*D Ein dinc tuot mir an iu wol, daz ich mit iu strîten sol. ouch ist iu hôher prîs geschehen, daz ich iu einem hân verjehen gein iu ze kampfe kumende. ist uns ze prîse vrumende, ob wir werde vrouwen den kampf lâzen schouwen; Vünfzehen hundert bringe ich dar. ir habt ouch eine clâre schar ûf Schastel Marveile. iu bringet ziwerm teile iwer œheim Artus von eime lande, daz alsus, Lœver, ist genennet. habt ir die stat erkennet, Bems bî der Korca? diu messenîe ist elliu dâ. Von hiute übern ahten tac mit grôzer joie er komen mac. von hiute ame sehzendem tage kum ich durch mîn alte klage ûf den plân ze Joflanze nâch gelte disem kranze.« Der künec Gawanen mit im bat ze Rosche Sabbins in die stat: »ir enmugt niht anderer brücken hân.« dô sprach mîn hêr Gawan: »ich wil hin wider alse her; anders leiste ich iwer ger.«

*m ein dinc tuot mir an iu wol, daz ich mit iu strîten sol. ouch ist iu hôher prîs geschehen, daz ich iu einem hân verjehen gegen iu zuo kampf komende und ist zuo prîs vromende, ob wir werde vrouwen den kampf lâzen schouwen; vünfzehen hundert bringe ich dar. ir habt ouch ein clâre schar ûf Schahtel Marveile. si bringt iu zuo iuwerm teile, vrouwen, iuwer œheim Artus von einem lande, daz alsus, Lover, ist genennet. habt ir die stat erkennet, reinez Bems bî der Korca? des massenîe ist alliu dâ. von hiute über aht tage mit grôzer joi †ich ir† komen †mage†. von hiute über ahzehen tage kum ich an mîn alte klage ûf den plân zuo Joflanze nâch gelte disem kranze.« der künic Gawanen bat zuo Rosche Sabins in die stat: »ir moget niht ander brücke hân.« dô sprach mîn hêr Gawan: »ich wil wider hin als her; anders leist ich iuwer ger.«

*G ein dinc tuot mir hart an iu wol, daz ich mit iu strîten sol. ouch ist iu hôher prîs geschehen, daz ich iu einem hân verjehen gein iu ze kampfe komende. uns ist ze prîse vromende, ob wir werde vrouwen den kampf lâzen schouwen; vünf hundert vrouwen bringe ich dar. ir habet ouch eine clâre schar ûf Tschastel Marveile. iu bringet ze iuwerme teile iuwer œheim Artus von einem lande, daz alsus, Lover, ist genennet. habet ir die stat erkennet, ze Sabins bî der Chronica? diu massenîe ist alliu dâ. von hiut über den ahten tac mit grôzer schouwe er komen mac. dar nâch an dem anderm tage kum ich durch mîn alte klage ûf den plân ze Tschofflanze nâch gelte disem kranze.« Gramoflanz in mit im bat ze Roisabins durch die stat: »ir muget niht ander brücke hân.« dô sprach mîn hêr Gawan: »ich wil hin als her; anders leist ich iuwer ger.«

*T ein dinc tuot mir an iu wol, daz ich mit iu strîten sol. ouch ist iu grôzer prîs geschehen, daz ich iu hân verjehen gein iu zuo kampfe komende. uns ist zuo prîse vromende, ob wir werde rîter und vrouwen den kampf lâzen schouwen; vünf hundert vrouwen bring ich dar. ir hât ouch eine clâre schar ûf Tschahtel Marveile. iu bringet zuo iuwerme teile iuwer œheim Artus von eime lande, daz alsus, Lover, ist genennet. hât ir die stat erkennet, Bems bî der Korcha? diu massenîe ist alliu dâ. von hiute über den ahten tac mit grôzer schœne er komen mac. von hiute über sehzehen tage kum ich durch mîn alte klage ûf den plân zuo Tschoflanze nâch gelte diseme kranze.« Der künec Gawanen mit im bat zuo Rotschasabyirs in die stat: »ir moget niht ander brücken hân.« dô sprach mîn hêr Gawan: »ich wil hin als her; anders leist ich iuwer ger.«