er selber und sîn hôher muot, der sô menlîche wer dâ tuot. daz diu wîp solten loben, si enwolten dan durch lôsheit toben. hie wellent ein ander vâren, die mit kiuscheit lember wâren und lewen an der kuonheit. ouch sît diu erde was sô breit, daz ein ander niht vermiten, die dâ umb unschulde striten. ich sorge des, den ich hân brâht, wan daz ich trôstes hân gedâht, in sule des Grâles kraft ernern. in sol ouch diu minne wern. den was er beiden diensthaft âne wanc mit dienstes kraft.