*D Sîn gir stuont nâch minne unt nâch prîses gewinne; daz gâben ouch allez meistec wîp, dâ mite der heiden sînen lîp kostelîche zimierte. diu minne condwierte in sîn manlîch herze hôhen muot, als si noch dem minnegernden tuot. Er truoc ouch durch prîses lôn ûf dem helme ein ecidemôn. swelhe würme sint eiterhaft, von des selben tierlînes kraft hânt si lebens decheine vrist, swenn ez von in ersmecket ist. Thopedissimonte unt Assigarzionte, Thasme und Arabi sint vor solhem pfelle vrî, als sîn ors truoc covertiure. der ungetoufte gehiure ranc nâch wîbe lône; des zimiert er sich sus schône. sîn hôhez herze in des betwanc, daz er nâch werder minne ranc. Der selbe werlîche knabe het in einer wilden habe zem fôreht geenkert ûf dem mer. er hete vünf unt zweinzec her, der neheinez sandern rede vernam, als sîner rîcheit wol gezam;

*m sîn gir stuont nâch minne und prîses gewinne; ez gâben ouch meistic alliu wîp, dâ mit der heiden sînen lîp kostlîch zimierte. des minne condwierte in sîn manlîch herze hôhen muot, alsô si noch dem minnen gernden tuot. er truoc ouch durch prîses lôn ûf dem houbte ein ecidemôn. welich würme sîn eiterhaft, von des selben tierlînes kraft hânt si lebens dekein vrist, wan ez von in ersmecket ist. Doppedisse monte und Assigarzionte, Thasme und Arabi sint vor solhem pfelle vrî, als sîn ros truoc covertiure. der ungetoufte gehiure ranc nâch wîbe lôn; des zimierte er sich sô schôn. sîn hôhez herz in des betwanc, daz er nâch werder minne ranc. Der selbe werlîch knabe het in einer wilden habe zuo einem fôreht geankert ûf dem mer. er het vünf und zweinzic her, der keinez des andern rede vernam, als sîner rîcheit wol gezam;

*G Sîn gir stuont nâch minne unde nâch prîses gewinne; daz gâben ouch almeistec wîp, dâ mit der heiden sînen lîp kostlîche zimierte. diu minne condewierte in sîn manlîch herze hôhen muot, als si noch dem minnegernden tuot. er truoc ouch durch prîses lôn ûf dem helme ein ecidemôn. swelch würme sint eiterhaft, von des selben tierlînes kraft habent si lebens kleinen list, swenne ez von in ersmecket ist. Tasme unde Arabi sint von solhem pfelle vrî, als sîn ors truoc covertiure. der ungetoufte gehiure ranc nâch wîbes lône; des zimierte er sich schône. der selbe werlîche knabe het in einer wilden habe zuo dem fôreht geankeret ûf dem mer. er hete vünf unde zweinzic her, der deheinez des andern rede vernam, als sîner rîcheit wol gezam;

*T sîn gir stuont nâch minne und nâch prîses gewinne; daz gâben im ouch almeistec wîp, dâ mit der heiden sînen lîp kostlîche zierete. diu minne condewierete in sîn manlîch herze hôhen muot, alse si noch dem minnegernden tuot. er truoc ouch durch prîses lôn ûf dem helme ein ecidemôn. welche würme sint eiterhaft, von des selben tierlînes kraft hânt si lebens kleinen vrist, wanne ez von in ersmecket ist. Thasme und Araby sint von solichem pfelle vrî, als sîn ors truoc covertiure. der ungetoufte gehiure ranc nâch wîbes lône; des zimierete er sich schône. der selbe werlîche knabe hete in einer wilden habe zuo der vurt geankert ûf dem mer. er hete vünf und zweinzic her, der dekeiner des andern rede vernam, als sîner rîcheit wol gezam;