*D die welt ir im verkrenken. wie megt ir des erdenken, daz ir gein sîner swester sun solch ungenâde wellet tuon? het iu der werde Gawan grœzer herzeleit getân, er möhte der tavelrunder doch geniezen sunder, wand in geselleschefte wernt alle, die drüber pflihte gernt.« Der künec sprach: »den gelobten strît mîn unverzagtiu hant sô gît, daz ich Gawanen bî disem tage gein prîse oder in laster sage. Ich hân mit wârheit vernomen, Artus sî mit storîe komen unt des wîp, diu künegîn; diu sol willekomen sîn. ob diu arge herzoginne im gein mir ræt unminne, ir kint, daz sult ir understên. dâne mac niht anders an ergên, wan daz ich den kampf leisten wil. ich hân rîter wol sô vil, daz ich gewalt entsitze niht. swaz mir von einer hant geschiht, die nôt wil ich lîden. solt ich nû vermîden, des ich mich vermezzen hân, sô wolt ich dienst nâch minnen lân.

*m die wolt ir im versenken. wie möht ir daz erdenken, daz ir gegen sîner swester sun solich ungenâde wellet tuon? het iu der werde Gawan grœzer herzeleit getân, er möhte der tavelrunder doch geniezen sunder, wan in geselleschaft werent alle, die dâr über pflihte gerent.« Der künic sprach: »den gelobten strît mîn unverzagtiu hant sô gît, daz ich Gawanen bî disem tage gegen prîse oder in laster sage. ich hab ouch mære vernomen, Artus sî mit storîe komen und sîn wîp, diu künigîn; diu sol uns willekom sîn. ob diu arge herzoginne im gegen mir râtet unminne, ir kint, daz solt ir understân. dâ mac niht anders an ergân, wan ich den kampf leisten wil. ich hân hie ritter alsô vil, daz ich gewalt entsitze niht. waz mir von einer hant geschiht, die nôt wil ich lîden. solt ich nû vermîden, des ich mich vermezzen hân, sô wolt ich dienst nâch minne lân.

*G Wie welt ir im verkrenken, wie muget ir des gedenken, daz ir gein sîner swester sun solhe ungevuoge welt tuon? hiet iu der werde Gawan noch grœzer herzeleit getân, er möhte der tavelrunder ie doch geniezen sunder, sît in geselleschefte wernt alle, die drüber pflihte gernt.« der künic sprach: »den gelobten strît mîn unverzagetiu hant sô gît, daz ich Gawan bî disem tage in brîs oder in laster sage. ich hân mit wârheit vernomen, der künic sî mit storîe komen unde sîn wîp, diu künigîn; diu sol hie willekomen sîn. op diu arge herzoginne im gein mir râte unminne, ir kint, daz solt ir understên. hiene mac niht anders an ergên, wan daz ich den kampf leisten wil. ich hân doch rîter wol sô vil, daz ich gewalt entsitze niht. swaz mir von einer hant geschiht, die nôt wil ich lîden. solde ich nû vermîden, des ich mich vermezzen hân, sô wolde ich dienst nâch minne lân.

*T die welt ir ime verkrenken. wie moget ir des gedenken, daz ir gein sîner swester sun soliche ungevuoge wolt tuon? het iu der werde Gawan noch grœzer herzeleit getân, er möhte der tavelrunder ie doch geniezen sunder, wan in geselleschefte wernt alle, die dâr über pflihte gernt.« der künec sprach: »den gelobeten strît mîn unverzagetiu hant sô gît, daz ich Gawanen bî disem tage gein prîse oder gein laster sage. ich hân mit wârheit vernomen, der künec sî mit sturme komen und des wîp, diu künegîn; diu sol hie willekomen sîn. ob diu arge herzoginne gein mir râte unminne, ir kint, daz solt ir understân. hie enmac niht anders ane ergân, wan daz ich den kampf leisten wil. ich hân doch rîter wol sô vil, daz ich gewalt entsitze niht. waz mir von einer hant geschiht, die nôt wil ich lîden. solt ich nû vermîden, des ich mich vermezzen hân, sô wolt ich dienst nâch minne lân.