*D Mîn clâre, süeze bêâs âmîs, sô durchliuhtic was sîn prîs mit rehter werdecheite ger, ez wære dirre oder der, die muoter ie gebâren bî sîner zîte jâren, die muosen im jehen werdecheit, die ander prîs nie überstreit. Er was ein quecbrunne der tugent, mit alsô berhafter jugent bewart vor valscher pflihte. ûz der vinster gein dem liehte het er sich enblecket, sînen prîs sô hôch gestecket, daz in niemen kunde erreichen, den valscheit mohte erweichen. sîn prîs hôch wahsen kunde, daz die andern wâren drunde, ûz sînes herzen kernen, wie loufet ob al den sternen der snelle Saturnus. der triwe ein monîzirus, sît ich die wârheit sprechen kan, sus was mîn erwünschet man. daz tier die meide solten klagen, ez wirt durch reinecheit erslagen. ich was sîn herze, er was mîn lîp; den vlôs ich vlustbærez wîp. in sluoc der künec Gramoflanz, von dem ir vüeret disen kranz.

*m mîn clâre, süeze bêâs âmîs, sô durchliuhtic was sîn prîs mit rehter wirdicheit ger, ez wære diser oder der, die muoter ie gebâren bî sîner zîte jâren, die muosten im jehen wirdecheit, die ander strît nie überstreit. er was ein quecbrunne der tugent, mit alsô berhafter jugent bewart vor valscher pfliht. ûz der vinster gegen dem lieht het er sich enblecket, sînen prîs sô hôch gestecket, daz in niemen mohte erreichen, den valscheit kunde erweichen. sîn prîs hôch wahsen kunde, daz die anderen wâren drunde, ûz sînes herzen kernen, wie loufet ob allen sternen der sterne Saturnus. der triuwe ein monîzirus, sît ich die wârheit spehen kan, sus was mîn erwünschet man. daz tier die megde solten klagen, ez wirt durch reinikeit erslagen. ich was sîn herz, er was mîn lîp; den verlôs ich verlustbærez wîp. in sluoc der künic Gramolanz, von dem ir vüeret disen kranz.

*G ein clâr, süeze bêâs âmîs. sô durchliuhtic was sîn prîs mit rehter werdicheite ger, ez wære dirre oder der, die muoter ie gebâren bî sîner zîte jâren, die muosen im jehen der werdecheit, die ander prîs nie überstreit. er was ein quecbrunne der tugent, mit alsô berhafter jugent gar bewart vor valscher phliht. ouz der vinster an daz lieht het er sich erblecket, sînen prîs sô hôhe gestecket, daz in niemen kunde erreichen. Amor was sîn herzeichen. sîn prîs sô hôhe wahsen kunde, daz die andern wâren drunde, ûz sînes herzen kernen, wie loufet ob allen sternen der snelle Saturnus. der triuwen ein monîzirus, sît ich die wârheit sprechen kan, sus was mîn erwünscheter man. daz tier die meide solden klagen, ez wirt durch reinekeit erslagen. ich was sîn herze, er was mîn lîp; den vlôs ich vlustebærez wîp. in sluoc der künic Gramoflanz, von dem ir vüeret disen kranz.

*T Mîn clâre, süeze bêâs âmîs, sô durchliuhteclîch was sîn prîs mit rehter werdecheit ger, ez wære dirre oder der, die muoter ie gebâren bî sîner zîte jâren, die muosen im jehen werdecheit, die ander prîs nie überstreit. er was ein quecbrunne der tugent, mit alsô berhafter jugent bewart vor valscher pfliht. ûz der vinster in daz lieht het er sich enblecket, sînen prîs sô hôhe gestecket, daz in nieman kunde erreichen, den valscheit nie mohte erweichen. sîn prîs sô hôhe wahsen kunde, daz die andern wâren drunde, ûz sînes herzen kernen, wie loufet ob allen sternen der snelle Saturnus. der triuwen ein monîzirus, sît ich die wârheit sprechen kan, sus was mîn erwünschet man. daz tier die megede solten klagen, ez wirt durch reinekeit erslagen. ich was sîn herze, er was mîn lîp; den verlôs ich verlustbærlîchez wîp. in sluoc der künec Gramoflanz, von dem ir vüeret disen kranz.