*D Dû hâst dir selben an gesigt, ob dîn herze triwen pfligt.« Dô disiu rede was getân, dône moht ouch mîn hêr Gawan vor unkraft niht langer stên. er begunde al swindelnde gên, wand imz houbet erschellet was; er strûchte nider anz gras. Artuses junchêrrelîn spranc einez underz houbet sîn. dô bant im daz süeze kint ab den helm unt swanc den wint mit eime huote pfæwîn wîz under dougen. dirre kindes vlîz lêrte Gawanen niwe kraft. Ûz beiden hern geselleschaft mit rotte kômen hie unt dort, iewederer her an sînen ort, dâ ir zil wâren gestôzen mit gespiegelten ronen grôzen. Gramoflanz die koste gap durch sînes kampfes urhap. der boume hundert wâren mit liehten blicken clâren. dâne solte niemen zwischen komen. si stuonden, sus hân ichz vernomen, vierzec poynder von ein ander mit gevärweten blicken glander, vünfzec ieweder sît. dâ zwischen solt ergên der strît.

*m dû hâst dir selben an gesiget, ob dîn herze triuwen pfliget.« dô disiu rede was getân, dô mohte mîn hêr Gawan von unkraft niht langer stân. er begunde al †swindeln† gân, wan im daz houbt erschellet was; er strûchet nider an daz gras. Artuses junchêrrelîn spranc einez under daz houbt sîn. dô bant im daz süeze kint ab den helm und swanc den wint mit einem huote pfæwîn wîz under diu ougen. diser kindes vlîz lêrt Gawanen niuwe kraft. ûz beiden hern geselleschaft mit rote kômen hie und dort, ietweder here in sînen ort, dâ ir zil wâren gestôzen mit gespiegelten ronen grôzen. Gramolanz die koste gap durch sînes kampfes urhap. der boum hundert wâren mit liehten blicken clâren. dâ ensolte nieman zwischen komen. si stuonden, als ichs hân vernomen, vierzic ponder von ein ander mit geverwetem blic glander, vünfzic ietweder sît. dâ zwischen solte ergên der strît.

*G Dû hâst dir selbem an gesiget, obe dîn herze triwen pfliget.« dô disiu rede was getân, dône mohte mîn hêr Gawan vor unkraft niht langer stên. er begunde sweibelnde gên, wan im sîn houbet erschellet was; si sâzen nider ûf daz gras. Artuses junchêrrelîn spranc einez an den rücke sîn. dô bant im daz süeze kint den helm abe unde swanc den wint mit einem huote pfæwîn wîz under sîn ougen. dirre kinde vlîz lêrte Gawan niwe kraft. von bêden hêrren geselleschaft mit storîen kômen hie unde dort, ietweders her an sînen ort, dâ ir zil wâren gestôzen mit gespalten ronen grôzen. Gramoflanz die koste gap durch sînes kampfes urhap. der boum hundert wâren mit spæhen varwen clâren. dâne solde niemen zwischen komen. die stuonden, sus hân ichz vernomen, vierzic poinder von ein ander mit liehten blicken glander, vünfzic ietweder sît. dâ enzwischen solde ergên der strît.

*T dû hâst dir selber an gesiget, ob dîn herze triuwen pfliget.« Dô disiu rede was getân, dô enmohte mîn hêr Gawan vor unkraft niht langer stân. er begunde swindelnde gân, wan im daz houbet erschellet was; si sâzen nider ûf daz gras. Artuses junchêrrelîn spranc einez an den rücke sîn. dô bant im daz süeze kint den helm abe und swanc den wint under sîne ougen mit eime huote tougen. der selbe was pfæwîn wîz. dirre junchêrrelîn vlîz lêrte Gawanen niuwe kraft. ûz beiden hern geselleschaft mit sturme kômen hie und dort, ietweder her an sînen ort, dâ ir zil wâren gestôzen mit gespiegelten ronen grôzen. Gramoflanz die kost gap durch sînes kampfes urhap. der boume hundert wâren mit liehten blicken clâren. dâ ensolte nieman zwischen komen. die stuonden, sus hân ich ez vernomen, vierzic poynder von ein ander mit liehtem blicke glander, vünfzic ietweder sît. dâ enzwischen solte ergân der strît.