*D Von hûs sich rottierte; sîne reise er alsus zierte, dâ von möhte ich iu wunder sagen. manec soumære muose tragen kappeln unt kamergewant. manec soum mit harnasche erkant giengen ouch dâr unden, helme oben drûf gebunden bî manegem schilde wolgetân. manec schœne kastelân man bî den soumen ziehen sach. rîter unt vrouwen hinden nâch riten an ein ander vaste. daz gezoc wol eine raste an der lenge was gemezzen. dône wart dâ niht vergezzen, Gawan einen rîter wol gevar immer schuof zeiner vrouwen clâr. daz wæren kranke sinne, ob die spræchen iht von minne. Der Turkote Florant zeime gesellen wart erkant Sangive von Norwæge. Lischoys, der gar untræge, reit bî der süezen Cundrie. sîn swester Itonje bî Gawane solde rîten. an den selben zîten Arnive unt diu herzogîn ouch gesellen wolden sîn.

*m von hûs sich rottierte; sîn reise er sus zierte, dâ von möht ich iu wunder sagen. manic soumer muoste tragen kappeln und krâmgewant. manic soum mit harnasch erkant giengen ouch dâr unden, helm oben dâr ûf gebunden bî manigem schilt wol getân. manic schœne kastelân man bî den soumen ziehen sach. ritter und vrowen nâch riten ane ein ander vaste. daz gezoc wol ein raste an der lenge wart gemezzen. dô enwart niht vergezzen, Gawan einen ritter wol gevar iemer schuof zuo einer vrowen clâr. daz wæren kranke sinne, spræchen die niht von minne. der Turkoite Florant zuo einem gesellen wart erkant Sangiven von Norwæge. Lischois, der untræge, reit bî der süezen Condrie. sîn swester Ithonie bî Gawane solte rîten. an den selben zîten Arnive und diu herzogîn ouch gesellen wolten sîn.

*G Von hûse sich rotierte; sîne reise er alsô vierte, dâ von ich wunder möhte sagen. manic soumære muose tragen kappeln unde kamergewant. manic soum mit harnasche erkant giengen ouch dâr unden, helm oben drûf gebunden bî manigem schilte wolgetân. manic schœne kastelân man bî dem soume ziehen sach. rîter unde vrouwen nâch riten an ein ander vaste. daz gezoc wol eine raste an der lenge wart gemezzen. dône wart niht vergezzen, Gawan einen rîter dar imer schuof zuo einer vrouwen clâr. daz wæren kranke sinne, op die niht spræchen von minne. der Turkoite Florant zeinem gesellen wart erkant Sagiven von Norwæge. Lishois, der gar untræge, reit bî der süezen Gundrie. sîn swester Itonie bî Gawane solde rîten. an den selben zîten Arnive unde diu herzogîn ouch dâ gesellen wolden sîn.

*T von hûse sich rottierte, sîne reise alsô vierte, dâ von ich wunder möhte sagen. manic soumer muoste tragen kappel und kamergewant. manic soum mit harnasch erkant giengen ouch dâr unden, helm oben drûf gebunden bî manegem schilde wol getân. manic schœne kastelân man bî den soumen ziehen sach. ritter und vrouwen hinden nâch riten an ein ander vaste. daz gezoc wol ein raste an der lenge was gemezzen. dône was niht vergezzen, Gawan einen ritter wol gevar immer schuof zuo einer vrouwen clâr. daz wæren kranke sinne, ob die spræchen iht von minne. der Turkoyte Florant zuo einem gesellen wart erkant Seyven von Norwæge. Lyschoys, der gar untræge, reit bî der süezen Kundrie. sîn swester Itonie bî Gawan solte rîten. an den selben zîten Arnyve und diu herzogîn ouch dâ gesellen wolten sîn.