*D Nû diz wart alsô getân. entwâpent wart hêr Gawan unt dannen geleitet und helfe bereitet von den, die helfen kunden. dâ wâren sîner wunden vünfzec oder mêre. die pfîle iedoch niht sêre durch die ringe wâren gedrucket: der schilt was vür gerucket. Dô nam diu alte künegîn Dictam und warmen wîn unt einen blâwen zindâl. dô erstreich si diu bluotes mâl ûz den wunden, swâ decheiniu was, und band in sô, daz er genas. Swâ der helm was în gebogen, dâ engein daz houbt was erzogen, daz man die würfe erkande, die quaschiuren si verswande mit der salben krefte unt von ir meisterschefte. Si sprach: »ich senfte iu schiere. Cundrie la surziere ruochet mich sô dicke sehen; swaz von erzenîe mac geschehen, des tuot si mich gewaltec wol. sît Anfortas in jâmers dol kom, daz man im helfe warp, diu salbe im half, daz er niht starp.

*m nû diz wart alsô getân. entwâpent wart hêr Gawan und dannen geleitet und helfe bereitet von den, die helfen kunden. dô wâren sîner wunden vünfzic oder mêre. die pfîle iedoch niht sêre durch die ringe wâren gedrucket: der schilt was vür gerucket. dô nam diu alte künigîn dictam und warmen wîn mit einem blâwen zindâl. dô streich si diu bluotes mâl ûz den wunden, wâ der dekeiniu was, und bant in sô, daz er genas. wâ der helm was în gezogen, mit scharpfen tretten wol gebogen, daz man die würfe erkante, die quaschiuren si verswante mit der salben krefte und von ir meisterschefte. si sprach: «†† senfte iu schiere. Condrie lasurziere ruochet mich sô dicke sehen; waz von arzenîe mac geschehen, des tuot si mich gewaltic wol. sît Anfortas in jâmers dol kam, daz man im helfe warp, diu selbe im half, daz er niht starp.

*G Nû diz wart alsô getân. entwâpent wart hêr Gawan unde dannen geleitet unde helfe bereitet von den, die helfen kunden. dô wâren sîner wunden vünfzic ode mêre. die pfîle iedoch niht sêre durch die ringe wâren gedrucket: der schilt was vür gerucket. dô nam diu alte künegîn dictam unde warmen wîn unde einen blâwen zindâl. dô streich si diu bluotes mâl ûz den wunden, swâ der deheiniu was, unde bant in sô, daz er genas. swâ der helm was în gebogen, dâ engein daz houbet was erzogen, daz man die würfe erkande, die quatschiure si verswande mit der salben krefte unde von ir meisterschefte. si sprach: »ich senfte iu schiere. Gundrie lasurziere ruochet mich sô dicke sehen; swaz von erzenîe sol geschehen, des tuot si mich gewaltic wol. Anfortas in jâmers dol kom, daz man im helfe warp. diu salbe im half, daz er niht starp.

*T nû diz wart alsô getân. entwâpent wart hêrre Gawan und dannen geleitet und helfe bereitet von den, die helfen kunden. dô wâren wol mêr wunden vünfzic oder mêre. die pfîle iedoch niht sêre durch die ringe wâren gedrucket: der schilt was vür gerucket. dô nam diu alte künigîn dictam und warmen wîn und einen blâwen zindâl. dô streich si diu bluotes mâl ûz den wunden, wâ deheines was, und bant in sô, daz er genas. wâ der helm was în gebogen, dâ engegen daz houpt was erzogen, daz man die würfe erkante, die quatschiure si verswante mit der salben krefte und von ir meisterschefte. si sprach: »ich senfte iu schiere. Kundrie Lasurziere ruochet mich sô dicke sehen; waz von erzenîe mac geschehen, des tuot si mich gewaltic wol. sît Anfortas in jâmers dol kom, daz man im helfe warp, diu selbe im half, daz er niht starp.