*D Daz lobten si al gelîche. die herzoginne rîche si vrâgten, ob daz her wære ir. diu sprach: »ir sult gelouben mir, ich erkenne dâ weder schilt noch man. der mir ê schaden hât getân, der ist lîhte in mîn lant geriten unt hât vor Logroys gestriten. ich wæne, die vant er doch ze wer. si heten strît wol disem her an zingeln unt an barbigân. hât dâ rîterschaft getân der zornige künec Gramoflanz, sô suochter gelt vür sînen kranz; oder swer si sint, die muosen sper ûf geriht sehen durch tjoste ger.« Ir munt in louc dâ wênec an. Artus schaden vil gewan, ê daz er kœme vür Logroys. des wart etslîch Bertenoys ze rehter tjost ab gevalt. Artuses her ouch wider galt market, den man in dâ bôt. si kômens ze bêder sît in nôt. Man sach die strîtmüeden komen, von den sô dicke ist vernomen, daz si ir kotzen gerne werten; si wâren gegen strîte die herten. Beidenthalp ez mit schaden stêt. Garel unt Gaherjet

*m daz lobtens algelîche. die herzogîn rîche si vrâgten, ob daz her wær ir. si sprach: »ir solt gelouben mir, ich erkenne dâ schilt noch man. der mir ie hât schaden getân, der ist lîht in mîn lant geriten und het vor Logrois gestriten. ich wæne, die vant er doch zuo wer. si heten strît wol disem her an zingeln und an barbigân. het dâ ritterschaft getân der zornige künic Gramolanz, sô suochter gelt vür sînen kranz; oder wer si sint, si muosen sper ûf gerihtet sehen durch juste ger.« ir munt in †lanc† dâ wênic an. Artus schaden vil gewan, ê daz er kæme vür Logrois. des wart etlîch Britunois zuo rehter juste ab gevalt. Artuses her ouch wider galt market, den man in dâ bôt. si kômen zuo beider sît in nôt. man sach die strîtmüede komen, von den sô dicke ist vernomen, daz si ir †küssen† gerne werten; si wâren gegen strîte die herten. beidenthalp ez mit schaden stêt. Garel und Gaheriet

*G Daz lobten si algelîche. die herzoginne rîche si vrâgten, obe daz her wære ir. si sprach: »ir sult glouben mir, ich erkenne dâ weder schilt noch man. der mir ê schaden hât getân, derst lîhte in mîn lant geriten unde hât vor Logroys gestriten. ich wæne, die vant er doch ze wer. si heten strît wol disem her ane zingel unde ane barbigân. hât dâ rîterschaft getân der zornige künic Gramoflanz, sô suochte er gelt vür sînen kranz; oder swer si sint, si muosen sper ûf gerihtiu sehen durch strîtes ger.« ir munt in louc dâ wênic an. Artus schaden vil gewan, ê daz er kœme vür Logroys. des wart etslîch Britanoys ze rehter tjost abe gevalt. Artuses her in wider galt market, den man in dâ bôt. si kômen ze bêder sîte in nôt. man sach die strîtmüeden komen, dâ von vil dicke ist vernomen, daz si ir kotzen gerne werten; si wâren gein strîte die herten. bêdenthalb ez mit schaden stêt. Garel unde Gaharet

*T daz lobten si alle glîche. die herzogîn rîche si vrâgten, ob daz her wære ir. diu sprach: »ir solt glouben mir, ich erkenne dâ weder schilt noch man. der mir ê schaden hât getân, der ist lîht in mîn lant geriten und hât vor Logrois gestriten. ich wæne, die vant er doch zuo wer. si heten strît wol disem her ane zingeln und ane barbigân. hât dâ ritterschaft getân der zornige künic Gramoflanz, sô suocht er gelt vür sînen kranz; oder wer si sint, die muosen sper ûf gerihtiu sehen durch tjost ger.« ir munt dô louc in wênic an. Artus schaden vil gewan, ê daz er kæm vür Logrois. des wart etslîch Britunois zuo rehter tjost abe gevalt. Artuses her in wider galt market, den man in dâ bôt. si kômen zuo bêder sîten in nôt. man sach die strîte müede komen, dâ von vil dicke ist vernomen, daz si ir kotzen gern werten; si wâren gên strîte die herten. bêdenthalp ez mit schaden stêt. Garel und Gaheriet