*D Diu würze was bî dem blanken brûn. muoterhalp der Bertun, Gawan, fillu roy Lot, süezer senfte vür sûre nôt er mit werder helfe pflac helfeclîche unz an den tac. Sîn helfe was doch sô gedigen, deiz al daz volc was verswigen. sît nam er mit vreuden war al der rîter unt der vrouwen gar, sô daz ir trûren vil nâch verdarp. Nû hœret ouch, wie der knappe warp, den Gawan hete gesant hin ze Lœver in daz lant, ze Bems bî der Korca. der künec Artus was al dâ unt des wîp, diu künegîn, unt maneger vrouwen liehter schîn unt der messenîe ein vluot. nû hœret ouch, wie der knappe tuot: Diz was eines morgens vruo, sîner botschefte greif er zuo. diu künegîn zer kappeln was, an ir venje si den salter las. der knappe vür si kniete, er bôt ir vreuden miete. einen brief si nam ûz sîner hant, dâr an si geschriben vant schrift, die si bekante, ê sînen hêrren nante

*m diu würze was bî dem blanken brûn. muoterhalp der Britun, Gawan, fili roi Lot, süezer senfte vür sûre nôt er mit werder helfe pflac helflîch unz an den tac. sîn helfe was doch sô gedigen, daz allem volc was verswigen. sît nam er mit vröuden war der ritter und der vrowen gar. sô süezeclîch er mit in warp, daz gar ir trûren dô verdarp. Nû lâzen wir diz mære hie und kêren wider, dâ ich ez lie, ich mein, dô Gawan hete gesant den boten zuo Lover in daz lant. vernemet, waz er würbe dâ. zuo Bems bî der Korca was Artus und diu künigîn und maniger liehter vrouwen schîn, der werden massenîe ein vluot. nû hœret, wie der knappe tuot: diz was eines morgens vruo, sîner botschaft greif er zuo. dô er zuor künigîn komen was, in der kappel si ir salter las. der knappe vür si kniete und bôt ir vreude miete. einen brief gap er ir in die hant, dâr an si geschriben vant geschrift, die si bekande, ê sînen hêrren nande

*G Diu würze was bî dem blanken brûn. muoterhalp der Britun, Gawan, fili roys Lot, süezer senfte vür sûre nôt er mit werder vröude pflac helflîch unze an den tac. sîn helfe was alsô gedigen, daz al daz volc wart gar verswigen. sît nam er mit vröuden war al der vrouwen unde der rîter schar, sô daz ir trûren vil nâch verdarp. nû hœrt ouch, wie der knappe warp, den Gawan hete gesant hin ze Lover inz lant, ze Sabins bî der Chronica. der künic Artus was al dâ unde des wîp, diu künegîn, unde maniger liehten vrouwen schîn unde ouch der massenîe ein vluot. nû hœret ouch, wie der knappe tuot: ditz was eines morgens vruo, sîner botschefte greif er zuo. diu künegîn ze der kappeln was, an ir venje si den salter las. der knappe vür si kniete, er bôt ir vrömede miete. einen brief si nam ûz sîner hant, dâr an si geschriben vant schrift, die si bekande, ê si sîn herze nande,

*T diu würze was bî dem blanken brûn. muoterhalp der Britun, Gawan, fil rois Lot, süezer senfte vür sûre nôt er mit werder helfe pflac helflîch unz an den tac. sîn helfe was doch sô gedigen, daz allez daz volc was gar verswigen. sît nam er mit vreuden war al der ritter und der vrouwen gar, sô daz ir trûren vil nâch verdarp. nû hœret ouch, wie der knabe warp, den Gawan het gesant hin zuo Lover in daz lant, zuo Benis bî der Koicha. der künec Artus was aldâ und sîn wîp, diu künigîn, und maneger liehten vrouwen schîn und der werden massenîen ein vluot. nû hœret ouch, wie der knabe tuot: diz was eines morgens vruo, sîner botschefte greif er zuo. diu künigîn zuor kappeln was, an ir venje si den salter las. der knabe vür si kniete, er bôt ir vreude miete. einen brief si entpfienc ûz sîner hant, dâr an si geschriben vant schrift, die si bekante, ê er sînen hêrren nante,