*D aber anders niht decheinen gewîs, wan ob Gawan, ir âmîs, wolte den kampf durch si verbern, sô wolt ouch si der suone wern. diu suone würde von ir getân, ob der künec wolde lân biziht ûf ir sweher Lot. bî Artuse si daz dan enbôt. Artus, der wîse, höfsche man, disiu mære brâhte dan. dô muose der künec Gramoflanz verkiesen umbe sînen kranz unt swaz er hazzes pflæge gein Lote von Norwæge, der zergienc als in der sunnen snê durch die clâren Itonje lûterlîche ân allen haz. daz ergienc, die wîle er bî ir saz; Aller ir bete er volge jach. Gawanen man dort komen sach mit clârlîchen liuten; ine möhte iu niht gar bediuten ir namen unt wannen si wâren erborn. dâ wart durch liebe leit verkorn. Orgeluse, diu fiere, unt ir werden soldiere unt ouch diu Clinschors schar, ir ein teil - sine wârenz niht gar - sach man mit Gawane komen. Artuses gezelde wart genomen

*m aber anders niht dekein wîs, wan ob Gawan, ir âmîs, wolte den kampf durch si verbern, sô wolt ouch si der suone wern. diu suone würde aber niht getân, dan ob der künic †niht† wolte lân biziht ûf ir sweher Lot. bî Artuse si daz hin enbôt. Artus, der wîse man, disiu mære brâhte wider dan. Dô muoste der künic Gramolanz verkiesen umbe sînen kranz und waz er hazzes pflæge gegen Lot von Norwæge, der zergienc als in der sunnen der snê durch die clâren Ithonie lûterlîch âne allen haz. daz ergienc, die wîle er bî ir saz; alle ir bete er volge jach. Gawanen man dort komen sach mit clârlîchen liuten; ich möhte iu niht gar bediuten ir namen oder wannen si sint erborn. dâ wart durch liebe leit verkorn. Urgeluse, diu fiere, und ir werden soldiere und ouch diu Clinsors schar, ir ein teil - si wârenz niht gar - sach man mit Gawanen komen. Artuses gezelt was genomen

*G Unde aber anders niht deheine wîs, wan op Gawan, ir âmîs, wolde den kampf durch si verbern, sô wolde si der suone wern. sô würde diu suone von ir getân unde op der künic wolde lân die ziht ûf ir sweher Lot. bî Artus si daz hin enbôt. Artus, der wîse, höfsche man, disiu mære brâhte dan. dô muose der künic Gramoflanz verkiesen umbe sînen kranz unde swaz er hazzes pflæge gein Lot von Norwæge, daz zergie als in der sunnen snê durch die clâren Itonie lûterlîch ân allen haz. daz geschach, die wîle er bî ir saz; alle ir bete er volge jach. Gawan man dô komen sach mit clârlîchen liuten; ichne mag iu niht gar bediuten umbe ir namen unde wannen si sîn geborn. dâ wart durch lieb leit verkorn. Orgeluse, diu fiere, unde ir soldeniere unde ouch diu Clinsors schar, ir ein teil - sine wârens niht gar -, die wâren mit Gawane komen. Artuses gezelt was genomen

*T unde aber anders niht dekeine wîs, wan wolte Gawan, ir âmîs, den kampf durch si verbern, sô wolte si die suone wern. sô würde diu suone von ir getân und ob der künec wolte lân die ziht ûf ir sweher Lot. bî Artuse si daz enbôt. Artus, der wîse, hövesch man, disiu mære brâhte dan. dô muose der künec Gramoflanz verkiesen umb sînen kranz und waz er hazzes pflæge gein Lot von Norwæge, daz zergienc als in der sunnen snê durch die clâren Itonie lûterlîchen âne haz. daz geschach, die wîle er bî ir saz; aller ir bete er volgen jach. Gawanen man dô komen sach mit clârlîchen liuten; ich enmag iu niht gar betiuten ir namen und wannen si wâren geborn. dâ wart durch liep leit verkorn. Orgeluse, diu fiere, und ir werden soldiere und ouch diu Clynsors schar, ir ein teil - si enwârenz niht gar - sach man mit Gawane komen. Artuses gezelte was genomen