*D Welt ir niht erwinden, mir unt mînen kinden geschach sô rehte leide nie, ob ir den lîp verlieset hie. Sult aber ir prîs behalten unt dises landes walten, sô hât mîn armuot ende. ich getrouwe des iwerer hende, si hœhe mich mit rîcheit. mit vreuden liep âne leit mac iwer prîs hie erwerben, sult ir niht ersterben. Nû wâpent iuch gein kumber grôz.« dennoch was Gawan alblôz; er sprach: »traget mir mînen harnasch her.« der bete was der wirt sîn wer: von vuoz ûf wâpende in dô gar diu süeze magt wol gevar. Der wirt nâch dem orse gienc. ein schilt an sîner wende hienc, der dicke unt alsô herte was, dâ von doch Gawan sît genas. schilt und ors im wâren brâht. der wirt was alsô bedâht, daz er wider vür in stuont; Dô sprach er: »hêrre, ich tuon iu kunt, wie ir sult gebâren gein iwers verhes vâren: mînen schilt sult ir tragen, dern ist durchstochen noch zerslagen,

*m welt ir niht erwinden, mir und mînen kinden geschach sô rehte leide nie, ob ir den lîp verlieset hie. solt aber ir prîs behalten und des landes walten, sô het mîn armuot ende. ich getriuwe des iuwer hende, si hœhe mich mit rîcheit. mit vröuden liep †oder† leit mac iuwer prîs hie erwerben, solt ir niht ersterben. nû wâpent iuch gegen kumber grôz.« dannoch was Gawan alblôz; er sprach: »tragt mir mîn harnasch her.« der bete was der wirt sîn wer: von vuoz ûf wâpent in dô gar diu süeze maget wol gevar. der wirt nâch dem ros gienc. ein schilt an sîner wende hienc, der dicke und alsô herte was, dâ von doch Gawan sît genas. schilt und ros im wurden brâht. der wirt alsô was bedâht, daz er wider vür in stuont; er sprach: »hêrre, daz tuon ich kunt, wie ir sult gebâren gegen iuwers verhes vâren: mînen schilt sult ir tragen, der ist durchstochen noch durchslagen,

*G Welt ir niht erwinden, mir unde mînen kinden geschach sô rehte leide nie, ob ir den lîp verlieset hie. sult aber ir brîs behalten unde dises landes walten, sô hât mîn armuot ende. ich getrouwe des iuwerre hende, sô hœhet sich mîn rîcheit. mit vröuden lieb âne leit mac iuwer brîs hie erwerben, sult ir niht ersterben. nû wâpent iuch gein kumber grôz.« dannoch stuont Gawan al blôz; er sprach: »traget mir mîn harnasch her.« der bete was der wirt sîn wer: von vuoze ûf wâpent in dô gar diu süeze maget wol gevar. der wirt nâch dem orse gienc. ein schilt an sîner wende hienc, der dicke unde als herte was, dâ von doch Gawan sît genas. schilt unde ors im wâren brâht. der wirt was alsô bedâht, daz er wider vür in stuont; dô sprach er: »hêrre, ich tuon iu kunt, wie ir sult gebâren gein iuwers verhes vâren: mînen schilt sult ir tragen, der ist durchstochen noch durchslagen,

*T welt ir niht erwinden, mir unde mînen kinden geschach sô rehte leide nie, ob ir den prîs verlieset hie. sult ir aber den prîs behalten unde disses landes walten, sô het mîn armuot ende. ich getriuwe es iuwerre hende, si hœhe mich mit rîcheit. mit vröuden liep âne leit mac iuwer prîs erwerben, sult ir niht ersterben. Nû wâpent iuch gegen kumber grôz.« dannoch saz Gawan alblôz; er sprach: »nû bringet mir mîn harnasch her.« der bete was der wirt sîn wer: von vuoze ûf wâpent in dô gar diu süeze magt wol gevar. Der wirt nâch dem orse gienc. ein schilt an sîner wende hienc, der dicke unde herte was, dâ von doch Gawan sît genas. Schilt unde ors im wurden brâht. der wirt was alsô bedâht, daz er wider vür in stuont; er sprach: »hêrre, ich tuon iu kunt, wie ir sult gebâren gegen iuwers verhes vâren: mînen schilt sult ir tragen, der enist durchstochen noch durchslagen,