*D Sît daz lît sô helfelôs, den ich nâch Cidegaste erkôs zergetzen unt durch rechen. hêrre, nû hœret sprechen, wâ mit erwarp Clinschor den rîchen krâm vor iwerm tor. Dô der clâre Anfortas minne und vreude erwendet was, der mir die gâbe sande, dô vorht ich die schande. Clinschore ist stæteclîchen bî der list von nigromanzî, daz er mit zouber twingen kan beidiu wîb und man. swaz er werder diet gesiht, diene læt er âne kumber niht. durch vride ich Clinschore dar gap mînen krâm nâch rîcheite var. swenne diu âventiure würde erliten, swer den prîs het erstriten, an den solt ich minne suochen. wolt er mîn niht geruochen, der krâm wære an der stunde mîn. der sol sus unser zweier sîn. des swuoren, die dâ wâren. dâ mite ich wolde vâren Gramoflanzes durch den list, der leider noch ungeendet ist. het er die âventiure geholt, sô müeser sterben hân gedolt.

*m sît daz er lît sô helfelôs, den ich nâch Zidegast erkôs zergetzen und durch rechen. hêrre, nû hœret sprechen, wâ mit erwarp Clinsor den rîchen krâm vor iuwerm tor. dô der clâre Anfortas minne und vröude erwendet was, der mir den die gâbe sande, dô vorht ich die schande. Clinsor ist stæteclîchen bî der list von nigromanzî, daz er mit zouber twingen kan beidiu wîp und man. waz er werder diet gesiht, die lât er âne kumber niht. durch vride ich Clinsor dar gap mînen krâm nâch rîcheit var. wen diu âventiur würde erliten, wer den prîs het erstriten, an den solt ich minne suochen. wolt er mîn niht geruochen, der krâm wær an der stunde mîn. der sol sus unser zweier sîn. des swuoren, die dâ wâren. dâ mit ich wolte vâren Gramolanzes durch den list, der leider noch unverendet ist. het er die âventiur geholt, sô müest er sterben hân gedolt.

*G sît daz er lît sô helfelôs, den ich nâch Zidegaste erkôs zergetzen unde durch rechen. hêrre, nû hœret sprechen, wâ mit erwarp Clinsor den rîchen krâm vor iuwerm tor. dô der clâre Anfortas minne unde vröude erwendet was, der mir die gâbe sande, dô vorht ich die schande. Clinsor ist stæteclîch bî der list von nigromanzî, daz er mit zouber dwingen kan beidiu wîp unde man. swaz er werdecheit gesiht, diene lât er âne kumber niht. durch vride ich Clinsor dar gap mînen kranz. nâch rîcheit würde ganz, swenne diu âventiure würde erliten, swer den prîs het erstriten, an den solt ich helfe suochen. wolde er mîn niht geruochen, der kranz wære an der stunde mîn. der sol sus unser zweier sîn. des swuoren, die dâ wâren. dâ mit ich wolde vâren Gramoflanzes durch den list, der leider noch ungeendet ist. het er die âventiure geholt, sô müese er sterben hân gedolt.

*T Sît daz er liget sô helfelôs, den ich nâch Cydegaste kôs zuo ergetzene und durch rechen. hêrre, nû hœret sprechen, wâ mit erwarp Clynsor den rîchen krâm vor iuwerm tor. dô der clâre Anfortas minne und vreude erwendet was, der mir die gâbe sande, dô vorht ich die schande. Clynsor ist stæteclîchen bî der list von nigromanzî, daz er mit zouber twingen kan beidiu wîp und man. waz im wirdecheit geschiht, die enlât er âne kumber niht. durch vride ich Clynsor dar gap mînen krâm nâch rîcheit var. wan diu âventiure würde erliten, wer den prîs hete erstriten, an den solt ich minne suochen. wolt er mîn niht geruochen, der krâm wære an der stunt mîn. der sol sus unser zweier sîn. des swuoren, die dâ wâren. dâ mit ich wolte vâren Gramoflanzes durch den list, der leider noch ungeendet ist. het er die âventiure geholt, sô müest er sterben hân gedolt.