*D Artus sprach: »sint ez die knaben, die ich an den rinc nâch mir sach draben? daz sint von hôher art zwei kint. waz, ob si sô gevüege sint, gar bewart vor missetât, daz si wol gênt an disen rât? eintweder pfligt der sinne, daz er sînes hêrren minne an mîner nifteln wol siht.« Bene sprach: »des enweiz ich niht. hêrre, mag ez mit hulden sîn, der künec hât diz vingerlîn dâ her gesant und disen brief. dô ich nû vürz poulûn lief, der kinde einez gab in mir. vrouwe, sêt, den nemt ir.« Dô wart der brief vil gekust; Itonje druct in an ir brust. dô sprach si: »hêrre, nû seht hie an, ob mich der künec minne man.« Artus nam den brief in die hant, dâr an er geschriben vant von dem, der minnen kunde, waz ûz sîn selbes munde Gramoflanz, der stæte, sprach. Artus an dem brieve sach, daz er mit sîme sinne sô endehafte minne bî sînen zîten nie vernam. dâ stuont, daz minne wol gezam:

*m Artus sprach: »sint diz die knaben, die ich an den rinc sach nâch mir draben? daz sint von hôher art zwei kint. waz, ob si sô gevüege sint, gar bewart vor missetât, daz si wol gânt an disen rât? eintweder pfliget der sinne, daz er sînes hêrren minne an mîner nifteln wol siht.« Bene sprach: »des weiz ich niht. hêrre, mac ez mit hulden sîn, der künic hât daz vingerlîn dâ her gesant †an† disen brief. dô ich nû vür daz pavelûn lief, der kinde einez gap in mir. vrowe, sêt, den nemet ir.« dô wart der brief vil gekust; Ithonie druht in an ir brust. si sprach: »hêrre, nû seht her an, ob mich der künic minnen man.« Artus den brief nam in die hant, dâr an er geschriben vant von dem, der minnen kunde. ûz sîn selbes munde Gramolanz, der stæte, sprach. Artus an dem brieve sach, daz er mit sînem sinne sô endehafte minne bî sînen zîten nie vernam. dâ stuont, daz minne wol gezam:

*G Artus sprach: »sint ez die knaben, die ich an den rinc sach nâch mir draben? daz sint von hôher art zwei kint. waz, op si sô gevüege sint, gar bewart vor missetât, daz si wol gênt an disen rât? eintweder pfliget der sinne, daz er sînes hêrren minne an mîner nifteln wol siht.« Bene sprach: »desne weiz ich niht. hêrre, mag ez mit hulden sîn, der künic hât ditze vingerlîn dâ her gesant unde disen brief. dô ich nû vür daz pavelûn lief, der kinde einez gab in mir. vrouwe, seht, den nemt ir.« dô wart der brief vil gekust; si dructe in an ir brust. dô sprach si: »nû seht hie an, obe mich der künic minne man.« Artus den brief nam in die hant, dâr an er geschriben vant von dem, der minnen kunde, waz ûz sîn selbes munde Gramoflanz, der stæte, sprach. Artus an dem brieve sach, daz er mit sînem sinne endehafter minne bî sînen zîten nie vernam. dâ stuont, daz minne wol gezam:

*T Artus sprach: »sint ez die knaben, die ich an den rinc sach nâch mir draben? daz sint von hôher art zwei kint. waz, ob si sô gevüege sint, gar bewart vor missetât, daz si wol gânt an disen rât? eintweder pfliget der sinne, daz er sînes hêrren minne an mîner nifteln wol siht.« Bene sprach: »des enweiz ich niht. hêrre, mag ez mit hulden sîn, der künec hât diz vingerlîn dâ her gesant und disen brief. dô ich nû vür daz pavelûn lief, der kinde einez gap in mir. vrouwe, sêt, den nemt ir.« dô wart der brief vil gekust; si twanc in vaste an ir brust. dô sprach si: »hêrre, sehet her an, ob mich der künec minnen kan.« Artus den brief nam in die hant, daz er dâr an geschriben vant von dem, der minnen kunde, waz ûz sîn selbes munde Gramoflanz, der stæte, sprach. Artus an dem brieve sach, daz er mit sîme sinne endehafter minne bî sînen zîten nie vernam. dâ stuont, daz minne wol gezam: