*D kein unbilde dran geschach, swâ man in bî sælden sach. wie der von Norwæge sînes volkes pflæge, der rîter unt der vrouwen? dâ mohten rîcheit schouwen Artus unt sîn gesinde von des werden Lotes kinde. Si sulen ouch slâfen, dô man geaz; ir ruowens hân ich selten haz. smorgens kom vor tage geriten volc mit werlîchen siten, der herzoginne rîter gar. man nam ir zimierde war al bî des mânen schîne, dâ Artus unt die sîne lâgen; durch die zogten sie unz anderhalp, dâ Gawan hie lac mit wîtem ringe. swer solhe helfe ertwinge mit sîner ellenthafter hant, den mac man hân vür prîs erkant. Gawan sînen marschalc bat in zeigen herberge stat. als der herzoginne marschalc riet, von Logroys diu werde diet manegen rinc wol sunder zierten. ê si geloschierten, ez was wol mitter morgen. hie næhet ez niwen sorgen.

*m kein unbilde dâr an beschach, wâ man in bî sælden sach. wie der von Norwæge sînes volkes pflæge, der ritter und der vrouwen? dâ mohte man rîcheit schouwen, Artus und sîn gesinde, von des werden Lotes kinde. si soln ouch slâfen, dô man geaz; ir ruowens hân ich selten haz. morgens kam vor tage geriten volc mit werlîchem siten, der herzogîn ritter gar. man nam ir zimierde war al bî des mânen schîn, dâ Artus und die sîn lâgen; durch die zogten sie unz anderhalp, dâ Gawan hie lac mit wîtem ringe. wer solhe helf ertwinge mit sîner ellenthaften hant, den mac man hân vür prîs erkant. Gawan sînen marschalc bat im zeigen herberge stat. als der herzogîn marschalc riet, von Logrois die werden diet manigen rinc wol sunder zierten. ê si geloschierten, ez was wol mittemorgen. hie nâhet ez niuwen sorgen.

*G Nehein unbilde dran geschach, swâ man in bî sælden sach. wie der von Norwæge sînes volkes pflæge, der rîter unde der vrouwen? dâ mohte rîcheit schouwen Artus unde sîn gesinde von des werden Lotes kinde. si sulen ouch slâfen, dô man geaz; ir ruowens hân ich selten haz. des morgens kom vor tage geriten volc mit werlîchen siten, der herzoginne rîter gar. man nam ir ze unwirde war al bî dem mânschîne, dâ Artus unde die sîne lâgen; durch die zogeten sie anderhalb, dâ Gawan hie lac mit wîtem ringe. swer solhe helfe ertwinge mit sîner ellenthaften hant, den mac man hân vür brîs erkant. Gawan sînen marschalc bat in zeigen herberge stat. als der herzoginne marschalc riet, von Logroys diu werde diet manigen †† wol sunder zierten, ê si geloschierten, ez was wol mitter morgen. nû nâhet ez niwen sorgen.

*T kein unbilde dran geschach, wâ man in bî sælden sach. wie der von Norwæge sînes volkes pflæge, der ritter und der vrouwen? dâ mohte rîcheit schouwen Artus und sîn gesinde von des werden Lotes kinde. si sollen ouch slâfen, dô man geaz; ir ruowens hân ich selten haz. des morgens kam vor tac geriten volc mit werlîchen siten, der herzogîn ritter gar. man nam ir zimierde war al bî dem mânschîne, dâ Artus und die sîne lâgen; durch die zogten sie anderhalp, dâ Gawan hie lac mit wîtem ringe. wer solhe helfe ertwinge mit sîner ellenthafter hant, den mac man hân vür prîs erkant. Gawan sînen marschalc bat in zeigen herberge stat. als der herzoginne marschalc riet, von Logrois diu werde diet manegen rinc wol sunder zierten. ê si geloschierten, ez was wol mitter morgen. hie nâhet ez niuwen sorgen.