*D Dô sprach er: »vrouwe, ist daz wâr, daz ir mich grüezet âne vâr, sô næhert ir dem prîse. ich bin doch wol sô wîse: ob der schilt sîn reht sol hân, an dem hât ir missetân. Des schildes ambet ist sô hôch, daz der von spotte ie sich gezôch, swer rîterschaft ze rehte pflac. vrouwe, ob ich sô sprechen mac, swer mich dâr bî hât gesehen, der muoz mir rîterschefte jehen. etswenne irs anders jâhet, sît ir mich êrst sâhet. Daz lâz ich sîn. nemt hin den kranz. ir sult durch iwer varwe glanz neheime rîter mêre erbieten solh unêre. solt iwer spot wesen mîn, ich wolt ê âne minne sîn.« Diu clâre unt diu rîche sprach weinende herzenlîche: »hêrre, als ich iu nôt gesage, waz ich der ime herzen trage, sô gebt ir jâmers mir gewin. gein swem sich krenket mîn sin, der solz durch zuht verkiesen. ine mac niemêre verliesen vreuden, denne ich hân verlorn an Cidegaste, dem ûzerkorn.

*m dô sprach er: »vrouwe, ist ez wâr, daz ir mich grüezet âne vâr, sô nâhet ir dem prîse. ich bin doch wol sô wîse: ob der schilt sîn reht sol hân, an dem habet ir missetân. des schiltes ambet ist sô hôch, daz er von spotte ie sich gezôch, wer ritterschaft zuo rehte pflac. vrowe, ob ich sô sprechen mac, wer mich dâ bî het gesehen, der muoz mir ritterschaft jehen. etwenne ir anders jâhet, sît ir mich êrste sâhet. daz lâz ich sîn. nemt hin den kranz. ir solt durch iuwer varwe glanz dekeinem ritter mêre erbieten solich unêre. solt iuwer spot wesen mîn, ich wolt ê âne minne sîn.« Diu clâre und diu rîche sprach weinende herzelîche: »hêrre, waz ich iu nôt gesage, waz ich der in mînem herzen trage, sô gebt ir jâmers mir gewin. gegen wem sich krenket mîn sin, der sol ez durch zuht verkiesen. ich mac niemêr verliesen vröude, dan ich hân verlorn an Zidegast, dem ûzerkorn.

*G Dô sprach er: »vrouwe, ist daz wâr, daz ir mich grüezet âne vâr, sô nâhet ir dem prîse. ich bin doch wol sô wîse: ob der schilt sîn reht sol hân, anders habet ir missetân. des schiltes ambet was ie sô hôch, daz der spot sich dâ von zôch, swer rîterschaft ze rehte ie pflac. vrouwe, ob ich sô sprechen mac, swer mich dâr bî hât gesehen, der muoz mir rîterschefte jehen. etswenne irs anders jâhet, sît ir mich von êrste sâhet. daz lâze ich sîn. nemet hin den kranz. irn sult durch iuwer varwe glanz deheinem rîter mêre erbieten solhe unêre. sult iuwer spot wesen mîn, ich wolde ê âne minne sîn.« diu clâre unt diu rîche sprach weinende herzenlîche: »hêrre, als ich nôt geklage, waz ich in mînem herzen trage, sô gebet ir jâmers mir gewin. gein swem sich krenket mîn sin, der sol ez durch zuht verkiesen. ich enmac niht mêre verliesen vröude, dan ich hân verlorn an Zidegast, dem ûzerkorn,

*T Dô sprach er: »vrouwe, ist daz wâr, daz ir mich grüezet âne vâr, sô nâhet ir dem prîse. ich bin doch wol sô wîse: ob der schilt sîn reht sol hân, anders hât ir missetân. des schiltes ambet was ie sô hôch, daz sich der spot dâ von zôch, wer rîterschaft zuo reht ie pflac. vrouwe, ob ich sô sprechen mac, wer mich dâ bî hât gesehen, der muoz mir rîterschefte jehen. etswan ir anders jâhet, sît ir mich êrst sâhet. daz lâz ich sîn. nemt hin den kranz. ir solt durch iuwer varwe glanz dekeinem rîter mêre gebieten solich unêre. sol iuwer spot wesen mîn, ich wolte ê âne minne sîn.« diu clâre und diu rîche sprach weinde herzenlîche: »hêrre, als ich iu nôt gesage, waz ich in mîme herzen trage, sô gebet ir jâmers mir gewin. gein wem sich krenket mîn sin, der sol ez durch zuht verkiesen. ich enmac niht mê verliesen vreuden, dan ich hân verlorn an Cydegasten, dem ûzerkorn.