*D ein mære in stichet als ein dorn, daz er sîn wîp hât verlorn, diu Artuses muoter was. ein pfaffe, der wol zouber las, mit dem diu vrouwe ist hin gewant, dem ist Artus nâch gerant. ez ist nû ime dritten jâr, daz er sun unt wîp verlôs vür wâr. hie ist ouch sîner tohter man, der wol mit rîterschefte kan, Lot von Norwæge, gein valscheit der træge unt der snelle gein dem prîse, der küene degen wîse. hie ist ouch Gawan, des sun, sô kranc, daz er niht mac getuon rîterschaft enkeine. er was bî mir, der kleine. er sprichet, möht er einen schaft gebrechen, trôste in des sîn kraft, er tæte gerne rîters tât. wie vruo sîn ger begunnen hât! Hie hât der künec von Patrigalt von spern einen ganzen walt. des vuore ist dâ engein gar ein wint, wan die von Portegal hie sint, die heizen wir die vrechen. si wellent durch schilde stechen. Hie hânt die Provenzale schilde wol gemâle.

*m ein mære in stichet als ein dorn, daz er sîn wîp hât verlorn, diu Artuses muoter was. ein pfaffe, der wol zouber las, mit dem diu vrowe ist hin gewant, dem ist Artus nâch gerant. ez ist nû im dritten jâr, daz er sun und wîp verlôs vür wâr. hie ist ouch sîner tohter man, der wol mit ritterschafte kan, Lot von Norwæge, gegen valscheit der træge und der snelle gegen dem prîse, der küene degen wîse. hie ist ouch Gawan, des sun, sô kranc, daz er niht mac getuon ritterschaft dekeine. er was bî mir, der kleine, und sprichet, möht er einen schaft gebrechen, trôst in des sîn kraft, er tæte gerne ritters tât. wie vruo es sîn ger begunnen hât! hie hât der künic von Patrigalt von speren einen ganzen walt. des vuore ist dâ wider gar ein wint, wan die von Portigal hie sint, die heizen wir die vrechen. si wellent durch schilte stechen. hie hânt die Provenzale schilte wol gemâle.

*G ein mære in stichet als ein dorn, daz er sîn wîp hât verlorn, diu Artuses muoter was. ein pfaffe, der wol zouber las, Mit dem diu vrouwe ist hin gewant, dem ist Artus nâch gerant. ez ist nû daz drite jâr, daz er sun und wîp verlôs vür wâr. hie ist ouch sîner tohter man, der wol mit rîterschefte kan, Lot von Norwæge, gein valscheit der træge unde der snelle gein dem brîse, der stolze degen wîse. hie ist ouch Gawan, des sun, sô kranc, daz er niht mac getuon rîterschaft deheine. er was bî mir, der kleine, unde giht, möhter einen schaft zerbrechen, trôst in des sîn kraft, er worhte gerne rîters tât. wie vruo es sîn ger begunnen hât! hie habent die von Patrigalt von speren einen ganzen walt. der vuore ist wider die ein wint. die von Portigal hie sint, die heizen wir die vrechen. die wellent durch schilde stechen. hie habent die Provenzale schilde wol gemâle.

*T eine mære in stichet als ein dorn, daz er sîn wîp hatte verlorn, diu Artuses muoter was. ein pfaffe, der von zouber las, mit dem diu vrouwe ist hin gewant, dem ist Artus nâch gerant. daz ist nû in dem driten jâre, daz er sun und wîp verlôs zwâre. hie ist ouch sîner tohter man, der mit ritterschefte wol kan, Lot von Norwæge, gein valscheit der træge. hie ist ouch Gawan, des sun, sô kranc, daz er niht mac getuon ritterschaft dekeine. er was bî mir, der kleine. er giht, und möhter einen schaft zerbrechen, trôstin des sîn kraft, er wolde gerne ritters tât. wie vrô sîn ger begunnen hât! hie hât der künec von Patrigalt von spern einen ganzen walt. des vuore ist gein den ein wint. die von Portegal hie sint, die heizen wir die vrechen. si wellent durch schilt stechen.