*D den iwer kraft dâ zuo betwanc, daz der junge, süeze ranc nâch werder âmîen, von Kanadic Florien. sînes vater lant von kinde er vlôch; diu selbe küneginne in zôch; ze Bertane er was ein gast. Florie in luot mit minnen last, daz si in verjagte vürz lant. in ir dienste man in vant tôt, als ir wol hât vernomen. Gawans künne ist dicke komen durch minne in herzebæriu sêr. Ich nenne iu sîner mâge mêr, den ouch von minne ist worden wê: wes twanc der bluotvarwe snê Parzivals getriwen lîp? daz schuof diu küneginne, sîn wîp. Galoesen und Gahmureten, die habt ir bêde übertreten, daz ir si gâbet an den rê. diu junge, werde Itonje truoc nâch dem künege Gramoflanz mit triwen stæte minne ganz; daz was Gawans swester clâr. vrou Minne, ir teilet ouch iwern vâr Surdamur durch Alexandern. die eine unt die andern, Swaz Gawan künnes ie gewan, vrou Minne, die wolt ir niht erlân,

*m den iuwer kraft dâ zuo betwanc, daz der junge, süeze ranc nâch werder âmîen, von Kanedic Florien. sînes vater lant von kinde †† vlôch; diu selbe künigîn in zôch; zuo Britane er wær ein gast. Florie in luot mit minne last, dô si in verjagte vür daz lant. in ir dienst man in vant tôt, als ir wol hât vernomen. Gawans künne ist dicke komen durch minne in herzebæriu sêr. ich nenne iu sîner mâge mêr, den ouch von minne ist worden wê: des twanc der bluotvarwe snê Parcifals getriuwen lîp; daz schuof diu künigîn, sîn wîp. Galoesen und Gahmureten, die habt ir beide übertreten, daz ir si gâbet an den rê. diu junge, werde Ithonie truoc nâch rois Gramolanz mit stæten triuwen minne ganz; daz was Gawans clâriu swester zwâr. vrouwe Minne, †und teilte† ouch vâr Surdamur durch Alexandren. die ein und die anderen, waz Gawan künnes ie gewan, vrouwe Minne, †† wolt †in† niht erlân,

*G den iuwer kraft dar zuo dwanc, daz der junge, süeze ranc nâch werder âmîen, von Kanadic Florien. diu selbe küneginne in zôch; sînes vater lant von kinde er vlôch; ze Britanie was er gast. Florie luot in mit last, daz si in jagete vür daz lant. in ir dienst man in vant tôt, als ir wol habet vernomen. Gawans künne ist dicke komen von minne in herzebæriu sêr. ich nenne iu sîner mâge mêr, den ouch von minne ist worden wê: wie bedwanc der bluotvarwe snê des werden Parzivals lîp? durch die künegîn, sîn wîp. Galoes unde Gahmureten, die habet ir bêde übertreten, daz ir si gâbet an den rê. diu werde Itonie leit ouch nâch roys Gramoflanz mit triuwen stæte minne ganz; Daz was Gawans swester clâr. vrô Minne, ir teilt iuwer vâr Sardomorde nâch Alexander. die einen unde die ander, swaz Gawan künnes ie gewan, vrô Minne, die welt ir niht erlân,

*T den iuwer kraft dar zuo twanc, daz der junge, süeze ranc nâch werder âmîen, von Kanadic Florien. Diu selbe küniginne in zôch; sînes vater lant von kinde er vlôch; zuo Britanie was er gast. Florie in luot mit minnen last, daz si in jagte vür daz lant. in ir dienst man in vant tôt, als ir wol habt vernomen. Gawans künne ist dicke komen von minne in herzebære sêr. ich nenne iu sîner mâge mêr, den ouch von minne ist worden wê: wie betwanc der bluotvarwe snê des werden Parcifals lîp? durch die künigîn, sîn wîp. Galoes und Gahmureten, die habt ir bêde übertreten, daz ir si gâbet an den rê. diu werde Itonie leit ouch nâch künic Gramoflanz mit triuwen stæte minne ganz; diu was Gawans swester clâr. vrou Minne, ir teilt iuwern vâr Syrdamur durch Alexander. die eine und ouch die ander, waz Gawans künnes ie gewan, vrou Minne, die wolt ir nie erlân,