*D gedenke an die sippe dîn. durch rehte liebe warte mîn.« Dô sprach der künec von Zazamanc: »dûne darft mir wizzen keinen danc, swaz dir mîn dienest hie ze êren tuot. wir sulen haben einen muot. stêt dîn strûz noch sunder nest, dû solt dîn sarapandratest gein sînem halben grîfen tragen. mîn anker vaste wirt geslagen durch lenden in sînes poinders hurt. er muose selbe suochen vurt hinderm orse ûfme griez. der uns zein ander liez, ich valte in oder er valte mich. des wer ich an den triwen dich.« Kaylet ze herbergen reit mit grôzen vreuden sunder leit. Sich huob ein krîieren vor zwein helden fieren. von Poytouwe Schiolarz unt Gurnemanz der Graharz, die tjustierten ûf dem plân. sich huop diu vesperîe sân. hie riten sehse, dort wol drî. den vuor vil lîhte ein tropel bî. si begunden rehte rîters tât. des enwas êt dechein rât. Ez was dennoch wol mitter tac. der hêrre under sîme gezelte lac.

*m gedenke an die sippe dîn. durch rehte liebe warte mîn.« Dô sprach der künic von Zazamanc: »dû solt mirs wizzen keinen danc, waz dir mîn dienst hie zuo êren tuot. wir sullen haben einen muot. stât dîn strûz noch sunder †nehst†, dû solt dîn sarapandratest gegen sînem halben grîfen tragen. mîn anker vaste wirt geslagen durch lenden in sînes ponders hurt. er in selber suochen vurt hinder dem ros ûf dem grieze. der uns zuo ein ander lieze, ich valte in oder er valte mich. des wer ich an den triuwen dich.« Kailet ze herberge reit mit grôzen vröuden sunder leit. sich huop ein krîgieren von zwein helden fieren. von Poitouw Schiolarz und Gurnemanz de Graharz, die justierten ûf dem plân. sich huop diu vesperîe sân. hie riten sehs, dort wol drî. den vuor vil lîhte ein tropel bî. si begunden reht ritters tât. des was dô kein ander rât. ez was dannoch wol mitter tac. der hêrre in sînem zelte lac.

*G gedenke an die sippe dîn. durch rehte liebe warte mîn.« dô sprach der künic von Zazamanc: »dû solt mir wizzen deheinen danc, swaz dir mîn dienst zêren tuot. wir sulen haben einen muot. stêt dîn strûz noch sunder nest, dû solt dîn serapandratest gein sînem halben grîfen tragen. mîn anker vaste wirt geslagen durch lenden in sînes ponders hurt. er muose selbe suochen vurt hinderm orse ûf dem grieze. der uns zesamene lieze, ich valt in oder er valte mich. des wer ich an den triwen dich.« Kailet ze herbergen reit mit grôzen vröuden sunder leit. sich huop ein kroyieren von zwein helden fieren. von Potytouwe Tschierarz unde Gurnomanz von Graharz, die tjostierten ûf dem plân. sich huop diu vesperîe sân. Hie riten sehse, dort wol drî. den vuor vil lîhte ein tropel bî. si begunden rehte rîters tât. des was êt dô dehein ander rât. ez was dannoch wol mitter tac. der hêrre in sînem gezelte lac.

*T gedenke an die sippe dîn. durch rehte liebe warte mîn.« Dô sprach der künec von Zazamanc: »dû darft mirs sagen kleinen danc, waz dir mîn dienst zêren tuot. wir soln haben einen muot. stêt dîn strûz noch sunder nest, dû solt dînen sarapandertest gein sîme halben grîfe tragen. mîn anker vaste wirt geslagen durch lenden in sînes poynders hurt. er muoze selbe suochen vurt hinderm orse, ûf ein grieze. der uns zuosamene lieze, ich valte in oder er valte mich. des wer ich an den triuwen dich.« Kaylet zuo der herbergen reit mit grôzen vreuden sunder leit. sich huop ein crieren von zwein helden fieren. von Poitowe Schiolarz und Gurnemanz de Graharz, die jostierten ûf dem plân. sich huop diu vesperîe sân. hie riten sehse, dort wol drî. den reit vil lîhte ein troppel bî. si begiengen rehte ritters tât. des was dô kein ander rât. Diz was dannoch wol mitter tac. der hêrre in sîme gezelte lac.